તોફાનનું એલર્ટ! 18 રાજ્યોમાં જળબંબાકાર જેવી સ્થિતિ સર્જાશે! હવામાન વિભાગે એલર્ટ જાહેર કર્યું
IMDની ચેતવણી: જમ્મુ-કાશ્મીરથી તમિલનાડુ સુધી વરસાદની આગાહી, પૂર્વ કિનારે ભારે પવન ફૂંકાવાની સંભાવના.
IMD weather update India: ભારતીય હવામાન વિભાગ (IMD)એ દેશના 18 રાજ્યો માટે તોફાન અને ભારે વરસાદનું એલર્ટ જાહેર કર્યું છે. ઇરાક અને બાંગ્લાદેશમાં સર્જાયેલા ચક્રવાતોને કારણે હવામાન વિભાગે આ ચેતવણી આપી છે. જે રાજ્યોમાં વરસાદનું એલર્ટ જાહેર કરાયું છે તેમાં જમ્મુ અને કાશ્મીર, હિમાચલ પ્રદેશ, ઉત્તરાખંડ, પંજાબ, હરિયાણા, રાજસ્થાન, બિહાર, પશ્ચિમ બંગાળ, અરુણાચલ પ્રદેશ, તમિલનાડુ, કેરળ અને અન્ય ઉત્તર, પૂર્વ અને દક્ષિણ ભારતના રાજ્યોનો સમાવેશ થાય છે.
IMD દ્વારા મંગળવાર, 12 માર્ચ, 2025ના રોજ જાહેર કરાયેલું આ એલર્ટ 15 માર્ચ સુધી અમલમાં રહેવાની સંભાવના છે. હવામાન વિભાગના જણાવ્યા અનુસાર, બે ચક્રવાતો ભારતીય હવામાન પર અસર કરશે. પહેલું ચક્રવાત ઇરાકથી ઉત્તર ભારત તરફ આગળ વધી રહ્યું છે, જેના કારણે દિલ્હી-એનસીઆર અને આસપાસના વિસ્તારોમાં ગરમીથી રાહત મળી શકે છે. તો બીજી તરફ, બાંગ્લાદેશથી બીજું ચક્રવાત આવી રહ્યું છે, જે પૂર્વ અને ઉત્તરપૂર્વીય રાજ્યોમાં વરસાદ લાવશે. આ બંને ચક્રવાતો ઉત્તર, પૂર્વ અને ઉત્તર-પૂર્વ ભારતના હવામાનમાં મોટો બદલાવ લાવી શકે છે.
હવામાન વિભાગે જમ્મુ અને કાશ્મીર, હિમાચલ પ્રદેશ અને ઉત્તરાખંડમાં 15 માર્ચ સુધી ભારે હિમવર્ષા, વરસાદ અને વાવાઝોડાની સંભાવના વ્યક્ત કરી છે. આ ઉપરાંત, પંજાબ અને હરિયાણામાં 12 અને 13 માર્ચે ગાજવીજ અને વીજળીના ચમકારા સાથે વરસાદ થઈ શકે છે, જ્યારે રાજસ્થાનમાં 13 થી 15 માર્ચ સુધી આવી જ સ્થિતિ જોવા મળી શકે છે.
પૂર્વીય રાજ્યો જેવા કે બિહાર અને પશ્ચિમ બંગાળ તેમજ પૂર્વોત્તર રાજ્યોમાં અરુણાચલ પ્રદેશમાં પણ ભારે વરસાદની સંભાવના છે. અરુણાચલ પ્રદેશના કેટલાક વિસ્તારોમાં ભારે હિમવર્ષા થવાની પણ આગાહી કરવામાં આવી છે. દક્ષિણ ભારતના તમિલનાડુ અને કેરળ જેવા રાજ્યોને પણ ભારે વરસાદ માટે એલર્ટ પર રાખવામાં આવ્યા છે. જો પરિસ્થિતિ વધુ ખરાબ થાય તો આ રાજ્યોમાં શાળાઓ અને કોલેજો બંધ કરવાની ફરજ પડી શકે છે.
હવામાન વિભાગે અધિકારીઓને પૂરની સ્થિતિ, પાવર આઉટેજ અને માળખાકીય સુવિધાઓને નુકસાન માટે તૈયાર રહેવાની સલાહ આપી છે, ખાસ કરીને ભારે વરસાદની સંભાવનાવાળા વિસ્તારોમાં. પૂર્વ કિનારાના માછીમારોને હવામાન સ્થિર ન થાય ત્યાં સુધી દરિયામાં ન જવા માટે ચેતવણી આપવામાં આવી છે. IMDની આગાહી અનુસાર, પૂર્વ કિનારે સૌથી વધુ વરસાદ પડવાની સંભાવના છે, જ્યાં પવનની ઝડપ 60 કિમી પ્રતિ કલાક સુધી પહોંચી શકે છે.
હવામાન વિભાગનો અંદાજ છે કે 15 માર્ચ પછી ચક્રવાતની અસર નબળી પડી શકે છે, પરંતુ કેટલાક વિસ્તારોમાં વરસાદ હજુ પણ ચાલુ રહી શકે છે. નાગરિકોને સલાહ આપવામાં આવી છે કે તેઓ હવામાન વિભાગની સૂચનાઓનું પાલન કરે અને સુરક્ષિત રહે.
ટોપ સ્ટોરી
ટ્રેન્ડિંગ સમાચાર
