Karnataka Accident Video: કર્ણાટકમાં એમ્બ્યુલન્સના ભયંકર અકસ્માતમાં 4 લોકોનાં મોત, હ્રદયદ્રાવક વીડિયો સામે આવ્યો
કર્ણાટકના બિંદૂર પાસે ટોલ ગેટ પર થયેલા ખતરનાક અકસ્માત થયો છે. વરસતા વરસાદમાં દર્દીને લઈ જઈ રહેલી એક એમ્બ્યુલન્સ ટોલ ગેટ પાસે આવતાં પલટી મારી ગઈ હતી અને અકસ્માત સર્જાયો હતો.
Karnataka Accident Video: કર્ણાટકના બિંદૂર પાસે ટોલ ગેટ પર થયેલા ખતરનાક અકસ્માત થયો છે. વરસતા વરસાદમાં દર્દીને લઈ જઈ રહેલી એક એમ્બ્યુલન્સ ટોલ ગેટ પાસે આવતાં પલટી મારી ગઈ હતી અને અકસ્માત સર્જાયો હતો. આ અકસ્માતમાં કુલ 4 લોકોનાં મોત થયાં હતાં. આ ઘટનાનો હૃદયદ્રાવક વીડિયો પણ સામે આવ્યો છે.
ઘટનાનો વીડિયો સોશિયલ મીડિયા પર વાયરલઃ
લોકોએ જણાવ્યું કે, એમ્બ્યુલન્સ એક દર્દીને હોન્નાવારા લઈ જઈ રહી હતી. આ દરમિયાન બિંદૂર પાસે આવેલા ટોલ પ્લાઝાના ગેટ પર તે ઝડપથી પલટી ગઈ. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે, વરસાદના કારણે રસ્તો ભીનો થઈ ગયો છે અને આ દરમિયાન ટોલ ગેટ પર તૈનાત કર્મચારીઓ ઝડપભેર એમ્બ્યુલન્સને આવતા જોઈ રહ્યા છે. ટોલ ગેટના કર્મચારીઓ એમ્બ્યુલન્સની સ્પીડ જોઈને તેમણે બેરીકેટ્સ હટાવવાનો પ્રયાસ કર્યો હતો.
દર્દી અને તેના પરિવારજનો બહાર ફેંકાયાઃ
કર્મચારીઓએ બેરીકેટ્સ તો હટાવ્યા હતા પરંતુ એમ્બ્યુલન્સના માર્ગમાં જે એક ગાય પણ બેઠેલી જોવા મળે છે. એમ્બ્યુલન્સની ફુલ સ્પીડમાં ટોલ ગેટ સુધી પહોંચી ગઈ હતી. એમ્બ્યુલન્સની ઝડપ એટલી ઝડપી હતી કે ડ્રાઈવરે પોતાનું બેલેન્સ ગુમાવ્યું અને એમ્બ્યુલન્સ લપસીને ટોલ ગેટ પરના કાઉન્ટર પર અથડાઈ ગઈ હતી. વીડિયોમાં આ સમગ્ર હ્રદયદ્વાવક ઘટના જોઈ શકાય છે. મળતી માહિતી મુજબ, આ ઘટનામાં એમ્બ્યુલન્સમાં રહેલા દર્દી અને તેના પરિવારના સભ્યો એમ્બ્યુલન્સમાંથી બહાર નીકળીને રસ્તા પર પડ્યા હતા અને આ અકસ્માતમાં કુલ 4 લોકોનાં મોત થયા હતાં.
#WATCH | Karnataka: Four people were injured after a speeding ambulance toppled at a toll gate, near Byndoor. The Ambulance was carrying a patient to Honnavara. Further details are awaited.
— ANI (@ANI) July 20, 2022
(Source: CCTV) pic.twitter.com/M3isDaX7Eg
ટોપ સ્ટોરી
ટ્રેન્ડિંગ સમાચાર
