Manipur Violence: મણિપુરમાં ફરી હિંસા, CRPF જવાનો પર હુમલો, 2 જવાનના મોત
Manipur News: આ સૈનિકો રાજ્યના બિષ્ણુપુર જિલ્લાના નરસેના વિસ્તારમાં તૈનાત CRPFની 128મી બટાલિયનના હતા. મણિપુર પોલીસે આ અંગે માહિતી આપી હતી.
Manipur News: મણિપુરના નરસેના વિસ્તારમાં મધ્યરાત્રિથી 2:15 વાગ્યાની વચ્ચે કુકી આતંકવાદીઓ દ્વારા કરવામાં આવેલા હુમલામાં સેન્ટ્રલ રિઝર્વ પોલીસ ફોર્સ (CRPF)ના બે જવાનોએ જીવ ગુમાવ્યો હતો. આ સૈનિકો રાજ્યના બિષ્ણુપુર જિલ્લાના નરસેના વિસ્તારમાં તૈનાત CRPFની 128મી બટાલિયનના હતા. મણિપુર પોલીસે આ અંગે માહિતી આપી હતી.
વિષ્ણુપુર વિસ્તાર મણિપુરમાં આવે છે અને લોકસભા ચૂંટણીના પ્રથમ તબક્કા એટલે કે 19મી એપ્રિલે મતદાન દરમિયાન આ વિસ્તારમાં હિંસા થઈ હતી. આ સાથે 26મી એપ્રિલે હિંસા પ્રભાવિત કેટલાક વિસ્તારોમાં મતદાન પણ થયું હતું. અગાઉ રાજ્યમાં કુકી સંગઠનોએ લોકસભા ચૂંટણીનો બહિષ્કાર કર્યો હતો અને ન્યાય નહીં, વોટ નહીંના નારા પણ લગાવ્યા હતા.
જો કે, મુખ્ય ચૂંટણી અધિકારી પ્રદીપ કુમાર ઝાએ શુક્રવારે (26 એપ્રિલ) કહ્યું હતું કે છેલ્લા અહેવાલ મળ્યા ત્યાં સુધી 75 ટકા મતદાન થયું છે અને હિંસાની કોઈ મોટી ઘટના નોંધાઈ નથી. તેમણે કહ્યું કે માત્ર એક જ ઘટના પ્રકાશમાં આવી હતી જેમાં ઈવીએમમાં તોડફોડ કરવામાં આવી હતી.
Two Central Reserve Police Force (CRPF) personnel lost their lives in an attack by Kuki militants starting from midnight till 2:15 am at Naransena area in Manipur. The personnel are from CRPF's 128 Battalion deployed at Naransena area in Bishnupur district in the state: Manipur…
— ANI (@ANI) April 27, 2024
મણિપુરમાં મેઇતેઈ અને કુકી સમુદાયો વચ્ચે ગયા વર્ષે શરૂ થયેલી હિંસાનો અંત આવવાના કોઈ સંકેત દેખાઈ રહ્યા નથી. આ હિંસામાં અત્યાર સુધીમાં 200થી વધુ લોકો માર્યા ગયા છે અને હજારો લોકો ઘાયલ થયા છે. આ સાથે અનેક લોકો બેઘર પણ બન્યા છે. ગયા વર્ષે મે મહિનામાં હિંસા ફાટી નીકળી ત્યારથી સતત ફાયરિંગ અને હિંસાની ઘટનાઓ સામે આવી રહી છે.
ટ્રેન્ડિંગ સમાચાર
ટોપ સ્ટોરી
