શું મમતા બેનર્જીએ આખરે હાર સ્વીકારી? સોશિયલ મીડિયા પ્રોફાઇલમાં કર્યો ફેરફાર, જાણો શું લખ્યું?

Mamata Banerjee defeat: બંગાળમાં ભાજપની 209 બેઠકો સાથે ભવ્ય જીત, સુવેન્દુ અધિકારી બન્યા મુખ્યમંત્રી, મમતાની હાર.

Mamata Banerjee Drops CM Title as Suvendu Adhikari Sworn In as Bengal CM

Source : PTI

Show Quick Read

Key points generated by AI, verified by newsroom

• ભાજપે ૨૦૯ બેઠકો જીતી, સુવેન્દુ અધિકારી નવા મુખ્યમંત્રી બન્યા.
• મમતા બેનર્જી ભવાનીપુર બેઠક પર સુવેન્દુ અધિકારી સામે હાર્યા.
• મમતાએ મુખ્યમંત્રી પદનો ઉલ્લેખ સોશિયલ મીડિયામાંથી હટાવી દીધો.
• કોલકાતા પોલીસ હેન્ડલે PM મોદી, અમિત શાહને ફોલો કર્યા.

Mamata Banerjee defeat: પશ્ચિમ બંગાળના રાજકારણમાં એક મોટો ભૂકંપ આવ્યો છે. 15 વર્ષ સુધી બંગાળ પર રાજ કરનાર મમતા બેનર્જી અને તેમની પાર્ટી તૃણમૂલ કોંગ્રેસ (TMC) ની આ વિધાનસભા ચૂંટણીમાં કારમી હાર થઈ છે. ભાજપે 294 માંથી 209 બેઠકો જીતીને બહુમતી મેળવી લીધી છે અને સુવેન્દુ અધિકારી રાજ્યના નવા મુખ્યમંત્રી બની ગયા છે. આ ઐતિહાસિક ફેરફાર બાદ મમતા બેનર્જીએ આખરે પોતાના સોશિયલ મીડિયા એકાઉન્ટ પરથી 'મુખ્યમંત્રી' નું ટાઈટલ હટાવી દીધું છે.

બંગાળ વિધાનસભાની આ ચૂંટણીમાં સૌથી મોટો ઉલટફેર જોવા મળ્યો છે. એક તરફ ભાજપે 209 સીટો સાથે ક્લીન સ્વીપ કર્યું, તો બીજી તરફ TMC માત્ર 80 બેઠકો પર સમેટાઈ ગઈ. સૌથી મોટો ફટકો તો ત્યારે લાગ્યો જ્યારે ખુદ મમતા બેનર્જી પોતાની હાઈ-પ્રોફાઈલ ગણાતી 'ભવાનીપુર' બેઠક પરથી ચૂંટણી હારી ગયા. રસપ્રદ વાત એ છે કે તેમને હરાવનાર બીજું કોઈ નહીં, પણ તેમના જ એક સમયના ખાસ સાથી અને હવે કટ્ટર હરીફ બની ચૂકેલા સુવેન્દુ અધિકારી હતા. એક દાયકા કરતા વધુ સમયથી બંગાળના રાજકારણમાં એકહથ્થુ શાસન કરનાર મમતા દીદી માટે આ હાર પચાવવી બહુ અઘરી છે. જોકે, તેમણે આ પરિણામોને સ્વીકારવાને બદલે એવો આક્ષેપ કર્યો છે કે ચૂંટણીમાં મોટા પાયે ગેરરીતિ અને હેરાફેરી થઈ છે.

તમને જાણીને નવાઈ લાગશે કે ચૂંટણીના પરિણામો આવી ગયા પછી પણ મમતા બેનર્જીએ વિધાનસભા ભંગ થાય તે પહેલા રાજીનામું આપવાની સાફ ના પાડી દીધી હતી. તેમના આ વલણના કારણે રાજકીય ગરમાવો ઘણો વધી ગયો હતો. જોકે, આ બધી ખેંચતાણ વચ્ચે કોલકાતાના બ્રિગેડ પરેડ ગ્રાઉન્ડમાં એક ભવ્ય કાર્યક્રમ યોજાયો હતો. જેમાં વડાપ્રધાન નરેન્દ્ર મોદી, ગૃહમંત્રી અમિત શાહ અને NDA ના અન્ય મુખ્યમંત્રીઓની હાજરીમાં સુવેન્દુ અધિકારીએ પશ્ચિમ બંગાળના પહેલા ભાજપ મુખ્યમંત્રી તરીકે શપથ લીધા હતા. સુવેન્દુના શપથ ગ્રહણ પછી તરત જ મમતા બેનર્જીએ પોતાના સોશિયલ મીડિયા પ્રોફાઈલમાંથી મુખ્યમંત્રીનો હોદ્દો હટાવી દીધો હતો.

સત્તા બદલાતા જ બંગાળમાં વહીવટી અને ડિજિટલ ફેરફારો પણ દેખાવા લાગ્યા છે. કોલકાતા પોલીસના સત્તાવાર 'X' (અગાઉનું ટ્વિટર) હેન્ડલ પર પણ આ પરિવર્તનની અસર જોવા મળી. પોલીસે મમતા બેનર્જી, અભિષેક બેનર્જી અને TMC ના અન્ય નેતાઓને અનફોલો કરી દીધા છે. એટલું જ નહીં, હવે આ સરકારી હેન્ડલ પીએમ મોદી, અમિત શાહ, PMO અને ગૃહ મંત્રાલયના સત્તાવાર એકાઉન્ટ્સને ફોલો કરવા લાગ્યું છે. આ સાથે જ કોલકાતામાં આવેલા TMC ના હેડક્વાર્ટર અને પાર્ટીના મોટા નેતાઓના ઘરેથી વધારાની સુરક્ષા પણ પાછી ખેંચી લેવામાં આવી છે.