'મનસ્વી રીતે સરકારી નોકરીના નિયમો બદલી શકાય નહીં', સુપ્રીમ કોર્ટનો મોટો ચુકાદો
Supreme Court: સરકારી નોકરીઓ માટે ભરતી પ્રક્રિયાના નિયમોને લઈને સુપ્રીમ કોર્ટે મોટો નિર્ણય લીધો છે.
Supreme Court: સરકારી નોકરીઓ માટે ભરતી પ્રક્રિયાના નિયમોને લઈને સુપ્રીમ કોર્ટે મોટો નિર્ણય લીધો છે. સુપ્રીમ કોર્ટે કહ્યું છે કે સરકારી નોકરીની પ્રક્રિયા શરૂ થયા બાદ નિયમોમાં ફેરફાર કરી શકાય નહીં.
પાંચ ન્યાયાધીશોની બંધારણીય બેન્ચ સમક્ષ પ્રશ્ન એ હતો કે શું ભરતી પ્રક્રિયા શરૂ થયા પછી નિયમોમાં ફેરફાર કરી શકાય કે નહીં. SCએ પોતાના નિર્ણયમાં એમ પણ કહ્યું હતું કે સરકારી પદો પર ભરતીની પ્રક્રિયા સંપૂર્ણપણે પારદર્શક અને નિષ્પક્ષ હોવી જોઈએ.
જાણો શું છે સમગ્ર મામલો
વાસ્તવમાં આ મામલો રાજસ્થાન હાઈકોર્ટમાં નિમણૂક સાથે સંબંધિત છે. આ કિસ્સામાં નોકરી સંબંધિત લેખિત પરીક્ષા અને ઇન્ટરવ્યૂ પછી માત્ર 75 ટકા લાયકાતના ગુણ પર નિમણૂક કરવાનો નિયમ બનાવવામાં આવ્યો હતો. આ નવા નિયમને કારણે ઘણા ઉમેદવારો નોકરી મેળવવાથી વંચિત રહી ગયા હતા. તેમણે કહ્યું કે એકવાર પ્રક્રિયા શરૂ થઈ જાય પછી નિયમો બદલી શકાય નહીં.
જો કે, સુપ્રીમ કોર્ટે કહ્યું છે કે જો નિયોમાં અગાઉ કહેવામાં આવ્યું હોય કે નોકરી માટેની યોગ્યતા બદલી શકાય છે, તો તે કરી શકાય છે. પરંતુ સમાનતાના અધિકારનું ઉલ્લંઘન કરીને મનસ્વી રીતે આ કરી શકાય નહીં.
3 ઉમેદવારોએ હાઈકોર્ટમાં પડકાર્યો હતો
2009માં આ ભરતીની મધ્યમાં નવા નિયમો બનાવવામાં આવતાં અનેક ઉમેદવારો નોકરી મેળવવાથી વંચિત રહી ગયા હતા. જેને 3 ઉમેદવારોએ હાઈકોર્ટમાં પડકાર્યો હતો. તેમણે કહ્યું કે એકવાર પ્રક્રિયા શરૂ થઈ જાય પછી નિયમો બદલી શકાય નહીં. પરંતુ તેમની અરજી 2010માં ફગાવી દેવામાં આવી હતી. આ પછી 2013માં સુપ્રીમ કોર્ટની ત્રણ જજોની બેન્ચે આ કેસ પાંચ જજોની બંધારણીય બેન્ચને મોકલ્ય હતો. આ વર્ષે ચીફ જસ્ટિસ ડીવાય ચંદ્રચૂડના નેતૃત્વમાં 5 જજોની બેન્ચે આ કેસની સુનાવણી કરી હતી.
જસ્ટિસ મનોજ મિશ્રાએ બેન્ચ તરફથી સર્વસંમત ચુકાદો વાંચ્યો હતો. તેમણે કહ્યું કે જો કોઈ પોસ્ટ પર નિમણૂક માટે કોઈ નિયમો નથી, તો એમ્પ્લોયર નિયમો નક્કી કરી શકે છે. પરંતુ ભરતી પ્રક્રિયા શરૂ થાય તે પહેલા આ કરવું જોઈએ. નોકરીની જાહેરાત બહાર પડતાની સાથે જ ભરતી પ્રક્રિયા શરૂ થાય છે. આ પ્રક્રિયા પસંદ કરાયેલા ઉમેદવારોની નિમણૂક સાથે સમાપ્ત થાય છે. એકવાર પ્રક્રિયા શરૂ થયા પછી નિમણૂક સંબંધિત નિયમોમાં ફેરફાર કરી શકાશે નહીં.
ટ્રેન્ડિંગ સમાચાર
ટોપ સ્ટોરી
