એમ્બ્યુલન્સનમાં ખાડાને કારણે ધક્કો લાગતા, ડેડ મહિલા થઇ ગઇ જીવિત, સ્મશાનગૃહ લઈ જવાની થતી હતી તૈયારી
પીલીભીતની વિનિતા શુક્લાને ડોક્ટરોએ બ્રેઈન ડેડ જાહેર કરી હતી અને ઘરે લઈ જવાની તૈયારી ચાલતી હતી. જ્યારે તેનો પરિવાર તેના અંતિમ સંસ્કારની તૈયારી કરી રહ્યો હતો, ત્યારે એમ્બ્યુલન્સમાં તે અચાનક જ જીવિત થઇ ગઇ.
- મહિલાને મૃત જાહેર કરી અંતિમ સંસ્કારની તૈયારીઓ શરૂ થઈ.
- વેન્ટિલેટર પર રખાયેલી મહિલાને ઘરે લાવતી વેળાએ ચમત્કાર.
- એમ્બ્યુલન્સના ઝટકાથી મહિલા ભાનમાં આવી, ડોક્ટરો પણ ચોંકી ગયા.
- ૧૪ દિવસની સારવાર બાદ સંપૂર્ણ સ્વસ્થ થઈ ઘરે પરત.
ઉત્તર પ્રદેશના પીલીભીત જિલ્લામાંથી એક એવી ઘટના સામે આવી છે, જે તમને સ્તબ્ધ કરી દેશે. એક મહિલા જેને ડોક્ટરો દ્વારા બ્રેઈન ડેડ જાહેર કરવામાં આવી હતી અને જેની અંતિમ સંસ્કારની તૈયારીઓ પૂર્ણ થઈ ગઈ હતી, તે ચમત્કારિક રીતે મૃત્યુમાંથી પાછી આવી. આ ઘટના ગોકુલપુરમ કોલોનીમાં બની હતી. ત્યાં રહેતી વિનિતા શુક્લા 22 ફેબ્રુઆરીના રોજ અચાનક ઘરે પડી ગઈ હતી. તેના પરિવારે તેને તાત્કાલિક જિલ્લા હોસ્પિટલમાં લઈ ગયા, જ્યાંથી તેને બરેલીની એક ખાનગી હોસ્પિટલમાં રિફર કરવામાં આવી હતી.
વિનીતાને બરેલી હોસ્પિટલમાં બે દિવસ સુધી વેન્ટિલેટર પર રાખવામાં આવી હતી. ડોકટરોના મતે, તેનું શરીર ગતિહીન હતું, તેની આંખો પહોળી થઈ ગઈ હતી અને તે બ્રેઇન ડેડ થઇ ગયું હતું ડોકટરોએ તેના પરિવારને સ્પષ્ટપણે કહ્યું હતું કે જો વેન્ટિલેટર દૂર કરવામાં આવે તો તે મરી જશે. ભારે હૃદય સાથે, પરિવાર તેને ઘરે લઈ જવા માટે એમ્બ્યુલન્સમાં બેઠો.
24 ફેબ્રુઆરીના રોજ, જ્યારે વિનિતાને એમ્બ્યુલન્સમાં ઘરે લાવવામાં આવી રહી હતી, ત્યારે ઘરનું વાતાવરણ શોકથી ભરેલું હતું. અંતિમ સંસ્કાર માટે તૈયારી થઇ રહી હતી, અને સંબંધીઓ અને પડોશીઓ તેને વિદાય આપવા માટે દરવાજા પર ભેગા થયા હતા. પરંતુ આ જ સમયે કુદરતે તેનો ખેલ દેખાડ્યો.
એમ્બ્યુલન્સ ધક્કો માર્યો, અને જીવન પાછું આવ્યું
રસ્તામાં, વિનીતાને અચાનક એક જોરદાર ઝટકો લાગ્યો. ખાડાને કારણે એમ્બ્યુલન્સને જોરદાર ધક્કો લાગ્યો. જેના કારણે વિનીતાને પણ આ ઝટકો લાગ્યો. જ્યારે પરિવારે જોયું, ત્યારે મહિલા ભાનમાં આવવા લાગી. ચમત્કાર જોઈને, તેણીને સ્મશાનગૃહ લઈ જવાને બદલે, પરિવારે તાત્કાલિક તેણીને પીલીભીતની ડૉ. રાકેશ ન્યુરો સિટી હોસ્પિટલમાં લઈ ગયા. 14 દિવસની સઘન સારવાર પછી, વિનીતાની સ્થિતિમાં નાટ્યાત્મક સુધારો થયો. તે હવે બિલકુલ સ્વસ્થ છે અને તેને રજા આપવામાં આવી રહી છે.
ટોપ સ્ટોરી
ટ્રેન્ડિંગ સમાચાર
