Coronavirus: લોકડાઉન દરમિયાન દર્શકો ફ્રીમાં જોઈ શકશે પોતાની આ મનપસંદ ચેનલ

ગ્રાહકોએ પહેલા Sony Pal માટે 1 રૂપિયો ચૂકવવો પડતો હતો. Star Utsav ચેનલ માટે પણ 1 રૂપિયો આપીને મહિના સુધી જોઈ શકાતી હતી.

નવી દિલ્હીઃ કોરોના વાયરસને કારણે સમગ્ર દેશમાં લોકડાઉન છે. સાથે જ બધા લોકો પોતાના ઘરમાં કેદ છે. એવામાં લોકોને ધ્યાનમાં રાખીને ઇન્ડિયન બ્રોડકાસ્ટિંગ ફાઉન્ડેશન એટલે કે આઈબીએફએ ડીટીએચ અને કેબલ નેટવર્કને કેટલીક ચેનલો ફ્રીમાં બતાડવાનો આદેશ આપ્યો છે. તેમાં સોની પલ, કલર્સ રિશ્તે અને ઝી અનમોલ ચેનલ સામેલ છે. તમને જણાવી એક, આ પહેલા ટાટ સ્કાઈએ યૂઝર્સ માટે ફિટનેસ ચેનલ ફ્રીમાં ઉપલબ્ધ કરાવી હતી. આઈબીએફે કહ્યું કે, લોકડાઉન દરમિયાન યૂઝર્સને સોની નેટવર્કની સોની પલ, ઝી ટીવીની ઝી અનમોલ, Star Indiaની Star Utsav અને કલરની કલર્સ રિશ્તે ચેનલ બે મહિના માટે ફ્રીમાં જોઈ શકાશે. IBFએ એક નિવેદનમાં કહ્યું કે કોરોના વાયરસ મહામારીને કારણે ઉદ્યોગની જાહેરાતની આવક પર અસર પડશે. તેને કારણે તેના સભ્ય અનિશ્ચિતતાના સમયમાંથી પસાર થઈ રહ્યા છે, પરંતુ આ ખરાબ સમયમાં લોકોની મદદ કરવા માટે તેઓ સરકારની સાથે છે. ગ્રાહકોએ પહેલા Sony Pal માટે 1 રૂપિયો ચૂકવવો પડતો હતો. Star Utsav ચેનલ માટે પણ 1 રૂપિયો આપીને મહિના સુધી જોઈ શકાતી હતી. બીજી તરફ, Zee Anmolની કિંમત પહેલા 0.10 રૂપિયા હતી અને Colors Rishteyને પહેલા 1 રૂપિયામાં ઉપલબ્ધ કરાવવામાં આવતી હતી.