Jahangirpuri Violence: હિંસા અંગે દિલ્હી સીએમ અરવિંદ કેજરીવાલની પ્રથમ પ્રતિક્રિયા, જાણો શું કહ્યું

તેમણે વધુમાં કહ્યું કે તેમણે ઉપરાજ્યપાલ સાથે વાત કરી છે જેમણે ખાતરી આપી છે કે શાંતિ માટે તમામ પગલાં લેવામાં આવી રહ્યા છે અને દોષિતોને બક્ષવામાં આવશે નહીં.

અરવિંદ કેજરીવાલ

Delhi : દિલ્હીના મુખ્યમંત્રી અરવિંદ કેજરીવાલે શનિવારે જહાંગીરપુરી વિસ્તારમાં હનુમાન જયંતિની શોભાયાત્રા દરમિયાન થયેલી હિંસાની ઘટનાની નિંદા કરી અને કહ્યું કે દોષિતો સામે કડક કાર્યવાહી થવી જોઈએ.

પોતાના ટ્વિટર હેન્ડલ પરથી ટ્વીટ કરીને  કેજરીવાલે લોકોને આ સમયગાળા દરમિયાન શાંતિ જાળવવાની અપીલ કરી અને કહ્યું કે જે લોકો દોષિત છે તેમની સામે કડક કાર્યવાહી થવી જોઈએ.તેમણે વધુમાં કહ્યું કે તેમણે ઉપરાજ્યપાલ સાથે વાત કરી છે જેમણે ખાતરી આપી છે કે શાંતિ માટે તમામ પગલાં લેવામાં આવી રહ્યા છે અને દોષિતોને બક્ષવામાં આવશે નહીં.

Spoke to Hon’ble LG. He assured that all steps are being taken to ensure peace and that guilty will not be spared. https://t.co/AMXEatbsub

— Arvind Kejriwal (@ArvindKejriwal) April 16, 2022

શનિવારે દિલ્હીના જહાંગીર પુરી વિસ્તારમાં હનુમાન જયંતિની શોભાયાત્રા દરમિયાન હિંસા ફાટી નીકળી હતી. પોલીસ અધિકારીઓના જણાવ્યા અનુસાર, આ ઘટનામાં બદમાશોએ અનેક વાહનોમાં તોડફોડ કરી હતી અને પોલીસ કર્મચારીઓને ઘાયલ કર્યા હતા.

સમાચાર એજન્સી પીટીઆઈ દ્વારા એક વરિષ્ઠ પોલીસ અધિકારીને ટાંકીને કહેવામાં આવ્યું હતું કે, "બે સમુદાયો વચ્ચે અથડામણ થઈ હતી. પરંતુ અમે પૂરતું બળ તૈનાત કર્યું છે અને વરિષ્ઠ અધિકારીઓ પણ સ્થળ પર છે. હવે પરિસ્થિતિને નિયંત્રણમાં લાવવામાં આવી રહી છે."અહેવાલો અનુસાર, સ્થિતિને કાબૂમાં લેવા માટે દિલ્હી પોલીસની સાથે લગભગ 200 રેપિડ એક્શન ફોર્સ (RAF)ના જવાનોને તૈનાત કરવામાં આવ્યા છે.

સ્પેશિયલ પોલીસ કમિશનર, કાયદો અને વ્યવસ્થા, દીપેન્દ્ર પાઠક, સમાચાર એજન્સી ANI દ્વારા ટાંકવામાં આવ્યું, "સ્થિતિ નિયંત્રણમાં છે. અમે શાંતિ સમિતિઓ સાથે વાતચીત કરીને શાંતિપૂર્ણ વાતાવરણ બનાવવાનો પ્રયાસ કરી રહ્યા છીએ અને તમામને શાંતિ જાળવવા અપીલ કરી રહ્યા છીએ."

દરમિયાન, કેન્દ્રીય ગૃહપ્રધાન અમિત શાહે હિંસાની ઘટના અંગે દિલ્હી પોલીસના બે ટોચના અધિકારીઓ સાથે વાત કરી હતી અને તેમને જરૂરી પગલાં લેવાનો નિર્દેશ આપ્યો હતો, એમ પીટીઆઈની નજીકના સત્તાવાર સૂત્રોએ જણાવ્યું હતું.