Independence Day 2023: સ્વતંત્રતા દિવસ પર જુઓ દેશભક્તિથી ભરપૂર આ ફિલ્મો, ભારતની આઝાદીની લડાઇની જોવા મળે છે ઝલક

Independence Day 2023: આગામી 15મી ઓગસ્ટે આઝાદીના 76 વર્ષ પૂર્ણ થવા પર દેશ ખૂબ જ ધામધૂમથી સ્વતંત્રતા દિવસની ઉજવણી કરશે.

ફોટોઃ ગૂગલ

Independence Day 2023: આ વર્ષે દેશભરમાં 76મો સ્વતંત્રતા દિવસ ધામધૂમથી ઉજવવામાં આવશે. દેશમાં અનેક ફિલ્મમેકર્સે એવી ફિલ્મો બનાવી છે જેમાં દેશની આઝાદી અને દેશભક્તિની સુંદરતા, શૌર્ય અને સંઘર્ષનું વર્ણન છે. આ સ્વતંત્રતા દિવસના અવસર પર તમે આ ટોચની 5 દેશભક્તિની ફિલ્મો જોઈ શકો છો, જે ભારતના સ્વાતંત્ર્ય સંગ્રામનું વર્ણન કરે છે.

લગાન

આશુતોષ ગોવારિકર દ્વારા નિર્દેશિત આ ફિલ્મ વર્ષ 2001 માં રિલીઝ થઈ હતી અને તે હજુ પણ ભારતમાં બનેલી શ્રેષ્ઠ ફિલ્મોમાંની એક છે. આઝાદી પહેલાના સમય પર બનેલી આ ફિલ્મમાં આમિર ખાન અને ગ્રેસી સિંહે મુખ્ય ભૂમિકા ભજવી હતી. આ ફિલ્મ બ્રિટિશ સરકાર દ્વારા ટેક્સ વસૂલવામાં આવતા ગ્રામજનોની આસપાસ ફરે છે. કરમુક્તિ મેળવવા માટે, ગામના લોકો અંગ્રેજો સામે ક્રિકેટ મેચ રમે છે.

ધ લિજેન્ડ ઓફ ભગત સિંહ

વર્ષ 2002માં રિલીઝ થયેલી આ ફિલ્મ ભારતીય સ્વાતંત્ર્ય સેનાની ભગત સિંહના જીવન પર આધારિત છે, જેમણે બ્રિટિશ રાજ સામે ભારતની આઝાદી માટે લડત આપી હતી. આ ફિલ્મમાં અજય દેવગન લીડ રોલમાં હતો. આ ફિલ્મમાં તેની ભૂમિકા માટે અજયને તેનો બીજો નેશનલ એવોર્ડ મળ્યો હતો.

મંગલ પાંડેઃ ધ રાઇઝિંગ

ઐતિહાસિક તથ્યો પર આધારિત આ ફિલ્મ ભારતની આઝાદી માટે લડનાર ભારતીય સૈનિક મંગલ પાંડેના જીવન પર આધારિત છે. કેતન મહેતા દ્વારા નિર્દેશિત આ ફિલ્મમાં આમિર ખાન, અમીષા પટેલ અને રાની મુખર્જી મુખ્ય ભૂમિકામાં હતા અને વર્ષ 2005માં રિલીઝ થઈ હતી. આ ફિલ્મનું પ્રીમિયર કાન્સ ફિલ્મ ફેસ્ટિવલમાં થયું હતું અને તે વર્ષની સૌથી વધુ કમાણી કરનાર ફિલ્મોમાંની એક હતી.

ગાંધી

વર્ષ 1982માં રિલીઝ થયેલી આ ફિલ્મ મહાત્મા ગાંધીના જીવન પર આધારિત હતી, જેમણે બ્રિટિશ સરકાર સામે અહિંસક સ્વતંત્રતા ચળવળ શરૂ કરી હતી. રિચર્ડ એટનબરો દ્વારા નિર્દેશિત આ ફિલ્મમાં બેન કિંગ્સલે મુખ્ય ભૂમિકા ભજવી હતી. આ ફિલ્મને 55મા એકેડેમી એવોર્ડ્સમાં 11 નોમિનેશન મળ્યા હતા.

મણિકર્ણિકા: ધ ક્વીન ઑફ ઝાંસી

રાણી લક્ષ્મી બાઈના જીવન પર આધારિત આ ફિલ્મમાં કંગના રનૌત મુખ્ય ભૂમિકામાં હતી અને તેને બોક્સ ઓફિસ પર હિટ જાહેર કરવામાં આવી હતી. વર્ષ 2019માં રિલીઝ થયેલ આ ફિલ્મ અંગ્રેજો સામે ઝાંસીની રાણીની લડાઈને દર્શાવે છે.