Haryana Elections: હરિયાણા વિધાનસભા ચૂંટણી પહેલા ભાજપને મોટો ફટકો! આ દિગ્ગજ નેતા કોંગ્રેસમાં જોડાયા

Haryana Elections: હરિયાણા વિધાનસભા ચૂંટણી 2024 પહેલા, ભાજપને મોટો ફટકો પડ્યો છે કારણ કે ભાજપના નેતા અશોક તંવર કોંગ્રેસમાં પાછા ફર્યા છે, જેમણે પોતે કુમારી સેલજા સામે ચૂંટણી લડી હતી.

હરિયાણા વિધાનસભા ચૂંટણી

Source : X@INCIndia

Haryana Elections: હરિયાણા વિધાનસભા ચૂંટણી 2024 પહેલા ભારતીય જનતા પાર્ટી (BJP)ને મોટો ઝટકો લાગ્યો છે. કારણ કે ભાજપના નેતા અશોક તંવર કોંગ્રેસમાં પાછા ફર્યા છે. ગુરુવારે (3 ઓક્ટોબર, 2024) ચૂંટણી પ્રચારના છેલ્લા દિવસે મહેન્દ્રગઢમાં રાહુલ ગાંધીની હાજરીમાં કોંગ્રેસનો ભાગ બન્યા. સૌથી રસપ્રદ વાત એ છે કે આ એ જ અશોક તંવર છે, જેઓ ભાજપમાંથી (લોકસભા ચૂંટણીમાં સિરસા બેઠક પરથી) કોંગ્રેસના દલિત નેતા કુમારી સેલજા સામે ચૂંટણી લડ્યા હતા.

જ્યાં સુધી ચૂંટણીમાં મતદાન ન થાય ત્યાં સુધી પવનની દિશા બદલાય તેવી શક્યતા રહે છે. આ કહેવત મતદારોને લાગુ પડે છે પરંતુ નેતાઓ માટે પણ આ વાત સાચી લાગે છે, કમ સે કમ હરિયાણાની ચૂંટણીમાં. લગભગ એક કલાક પહેલા સુધી સત્તાધારી ભારતીય જનતા પાર્ટી (BJP)ના ઉમેદવારો માટે વોટની અપીલ કરતા અશોક તંવર હવે કોંગ્રેસી બની ગયા છે.

 

#WATCH | Haryana BJP leader Ashok Tanwar joined Congress in the presence of Congress MP and Lok Sabha LoP Rahul Gandhi and former Haryana CM Bhupinder Singh Hooda, in Mahendragarh

(Source: Congress) pic.twitter.com/g4pqSmbqGo

— ANI (@ANI) October 3, 2024

અશોક તંવર કોંગ્રેસી બન્યાના લગભગ એક કલાક પહેલા સુધી ભાજપની તરફેણમાં x પોસ્ટ કરી રહ્યા હતા.

હરિયાણા ચૂંટણી માટે પ્રચાર પૂરો થવાના થોડા કલાકો પહેલા જ અશોક તંવર રાહુલ ગાંધીની જીંદ રેલીમાં પહોંચ્યા અને કોંગ્રેસમાં જોડાઈ ગયા. અશોક તંવર હરિયાણા કોંગ્રેસના અધ્યક્ષ પણ રહી ચૂક્યા છે. કોંગ્રેસે અશોક તંવરનો રાહુલ ગાંધીના મંચ પર પહોંચવાનો અને પાર્ટીમાં સામેલ થવાનો વીડિયો સોશિયલ મીડિયા પ્લેટફોર્મ X પર શેર કર્યો છે. પાર્ટીના વરિષ્ઠ નેતા, પ્રચાર સમિતિના સભ્ય અને હરિયાણાના સ્ટાર પ્રચારક અશોક તંવર કોંગ્રેસમાં જોડાયા છે તેનો વીડિયો પોસ્ટ કરીને કોંગ્રેસ પરિવારને વધુ મજબૂત બનાવશે.

પાર્ટીના ઓફિશિયલ હેન્ડલ પર વીડિયો પોસ્ટ કર્યો હતો. જેમાં લખવામાં આવ્યું કે, અમારા સંઘર્ષ અને સમર્પણથી પ્રભાવિત થઈને આજે ભાજપના વરિષ્ઠ નેતા, પૂર્વ સાંસદ, હરિયાણામાં ભાજપની પ્રચાર સમિતિના સભ્ય અને સ્ટાર પ્રચારક અશોક તંવર કોંગ્રેસમાં જોડાયા. તમારા આવવાથી દલિતોના હક્કની લડાઈને વધુ બળ મળશે. કોંગ્રેસ પરિવારમાં ફરી સ્વાગત છે, ભવિષ્ય માટે શુભકામનાઓ.

આ પણ વાંચો...