PM મોદીના સંબોધન પર મમતા બેનર્જીનું પહેલું રિએકશન, કહ્યું દંભી અને દુર્ભાગ્યપૂર્ણ વલણ
પીએમ મોદીના ભાષણ પછી પશ્ચિમ બંગાળના મુખ્યમંત્રી મમતા બેનર્જીની પહેલી પ્રતિક્રિયા એ હતી કે જો સરકાર ખરેખર ગંભીર હતી, તો બિલ પસાર થયા પછી ત્રણ વર્ષ રાહ કેમ જોઈ?
ગઈકાલે, સંસદમાં મહિલા અનામત બિલ નિષ્ફળ ગયા બાદ, પીએમ મોદીએ કોંગ્રેસ અને તૃણમૂલ કોંગ્રેસ (TMC) સહિત અનેક પક્ષો પર આકરા પ્રહારો કર્યા હતા. વિરોધ પક્ષોએ વળતો પ્રહાર કર્યો છે. પશ્ચિમ બંગાળના મુખ્યમંત્રી મમતા બેનર્જીએ રવિવારે ઇન્સ્ટાગ્રામ પર એક પોસ્ટમાં ભાજપની આકરી ટીકા કરી હતી. તેમણે કહ્યું કે તે દુર્ભાગ્યપૂર્ણ છે કે વડા પ્રધાને આ મુદ્દાને પ્રામાણિકપણે સંબોધવાને બદલે દેશને ગેરમાર્ગે દોરવાનું પસંદ કર્યું.
ટીએમસીમાં કેટલી મહિલા નેતાઓ છે?
મમતા બેનર્જીએ કહ્યું, "હું સ્પષ્ટ કરવા માંગુ છું કે, તૃણમૂલ કોંગ્રેસ હંમેશા મહિલાઓ માટે ઉચ્ચ રાજકીય પ્રતિનિધિત્વનું સમર્થન કરે છે. સંસદ અને રાજ્ય વિધાનસભા બંનેમાં ચૂંટાયેલા મહિલા પ્રતિનિધિઓનું પ્રમાણ અમારી પાસે સૌથી વધુ છે. લોકસભામાં અમારા ચૂંટાયેલા સભ્યોમાંથી 37.9% મહિલાઓ છે. અમે રાજ્યસભામાં 46% મહિલા સભ્યોને નોમિનેટ કર્યા છે. મહિલા અનામતનો વિરોધ કરવાનો પ્રશ્ન જ ઉભો થતો નથી અને ક્યારેય થયો પણ નથી."
It is deeply unfortunate that the Prime Minister chose to mislead the nation rather than address it honestly.
— Mamata Banerjee (@MamataOfficial) April 19, 2026
Let me put this on record. Trinamool Congress has always championed higher political representation for women. We have the highest proportion of female elected…
સીમાંકન પ્રક્રિયા પર નિશાન સાધવું
તેમણે વધુમાં જણાવ્યું હતું કે, અમે સીમાંકન પ્રક્રિયાનો સખત વિરોધ કરી રહ્યા છીએ. મોદી સરકાર પોતાના સ્વાર્થોને આગળ વધારવા માટે મહિલાઓને ઢાલ તરીકે આગળ વધારવાનું કાવતરું ઘડી રહી છે. અમે બાબાસાહેબ આંબેડકરના બંધારણમાં ફેરફારો, દેશના વિભાજન અને ભાજપ શાસિત રાજ્યોને અન્ય રાજ્યોના ભોગે વધુ પ્રતિનિધિત્વ આપવા માટે રાજકીય સીમાઓની હેરાફેરીનો સખત વિરોધ કરી રહ્યા છીએ. આ સંઘીય લોકશાહી પર હુમલો છે, અને અમે ચૂપ રહીશું નહીં.
ત્રણ વર્ષ રાહ કેમ જોઈ? - મમતા બેનર્જી
મોદી સરકાર પર નિશાન સાધતા મમતા બેનર્જીએ કહ્યું, "જો આ સરકાર ખરેખર આ ઉમદા કાર્ય પ્રત્યે ગંભીર હતી, તો 28 સપ્ટેમ્બર, 2023 ના રોજ મહિલા અનામત બિલ પસાર થયાના લગભગ ત્રણ વર્ષ સુધી શા માટે રાહ જોઈ? ઘણા રાજ્યોમાં ચૂંટણીઓ ચાલી રહી છે ત્યારે તેને આટલી ઝડપથી કેમ પસાર કરવામાં આવ્યું? અને તેને સીમાંકન સાથે કેમ જોડવામાં આવ્યું? તૃણમૂલ કોંગ્રેસ દાયકાઓથી મહિલાઓ માટે ઉભી છે. અમે ઉભા રહીશું, પરંતુ અમે એવા વિષય પર ઉપદેશો સાંભળીશું નહીં જેને શાસક પક્ષ સમજતો નથી કે સન્માન આપતો નથી."
તેમણે આગળ કહ્યું, "વડાપ્રધાન, આગલી વખતે જ્યારે તમે રાષ્ટ્રને સંબોધન કરો, ત્યારે સંસદનાપટલ પરથી એવું કરવાનું સાહસ બતાવજો. જયાં આપ તપાસ, પડકાર અને જવાબદારીનો સામનો કરી શકો. ગઈકાલે તમે જે કર્યું તે કાયરતાપૂર્ણ, દંભી અને બેવડું હતું. તમે તમારા હાથમાંથી સત્તા સરકી રહી હોય તેવું અનુભવી શકો છો."
ટોપ સ્ટોરી
ટ્રેન્ડિંગ સમાચાર
