Haryana Elections 2024 Live: હરિયાણા વિધાનસભા ચૂંટણી માટે મતદાન પૂર્ણ, સાંજે 5 વાગ્યા સુધી 61 ટકા મતદાન
Haryana Elections 2024: ભાજપ શાસિત હરિયાણામાં કુલ 90 વિધાનસભા બેઠકો છે. કોઈપણ પક્ષને બહુમત માટે 46નો આંકડો જોઈએ.
Background
Haryana Elections 2024: હરિયાણામાં આજે એટલે કે શનિવારે (5 ઓક્ટોબર, 2024) મતદાન છે. 90 વિધાનસભા બેઠકોવાળા રાજ્યમાં, મતદાન સવારે 7 વાગ્યાથી શરૂ થશે અને સાંજે 6 વાગ્યા સુધી ચાલશે. ચૂંટણીના પરિણામો 8 ઓક્ટોબર, 2024ના રોજ આવશે.
રાજ્યના મુખ્ય ચૂંટણી અધિકારી પંકજ અગ્રવાલે શુક્રવારે (4 ઓક્ટોબર, 2024) સમાચાર એજન્સી પીટીઆઈને જણાવ્યું હતું કે, 2,03,54,350 મતદારો તેમના મતાધિકારનો ઉપયોગ કરવા પાત્ર છે. તેમાંથી 8,821 મતદારો 100 વર્ષથી વધુ ઉંમરના છે. કુલ 1,031 ઉમેદવારો 90 બેઠકો પર ચૂંટણી લડી રહ્યા છે, જેમાંથી 101 મહિલાઓ છે, જ્યારે મતદાન માટે કુલ 20,632 મતદાન મથકો બનાવવામાં આવ્યા છે.
હાલમાં રાજ્યમાં ભાજપની સરકાર છે, જ્યાં મુખ્યમંત્રી નાયબ સિંહ સૈની છે. તેમના સિવાય પૂર્વ મુખ્યમંત્રી ભૂપેન્દ્ર સિંહ હુડ્ડા, કોંગ્રેસના ઉમેદવાર વિનેશ ફોગાટ અને જેજેપીના દુષ્યંત ચૌટાલા અને અન્ય 1027 ઉમેદવારોનું ભાવિ ચૂંટણી દ્વારા નક્કી કરવામાં આવશે.
સત્તાધારી ભાજપ સતત ત્રીજી વખત રાજ્યમાં સત્તા મેળવવાનો પ્રયાસ કરી રહી છે, જ્યારે કોંગ્રેસ એક દાયકા પછી સરકારમાં પાછા ફરવાની આશા સેવી રહી છે. રાજકીય નિષ્ણાતોના મતે ભાજપ અને કોંગ્રેસ વચ્ચે સીધો મુકાબલો છે, પરંતુ નસીબ અજમાવી રહેલા અન્ય મોટા પક્ષોમાં અરવિંદ કેજરીવાલની આમ આદમી પાર્ટી (AAP), ઈન્ડિયન નેશનલ લોકદળ (INLD) - બહુજન સમાજ પાર્ટી (BSP) ગઠબંધન અને જનનાયક જનતા પાર્ટી(JJP), આઝાદ સમાજ પાર્ટી (ASP) સાથે પણ ગઠબંધન છે.
3 વાગ્યા સુધી 49.13% મતદાન
હરિયાણામાં બપોરે 3 વાગ્યા સુધી 49.13% મતદાન નોંધાયું છે. મેવાતમાં સૌથી વધુ 56.59 ટકા મતદાન નોંધાયું છે. જ્યારે અંબાલામાં 49 ટકાથી વધુ મતદાન થયું છે. ગુરુગ્રામમાં 38.61 ટકા મતદાન થયું છે.
Assembly elections | Haryana recorded 49.13% voter turnout till 3 pm, as per Election Commission of India. pic.twitter.com/mlA8Wmw5Jp
— ANI (@ANI) October 5, 2024
હરિયાણામાં બપોરે 1 વાગ્યા સુધી 40.1 ટકા મતદાન
બપોરે 1 વાગ્યા સુધી હરિયાણામાં 40.1 ટકા મતદાન થયું હતું.
કયા જિલ્લામાં કેટલું મતદાન?
પંચકુલામાં - 38.7 ટકા
અંબાલા- 42.2
યમુનાનગર- 47.4
કુરુક્ષેત્ર- 43.9
કૈથલ- 44.5
કરનાલ- 41.1
પાણીપત- 42.4
સોનીપત- 38.6
જીંદ- 43.5
ફતેહાબાદ- 42.8
સિરસા- 39.5
હિસાર- 41.4
ભિવાની- 40.2
ચરખી દાદરી- 40.8
રોહતક- 37.9
ઝજ્જર- 40.3
મહેન્દ્રગઢ- 38.9
રેવાડી- 38.2
ગુરુગ્રામ- 33.2
મેવાત- 45.1
પલવલ- 41.3
ફરીદાબાદ- 32.5
ટોપ સ્ટોરી
ટ્રેન્ડિંગ સમાચાર
