મુંબઈના કુર્લામાં બેકાબૂ BEST બસે અનેક વાહનોને હડફેટે લીધા, 3ના મોત, 20થી વધુ ઇજાગ્રસ્ત
Best Bus Accident: મુંબઈના કુર્લામાં બેસ્ટ બસનો કહેર જોવા મળ્યો હતો. બસે અનેક વાહનોને ટક્કર મારી હતી અને કેટલાક લોકોને કચડી નાખ્યા હતા. આ અકસ્માતમાં ત્રણ લોકોના મોત થયા છે, જ્યારે 20 લોકો ઘાયલ થયા છે.
Kurla Bus Accident: મુંબઈના કુર્લા વિસ્તારમાં બેકાબૂ બેસ્ટ બસનો કહેર જોવા મળ્યો છે. બેકાબૂ બહાર બસે અન્ય વાહનોને ટક્કર મારી હતી. આ અકસ્માતમાં ત્રણ લોકોના મોત થયા છે, જ્યારે 20 લોકો ઘાયલ થયા છે. આ ઘાયલોને ભાભા હોસ્પિટલમાં દાખલ કરવામાં આવ્યા છે.
મળતી માહિતી મુજબ, આ દુર્ઘટના લગભગ પોણા દસ વાગ્યાની આસપાસ બની હતી. અંજુમ-એ-ઈસ્લામ સ્કૂલ પાસે એલ વોર્ડની સામે એસજી બર્વે માર્ગ પર બેસ્ટની બસ અનેક વાહનો સાથે અથડાઈ હતી. કુર્લા ભાભા હોસ્પિટલના મેડિકલ ઓફિસર ડૉ. અબ્દુલના જણાવ્યા અનુસાર, ઘાયલ લોકોને તાત્કાલિક હોસ્પિટલમાં લઈ જવામાં આવ્યા હતા અને તેમની સ્થિતિનું મૂલ્યાંકન કરવામાં આવી રહ્યું છે. પરિસ્થિતિને કાબૂમાં લેવા માટે પોલીસ ઘટનાસ્થળે પહોંચી હતી. અકસ્માતના ચોક્કસ કારણની તપાસ કરવામાં આવી રહી છે.
ભાભા હોસ્પિટલ પાસેથી મળેલી માહિતી અનુસાર, બેકાબૂ બસને કારણે થયેલા આ અકસ્માતમાં 15 જેટલા લોકો ગંભીર રીતે ઘાયલ થયા છે. આમાંથી કેટલાક મૃત્યુ પામ્યા છે. કેટલાક દર્દીઓને સાયન હોસ્પિટલમાં લઈ જવામાં આવ્યા છે.
Mumbai: A major road accident occurred in Kurla when a BEST bus collided with several vehicles on S G Barve Marg, opposite L Ward, near Anjum-E-Islam School. The incident, reported at 9:50 PM on December 9, 2024, resulted in around 10 people being injured. According to Dr. Abdul,… pic.twitter.com/70PmuJfSZs
— IANS (@ians_india) December 9, 2024
દરમિયાન ઘટનાસ્થળે તંગદિલીનો માહોલ સર્જાયો હતો. મોટી સંખ્યામાં લોકો રસ્તા પર ઉતરી આવ્યા છે. પોલીસે આ ટોળાને વિખેરવાની કામગીરી શરૂ કરી છે.
'ગુનેગારો સામે પગલાં લેવા જોઈએ'
આ ઘટના અંગે ધારાસભ્ય મહેશ કુડાલકરે જણાવ્યું હતું કે, "હું વ્યક્તિગત રીતે ઘટનાનું નિરીક્ષણ કરવા સ્થળ પર જઈ રહ્યો છું. એક ખૂબ જ કમનસીબ ઘટના બની છે. દર્દીઓને મદદ કરવી જરૂરી છે. જાણવા મળ્યું છે કે લગભગ 30 લોકો ઘાયલ થયા છે. તમામ ઇજાગ્રસ્તોને મ્યુનિસિપલ કોર્પોરેશનમાં દાખલ કરવામાં આવ્યા છે.
કુર્લા ભાભા હોસ્પિટલની સ્ટાફ નર્સ ગાયકવાડ પાસેથી મળેલી માહિતી મુજબ, 20 ઘાયલોમાંથી 3ને મૃત જાહેર કરવામાં આવ્યા હતા, અન્ય ઘાયલોની સ્થિતિની રાહ જોવાઈ રહી છે. ડીસીપીના નિવેદન અનુસાર, અકસ્માતમાં 3 લોકોના મોત થયા છે અને 27 લોકો ઘાયલ છે, જે હોસ્પિટલમાં સારવાર હેઠળ છે.
આ પણ વાંચો....
બાંગ્લાદેશ ભારતને વધુ એક મોટો ઝટકો આપવાની ફિરાકમાં છે! આ બોમ્બ વિસ્ફોટ કરવાની તૈયારી કરી લીધી
ટોપ સ્ટોરી
ટ્રેન્ડિંગ સમાચાર
