Jammu Kashmir: જમ્મુ કાશ્મીરમાં આતંકવાદીઓએ વિલેજ ડિફેન્સ ગ્રુપના બે સભ્યોને ઉતાર્યા મોતને ઘાટ

Jammu Kashmir: વિલેજ ડિફેન્સ ગ્રુપના આ બે સભ્યોનું કિશ્તવાડથી આતંકવાદીઓએ અપહરણ કર્યું હતું. આ પછી તેની હત્યા કરવામાં આવી હતી.

સેનાએ સર્ચ ઓપરેશન શરુ કર્યું

Source : PTI

Jammu Kashmir: જમ્મુ અને કાશ્મીરમાં, આતંકવાદીઓએ ગ્રામ સંરક્ષણ જૂથ(Village Defense Group)ના બે સભ્યોનું અપહરણ કરીને હત્યા કરી હતી. તેમની ઓળખ નઝીર અહેમદ અને કુલદીપ કુમાર તરીકે થઈ છે. આતંકવાદીઓએ બંનેનું કિશ્તવાડથી અપહરણ કર્યું હતું. આ પછી બંનેની હત્યા કરવામાં આવી હતી. હજુ સુધી કોઈ લાશ મળી નથી. સુરક્ષા દળોએ આતંકીઓની શોધમાં સર્ચ ઓપરેશન શરૂ કર્યું છે. કાશ્મીર ટાઈગર નામના આતંકી સંગઠને આ હુમલાની જવાબદારી લીધી છે.

 

#WATCH | Jammu and Kashmir: On two VDGs killed in Kishtwar district, BJP leader Kavinder Gupta says, "This incident is very unfortunate...Some of the photos that have come forward show that two VDGs, Nazir Ahmad and Kuldeep Kumar have been brutally killed...This is a condemnable… pic.twitter.com/vfEfT3jjSD

— ANI (@ANI) November 7, 2024

જમ્મુ અને કાશ્મીરની સત્તાધારી પાર્ટી જેકેએનસી(JKNC)એ એક નિવેદન જારી કરીને કહ્યું કે પાર્ટી અધ્યક્ષ ફારુક અબ્દુલ્લા અને સીએમ ઓમર અબ્દુલ્લાએ કિશ્તવાડમાં ગ્રામ સંરક્ષણ જૂથના બે સભ્યોની હત્યાની નિંદા કરી છે. તેમણે કહ્યું કે આ પ્રકારની બર્બર હિંસાના કૃત્યો જમ્મુ અને કાશ્મીરમાં દીર્ઘકાલીન શાંતિ હાંસલ કરવામાં નોંધપાત્ર અવરોધ બની રહે છે. દુઃખની આ ઘડીમાં તેમના વિચારો અને પ્રાર્થના મૃતકોના પરિવારજનો સાથે છે.

હુમલાની કિંમત ચૂકવવી પડશે - ભાજપ

જમ્મુ અને કાશ્મીર ભાજપના મીડિયા સહ-સંયોજક સાજિદ યુસુફ શાહે કહ્યું કે, હું નઝીર અહેમદ અને કુલદીપ કુમારના પરિવારો પ્રત્યે દિલથી સંવેદના વ્યક્ત કરું છું, જેમનું જમ્મુ-કાશ્મીરના કિશ્તવાડમાં આતંકવાદીઓ દ્વારા અપહરણ કરીને હત્યા કરવામાં આવી હતી. આ મુશ્કેલ સમયમાં મારી સંવેદના તેમના પરિવાર સાથે છે અને હું પ્રાર્થના કરું છું કે દિવંગત આત્માઓને શાંતિ મળે. હું હિંસાના આ ઘાતકી કૃત્યની સખત નિંદા કરું છું અને જેણે આ જઘન્ય અપરાધ કર્યો છે તેઓએ કિંમત ચૂકવવી પડશે.

સોપોરમાં એન્કાઉન્ટર ચાલુ છે

બીજી તરફ જમ્મુ-કાશ્મીરના સગીપોરા સોપોરમાં સુરક્ષા દળોએ બે-ત્રણ આતંકીઓને ઘેરી લીધા છે. કહેવામાં આવી રહ્યું છે કે ગુપ્તચર માહિતીના આધારે સુરક્ષા દળોએ સર્ચ ઓપરેશન શરૂ કર્યું હતું. આ દરમિયાન આતંકીઓએ ફાયરિંગ શરૂ કરી દીધું હતું. સુરક્ષા દળો દ્વારા પણ જવાબી કાર્યવાહી કરવામાં આવી રહી છે.