ITBP જવાને ગાયેલું રાહત ફતેહ અલી ખાનનું ગીત ધૂમ મચાવી રહ્યું છે, શું તમે જોયો આ Video?
ITBP personnel Viral News: ITBPના ટ્વિટર પ્રોફાઇલ પર એક વીડિયો શેર કરવામાં આવ્યો છે જેમાં એક જવાન રાહત ફતેહ અલી ખાનનું ગીત ગાતો જોવા મળી રહ્યો છે. આ વીડિયો ઝડપથી વાયરલ થઈ રહ્યો છે.
ITBP Viral Video : આપણે ઘણીવાર બહાદુર સૈનિકોને દુશ્મનો સાથે લડતા અને સરહદ પર ચાંપતી નજર રાખતા જોયા છે. દેશના બહાદુર જવાનોએ આતંકવાદીઓ અને દુશ્મન દેશથી આપણી રક્ષા કરવાની સાથે સાથે અનેક અનોખા કાર્યોમાં પણ નિપુણતા મેળવી છે. તાજેતરમાં, ITBPનો એક જવાન રાહત ફતેહ અલી ખાનનું એક સુપરહિટ ગીત મધુર અવાજમાં ગાતો જોવા મળ્યો હતો. આ જોઈને લોકોના દિલ દ્રવી ઉઠ્યા.
ઘણીવાર ઈન્ડો-તિબેટીયન બોર્ડર પોલીસ (ITBP)ની ટ્વિટર પ્રોફાઈલ સોશિયલ મીડિયા પર ઘણી એક્ટિવ જોવા મળે છે. ઘણી વખત આઈટીબીપીના જવાનોને બરફથી ઢંકાયેલી પહાડીઓ વચ્ચે દેશની સુરક્ષામાં તૈનાત જોવામાં આવ્યા છે. આ દરમિયાન ITBPના ટ્વિટર હેન્ડલ પર એક નવો વીડિયો શેર કરવામાં આવ્યો છે. જેમાં એક યુવક શાનદાર પરફોર્મન્સ આપતો જોવા મળી રહ્યો છે. જુઓ આ વિડીયો -
गाते गुनगुनाते हिमवीर
— ITBP (@ITBP_official) June 30, 2022
Afreen afreen...
Constable Vikram Jeet Singh of ITBP sings. Constable A Neli strums the Guitar.#Himveers pic.twitter.com/p69oxBe6us
વીડિયો શેર કરવાની સાથે જ જણાવવામાં આવ્યું છે કે કોન્સ્ટેબલ વિક્રમ જીત સિંહ રાહત ફતેહ અલી ખાનનું આફરીન આફરીન ગીત ગાઈ રહ્યો છે જ્યારે કોન્સ્ટેબલ એ નેલી ગિટાર વગાડી રહ્યો છે. વીડિયોમાં વિક્રમ જીત અને એ. નેલીનું પર્ફોર્મન્સ દિલ જીતી લેશે.
આ જ કારણ છે કે જેણે પણ આ વીડિયો જોયો તે બંનેની પ્રશંસા કર્યા વગર રહી શક્યો નહીં. સમાચાર લખાય છે ત્યાં સુધી આ વાયરલ વીડિયોને સોશિયલ મીડિયા પર 4600 થી વધુ વ્યૂઝ મળી ચૂક્યા છે. યુઝર્સ તેમની પ્રતિક્રિયા આપતા બંને સૈનિકોની વધુને વધુ પ્રશંસા કરતા જોવા મળી રહ્યા છે. એક યુઝરે કોમેન્ટ કરીને લખ્યું, 'આટલો સુંદર અને ભાવપૂર્ણ અવાજ.' તે જ સમયે, મોટાભાગના લોકોએ જય હિંદથી લઈને અમેઝિંગ પરફોર્મન્સ સુધીના વીડિયો પર કોમેન્ટ કરી છે.
ટ્રેન્ડિંગ સમાચાર
ટોપ સ્ટોરી
