વિદ્યાર્થીઓને તાલીમ- ઇન્ટર્નશિપની સાથે મળશે ફિલ્ડ વર્ક, પતંજલિએ મધ્ય પ્રદેશની આ યુનિવર્સિટી સાથે મિલાવ્યા હાથ
પતંજલિ યોગપીઠ અને મધ્ય પ્રદેશમાં રીવાના 'અવધેશ પ્રતાપ સિંહ યુનિવર્સિટી' ની વચ્ચે આયુર્વેદ અને પ્રાકૃતિક ચિકિત્સા ક્ષેત્રે સહયોગ માટે મહત્વપૂર્ણ કરાર (MoU ) પર હસ્તાક્ષર કરવામાં આવ્યા છે.
Madhya Pradesh News: પતંજલિ યોગપીઠ અને મધ્ય પ્રદેશમાં રીવાના 'અવધેશ પ્રતાપ સિંહ યુનિવર્સિટી' ની વચ્ચે આયુર્વેદ અને પ્રાકૃતિક ચિકિત્સા ક્ષેત્રે સહયોગ માટે મહત્વપૂર્ણ કરાર (MoU ) પર હસ્તાક્ષર કરવામાં આવ્યા છે. આ કરારનો ઉદ્દેશ્ય ભારતીય પરંપરાગત જ્ઞાનને પ્રોત્સાહન આપવા, સંશોધનને પ્રોત્સાહન આપવા અને નવી પેઢીને યોગ અને આયુર્વેદનું શિક્ષણ આપવાનો છે.
મીડિયા સાથે વાત કરતા પતંજલિ યોગપીઠના મહામંત્રી આચાર્ય બાલકૃષ્ણએ જણાવ્યું હતું કે, "આ એમઓયુ દ્વારા, બંને સંસ્થાઓ સંયુક્ત રીતે યોગ, પ્રાકૃતિક ચિકિત્સા અને આયુર્વેદને લગતા અભ્યાસક્રમો શરૂ કરશે. સાથે જ સંયુક્ત સંશોધન પરિયોજનાઓ, સેમિનાર અને વર્કશોપનું આયોજન કરવામાં આવશે. બંને સંસ્થાઓના નિષ્ણાંતો એક-બીજા સાથે જ્ઞાન શેર કરશે અને વિદ્યાર્થીઓન તાલીમ, ઈન્ટર્નશીપ અને ફિલ્ડવર્કની તકો મળશે.
ડિપ્લોમા અને ડિગ્રી કોર્સ પણ શરૂ કરવામાં આવશે
આચાર્ય બાલકૃષ્ણએ કહ્યું, "બંને સંસ્થાઓની લાઈબ્રેરી, પ્રયોગશાળાઓ અને સંશોધન સંસાધનોનો પરસ્પર ઉપયોગ કરવામાં આવશે. યુનિવર્સિટીમાં પ્રમાણપત્ર, ડિપ્લોમા અને ડિગ્રી અભ્યાસક્રમો પણ શરૂ કરવામાં આવશે." તેમણે વધુમાં કહ્યું, "આ કરાર ભારતીય પરંપરાગત જ્ઞાનને વૈશ્વિક સ્તરે લઈ જવાની દિશામાં એક મોટું પગલું છે. અમે ઈચ્છીએ છીએ કે યોગ અને આયુર્વેદના ક્ષેત્રમાં નવી શોધો થાય અને વિદ્યાર્થીઓ વધુ સારું શિક્ષણ મેળવે."
આ દરમિયાન, MoU ને લઈને રીવા યુનિવર્સિટીના કુલપતિ પ્રો. રાજેન્દ્ર કુમાર કુરારિયાએ જણાવ્યું હતું કે, “પતંજલિ યોગપીઠ યોગ અને આયુર્વેદ ક્ષેત્રે વિશ્વની અગ્રણી સંસ્થા છે. આ સહયોગ યુનિવર્સિટીના વિદ્યાર્થીઓને નવી દિશા આપશે અને સંશોધનના નવા દરવાજા ખોલશે. પતંજલિ સાથે મળીને, અમે ભારતીય જ્ઞાન પરંપરાને વધુ મજબૂત કરીશું.
MoU શિક્ષણ અને સંશોધનને વેગ આપશે
એવો દાવો કરવામાં આવી રહ્યો છે કે આ કરાર બંને સંસ્થાઓ માટે સીમાચિહ્નરૂપ સાબિત થશે અને યોગ, આયુર્વેદ અને પ્રાકૃતિક ચિકિત્સા ક્ષેત્રમાં નવી સંભાવનાઓ ખોલશે. આ પહેલ માત્ર શિક્ષણ અને સંશોધનને પ્રોત્સાહન આપશે નહીં પરંતુ વૈશ્વિક મંચ પર ભારતીય સંસ્કૃતિ અને જ્ઞાનને સ્થાપિત કરવામાં પણ મદદ કરશે.
ટોપ સ્ટોરી
ટ્રેન્ડિંગ સમાચાર
