મુંબઈમાં ક્યારથી શરૂ થશે વરસાદની એન્ટ્રી? અરબી સમુદ્રમાં સર્જાયું લો પ્રેશર, જાણો વિગત

હવામાનનાં સમાચાર આપતી ખાનગી સંસ્થા સ્કાઈમેટનાં જણાવ્યા પ્રમાણે, અરબી સમુદ્રમાં સાઈક્લોનિક સર્ક્યુલેશન સક્રિય થઈ ગયું છે. આ સિસ્ટમનાં કારણે દક્ષિણ ભારતનાં દરિયાકાંઠા વિસ્તારમાં વરસાદ આવશે

મુંબઈ: કેરળમાં વરસાદ પડતાની સાથે જ ભારતીય હવામાન વિભાગે વિધિવત્ત ચોમાસું બેસી ગયાની જાહેરાત કરી હતી અને દેશમાં દક્ષિણ અને પશ્ચિમ ચોમાસું બેસી ગયું છે. હવામાનનાં સમાચાર આપતી ખાનગી સંસ્થા સ્કાઈમેટનાં જણાવ્યા પ્રમાણે, અરબી સમુદ્રમાં સાઈક્લોનિક સર્ક્યુલેશન સક્રિય થઈ ગયું છે. આ સિસ્ટમનાં કારણે દક્ષિણ ભારતનાં દરિયાકાંઠા વિસ્તારમાં વરસાદ આવશે અને વરસાદની આ સિસ્ટમનાં કારણે મુંબઈમાં 11 જૂનનાં રોજ વરસાદ આવે તેવી શક્યતાઓ જોવા મળી રહી છે. મહત્વની વાત એ છે કે, મુંબઈમાં ચોમાસું બેસે તેનાં ચારેક દિવસ પહેલા આ વરસાદ આવશે. અરબી સમુદ્રમાં સર્જાયેલી લો પ્રેસર સિસ્ટમનાં કારણે મુંબઈમાં 11 અને 12 જૂનનાં રોજ વરસાદ આવશે તેવી શક્યતાઓ છે. વરસાદના કારણે મુંબઈવાસીઓને ઠંડક પ્રસરી જશે. હાલમાં આ લો પ્રેશર અરબી સમુદ્રમાં દક્ષિણ-પૂર્વ અને મધ્યમાં છે અને આગામી દિવસમાં ઉત્તર તરફ આગળ વધશે. આ લો પ્રેશન આગામી દિવસોમાં ડિપ ડિપ્રેશનમાં પરિવર્તિત થશે અને તેનાં કારણે મુંબઈમાં વરસાદ આવશે.