'અબકી બાર મોદી સરકાર', નો નારો આપનારા એડ ગુરુ પીયુષ પાંડેનું નિધન, ભારતીય જાહેરાત ઉદ્યોગને મોટો ફટકો
Piyush Pandey Passed Away: પિયુષે 27 વર્ષની ઉંમરે જાહેરાતની દુનિયામાં પ્રવેશ કર્યો. તેમણે તેમના ભાઈ પ્રસૂન પાંડે સાથે મળીને પોતાની કારકિર્દીની શરૂઆત કરી હતી
Piyush Pandey Passed Away: ભારતીય જાહેરાત જગતને મોટો ઝટકો લાગ્યો છે. જાહેરાત ગુરુ તરીકે જાણીતા પિયુષ પાંડેનું 70 વર્ષની વયે મુંબઈમાં અવસાન થયું છે. તેમણે "અબકી બાર મોદી સરકાર" અને "થંડા મતલબ કોકા-કોલા" સહિત ઘણી પ્રખ્યાત જાહેરાતો લખી હતી. તેમનો જન્મ રાજસ્થાનના જયપુરમાં થયો હતો. જોકે, તેમના મૃત્યુનું કારણ હજુ સુધી બહાર આવ્યું નથી.
પિયુષે 27 વર્ષની ઉંમરે જાહેરાતની દુનિયામાં પ્રવેશ કર્યો. તેમણે તેમના ભાઈ પ્રસૂન પાંડે સાથે મળીને પોતાની કારકિર્દીની શરૂઆત કરી. બંનેએ રેડિયો જિંગલ્સ માટે અવાજ આપ્યો. તેમણે 1982માં જાહેરાત કંપની ઓગિલ્વી સાથે કામ કરવાનું શરૂ કર્યું. ત્યારબાદ 1994માં તેમને ઓગિલ્વીના બોર્ડમાં નામાંકિત કરવામાં આવ્યા. નોંધપાત્ર વાત એ છે કે, 2016માં ભારત સરકાર દ્વારા તેમને પદ્મશ્રી પુરસ્કારથી સન્માનિત કરવામાં આવ્યા હતા.
પીયૂષ ગોયલે પીયૂષ પાંડેના નિધન પર ભાવનાત્મક પોસ્ટ શેર કરી
કેન્દ્રીય મંત્રી પીયૂષ ગોયલે પીયૂષ પાંડેના નિધન પર દુઃખ વ્યક્ત કર્યું. તેમણે ઇન્સ્ટાગ્રામ પર લખ્યું, "પદ્મશ્રી પીયૂષ પાંડેના નિધન પર દુઃખ વ્યક્ત કરવા માટે મારી પાસે શબ્દો નથી. જાહેરાત જગતમાં એક અસાધારણ વ્યક્તિત્વ, તેમની સર્જનાત્મક પ્રતિભાએ વાર્તા કહેવાની કળાને ફરીથી વ્યાખ્યાયિત કરી અને આપણને અવિસ્મરણીય વાર્તાઓ આપી."
તેમણે લખ્યું, "મારા માટે, તે એક મિત્ર હતા જેમની તેજસ્વીતા તેમની પ્રામાણિકતા, હૂંફ અને બુદ્ધિ દ્વારા ચમકતી હતી. હું હંમેશા અમારી રસપ્રદ વાતચીતોને યાદ રાખીશ. તેઓ એક ઊંડી ખાલી જગ્યા છોડી ગયા છે જેને ભરવી મુશ્કેલ હશે. તેમના પરિવાર, મિત્રો અને ચાહકો પ્રત્યે મારી ઊંડી સંવેદના. ઓમ શાંતિ!"
Fevicol ka jod toot gaya. The ad world lost its glue today. Go well Piyush Pandey.
— Hansal Mehta (@mehtahansal) October 24, 2025
હંસલ મહેતાએ શોક વ્યક્ત કર્યો
ફિલ્મ નિર્માતા હંસલ મહેતા સહિત ફિલ્મ ઉદ્યોગના અનેક અગ્રણી વ્યક્તિઓએ પિયુષ પાંડેના નિધન પર શોક વ્યક્ત કર્યો. હંસલ મહેતાએ ઇન્સ્ટાગ્રામ પર લખ્યું, "ફેવિકોલનું બંધન તૂટી ગયું છે. આજે, જાહેરાત જગતે તેનો ગુંદર ગુમાવી દીધો છે."
ટોપ સ્ટોરી
ટ્રેન્ડિંગ સમાચાર
