![ABP Premium](https://cdn.abplive.com/imagebank/Premium-ad-Icon.png)
લગ્ન માટે ઈનકાર કરતા પાર્કમાં યુવતીના માથામાં સળીયો મારી ઉતારી મોતને ઘાટ, પૂછપરછમાં અનેક ખુલાસા
માલવિયા નગર વિસ્તારમાં અરબિંદો કોલેજ પાસેના પાર્કમાં બપોરે 12 વાગ્યે એક છોકરાએ એક યુવતીને લોખંડના સળીયો મારી મોતને ઘાટ ઉતારી હતી.
![લગ્ન માટે ઈનકાર કરતા પાર્કમાં યુવતીના માથામાં સળીયો મારી ઉતારી મોતને ઘાટ, પૂછપરછમાં અનેક ખુલાસા Delhi crime irfan killed nargis hit on head with rod for refusing marriage લગ્ન માટે ઈનકાર કરતા પાર્કમાં યુવતીના માથામાં સળીયો મારી ઉતારી મોતને ઘાટ, પૂછપરછમાં અનેક ખુલાસા](https://feeds.abplive.com/onecms/images/uploaded-images/2023/07/28/aeccd12f04fe4b31a3cf20b0e7d6402c169055347123378_original.jpg?impolicy=abp_cdn&imwidth=1200&height=675)
Delhi Crime: રાજધાની દિલ્હીમાં શુક્રવાર (28 જુલાઈ)ના રોજ વધુ એક યુવતીની હત્યા કરવામાં આવતા ખળભળાટ મચી ગયો છે. માલવિયા નગર વિસ્તારમાં અરબિંદો કોલેજ પાસેના પાર્કમાં બપોરે 12 વાગ્યે એક છોકરાએ એક યુવતીને લોખંડના સળીયો મારી મોતને ઘાટ ઉતારી હતી.
પોલીસને 12:08 વાગ્યે પીસીઆર કોલ દ્વારા આ ઘટનાની માહિતી મળી હતી. ફોન કરનારે જણાવ્યું કે અરબિંદો કોલેજ પાસેના વિજય મંડલ પાર્કમાં એક છોકરો એક છોકરીની હત્યા કરીને ભાગી ગયો છે. યુવતીની બાજુમાં લોખંડનો સળીયો પડ્યો છે. આ માહિતી મળતા જ પોલીસ તાત્કાલિક ઘટનાસ્થળે પહોંચી ગઈ હતી.
પોલીસ ટીમ ઘટના સ્થળે પહોંચી હતી
પોલીસના જણાવ્યા અનુસાર યુવતીની ડેડ બોડી પાર્કમાં બેંચ પાસે પડી હતી. લોખંડનો સળીયો પણ ત્યાં હતો અને યુવતીના માથામાંથી લોહી વહી રહ્યું હતું. પોલીસ અધિકારીઓ પણ ઘટના સ્થળે પહોંચી ગયા હતા. જ્યારે તપાસ શરૂ થઈ તો પોલીસને ખબર પડી કે યુવતીનું નામ નરગીસ છે, જે આ વર્ષે કમલા નહેરુ કોલેજમાંથી પાસ આઉટ થઈ હતી.
નરગીસ અને ઈરફાન મિત્રો હતા
આ કેસની તપાસ કરતી વખતે પોલીસને ખબર પડી કે નરગીસ તેના મિત્ર ઈરફાન સાથે પાર્કમાં આવી હતી. બંને બેંચ પર બેસીને વાતો કરી રહ્યા હતા, ત્યારે અચાનક ઈરફાને નરગીસ પર લોખંડના સળીયાથી હુમલો કર્યો અને સ્થળ પરથી ભાગી ગયો.
પોલીસે આરોપી ઈરફાનની ધરપકડ કરી લીધી છે. પૂછપરછ દરમિયાન ઈરફાને જણાવ્યું કે તે નરગીસ સાથે લગ્ન કરવા માંગતો હતો પરંતુ તેના પરિવારે આ લગ્ન માટે ઈનકાર કર્યો હતો. પરિવારના ઈનકાર બાદ નરગીસે પણ ઈરફાન સાથે વાત કરવાનું બંધ કરી દીધું હતું. આનાથી ગુસ્સે થઈને તેણે તેની હત્યા કરી નાખી.
હત્યાનું પ્લાનિંગ 3 દિવસ પહેલા કરવામાં આવ્યું હતું
ઈરફાને પોલીસને જણાવ્યું કે તેણે નરગીસની હત્યાનો પ્લાન 3 દિવસ પહેલા જ બનાવ્યો હતો. તે સ્વિગીમાં ડિલિવરી બોય તરીકે કામ કરતો હતો. તેને ખબર હતી કે નરગીસ સ્ટેનો કોર્સ કરી રહી છે અને તે માલવિયા નગર પાર્કમાંથી પસાર થતી હતી.
લગભગ 12 વાગ્યાની આસપાસ તે પાર્કમાં પહોંચ્યો અને નરગીસને વાત કરવા માટે બોલાવી, પરંતુ જ્યારે નરગીસે વાત કરવાની ના પાડી તો તેણે બેગમાંથી લોખંડનો સળિયો કાઢી તેના પર હુમલો કર્યો. આરોપીની વધુ પૂછપરછ ચાલી રહી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)