દિલ્હી-NCR માં ભૂકંપના ઝટકા, જમ્મુ-કાશ્મીરમાં પણ ધરા ધ્રુજી, જાણો કેટલી હતી તીવ્રતા

દિલ્હી-એનસીઆર વિસ્તારમાં શુક્રવારે ભૂકંપના આંચકા અનુભવાયા હતા. દિલ્હીની સાથે કાશ્મીરના વિવિધ ભાગોમાં પણ ભૂકંપના આંચકા અનુભવાયા હતા.

પ્રતિકાત્મક તસવીર

Source : SOCIAL MEDIA

નવી દિલ્હી:  દિલ્હી-એનસીઆર વિસ્તારમાં શુક્રવારે ભૂકંપના આંચકા અનુભવાયા હતા. દિલ્હીની સાથે કાશ્મીરના વિવિધ ભાગોમાં પણ ભૂકંપના આંચકા અનુભવાયા હતા. વધુમાં, પંજાબના પઠાણકોટમાં પણ ભૂકંપના આંચકા અનુભવાયા હતા. અહેવાલો અનુસાર, શુક્રવારે આવેલા ભૂકંપનું કેન્દ્ર અફઘાનિસ્તાનમાં હોવાનું માનવામાં આવે છે. આ ભૂકંપની તીવ્રતા રિક્ટર સ્કેલ પર 5.9 માપવામાં આવી હતી.

#WATCH | Jammu & Kashmir: An earthquake was felt in Srinagar. Chandeliers and fans were seen moving. pic.twitter.com/iFx5OTZ7uB

— ANI (@ANI) April 3, 2026

દિલ્હી-એનસીઆર અને ચંદીગઢ સહિત ઉત્તર ભારતના ઘણા વિસ્તારોમાં ભૂકંપના આંચકા અનુભવાયા હતા. જમ્મુ અને કાશ્મીરના કેટલાક ભાગોમાં ભૂકંપના કારણે લોકોને તેમના ઘરો અને ઓફિસો છોડીને ભાગવાની ફરજ પડી હતી.

અહેવાલો અનુસાર, ભૂકંપ અફઘાનિસ્તાન-તાજિકિસ્તાન સરહદી વિસ્તારમાં આવ્યો હતો, જેની તીવ્રતા રિક્ટર સ્કેલ પર 5.9 હતી. તીવ્ર ભૂકંપના આંચકાએ દિલ્હી, પંજાબ અને જમ્મુ અને કાશ્મીર સહિત ઘણા વિસ્તારો હચમચી ઉઠ્યા હતા.  ઉધમપુર, પૂંછ અને કાશ્મીર ખીણના ઘણા વિસ્તારોમાં પણ આંચકા અનુભવાયા હતા. આ આંચકા ફક્ત થોડીક સેકન્ડના હતા, પરંતુ તેમની તીવ્રતા એટલી હતી કે લોકો ગભરાઈ ગયા અને સલામતી માટે સુરક્ષિત સ્થળ તરફ ભાગ્યા. 

દિલ્હી-એનસીઆરમાં ઘણી ઊંચી ઇમારતોના રહેવાસીઓએ ભૂકંપના આંચકા સ્પષ્ટપણે અનુભવ્યા. ઓફિસો અને ઘરોમાં રહેલા લોકો તાત્કાલિક બહાર દોડી આવ્યા. કેટલાક વિસ્તારોમાં લોકો બગીચા અને ખુલ્લા મેદાનોમાં ભેગા થયા. હાલમાં, કોઈ મોટા નુકસાન કે જાનહાનિના અહેવાલ નથી, પરંતુ વહીવટીતંત્ર પરિસ્થિતિ પર નજીકથી નજર રાખી રહ્યું છે. અધિકારીઓએ લોકોને અપીલ કરી કે ગભરાશો નહીં અને  કોઈપણ અફવાઓ પર ધ્યાન આપશો નહીં. 

ભૂકંપ આવે ત્યારે બચવા શું કરશો
  
ભૂકંપ આવે ત્યારે જો તમે ઘરમાં છો તો જમીન પર બેસી જાવ. મજબૂત ટેબલ કે કોઈ ફર્નીચરની નીચે શરણ લો. ટેબલ ન હોય તો હાથ વડે ચેહરા અને માથાને ઢાંકી લો. ઘરના કોઈ ખૂણામાં જતા રહો. કાંચ બારીઓ દરવાજા અને દિવાલથી દૂર રહો. પથારી પર છો તો સૂઈ રહો. ઓશિકા વડે માથુ ઢાંકી લો. આસપાસ ભારે ફર્નીચર હોય તો તેનાથી દૂર રહો.
લિફ્ટનો ઉપયોગ કરતા બચો. લાઈટ જવાથી પણ લિફ્ટ રોકાય શકે છે. નબળી સીઢીઓનો ઉપયોગ ન કરો. ઝટકો આવતા સુધી ઘરની અંદર જ રહો. આંચકા આવતા બંધ થાય ત્યારે બહાર નીકળો.