Mumbai School Holiday: મહારાષ્ટ્રમાં ભારે વરસાદના કારણે હાલત ખરાબ, મુંબઇ સહિત આ જિલ્લાઓમાં સ્કૂલ-કોલેજોમાં રજા
Mumbai School Holiday: BMC શિક્ષણ વિભાગના આદેશ મુજબ તમામ સરકારી અને ખાનગી શાળાઓ બંધ રહેશે.
Mumbai Rains: મુંબઈમાં વરસાદને કારણે સ્થિતિ વધુ ખરાબ થઈ રહી છે. તેને જોતા BMCએ મુંબઈની તમામ શાળાઓ અને કોલેજો બંધ રાખવાની જાહેરાત કરી છે. BMC શિક્ષણ વિભાગના આદેશ મુજબ તમામ સરકારી અને ખાનગી શાળાઓ બંધ રહેશે. આ સિવાય નવી મુંબઈ અને ઠાણે, રાયગઢની તમામ શાળાઓને બંધ કરવાનો નિર્ણય લેવામાં આવ્યો છે.
મુંબઈ શહેરમાં સોમવારે નવ કલાકમાં 101.8 મિલીમીટર (mm) વરસાદ નોંધાયો હતો, જે તે જ સમયગાળા દરમિયાન તેના ઉપનગરો કરતાં લગભગ સાત ગણો વધારે છે, જ્યારે મહારાષ્ટ્રના કેટલાક અન્ય ભાગોમાં પણ ભારે વરસાદ થયો હતો.
#WATCH | Maharashtra: Heavy rain lashes parts of Mumbai city; visuals from Marine Drive
— ANI (@ANI) July 8, 2024
IMD issues high tide alert in Mumbai following incessant heavy rainfall. pic.twitter.com/YOyvYLC4yO
ભારતીય હવામાન વિભાગ (IMD) મુંબઈના વૈજ્ઞાનિક સુષ્મા નાયરે જણાવ્યું હતું કે શહેરના કોલાબા હવામાન કેન્દ્રમાં સવારે 8.30 થી સાંજના 5.30 વાગ્યા સુધી 101.8 મીમી વરસાદ નોંધાયો હતો.
#WATCH | Maharashtra: Waterlogged roads in King's Circle area of Mumbai amid heavy rains in the city pic.twitter.com/QInsM3q6up
— ANI (@ANI) July 8, 2024
તેનાથી વિપરીત સાંતાક્રુઝ હવામાન કેન્દ્ર જે મુંબઈના ઉપનગરો માટે હવામાન માપદંડોનું માપન કરે છે, તેણે સવારે 8.30 થી સાંજના 5.30 વાગ્યા સુધી માત્ર 14.8 મીમી વરસાદ નોંધ્યો હતો."પડોશી રાયગઢ જિલ્લામાં ભારે વરસાદ થયો છે. કોલાબા હવામાન મથક રાયગઢ જિલ્લાની નજીક હોવાથી હવામાન મથકે ભારે વરસાદ નોંધાયો છે," નાયરે જણાવ્યું હતું. IMDએ જણાવ્યું હતું કે દરિયાકાંઠાના રત્નાગીરી જિલ્લામાં 117.9 મીમી વરસાદ નોંધાયો હતો.
Maharashtra | BMC has declared a holiday for all schools in Mumbai tomorrow, 9th July 2024. The decision has been taken in view of the heavy rain warning issued by IMD: BMC PR Department
— ANI (@ANI) July 8, 2024
નાયરે કહ્યું હતું કે “અમે મંગળવારે સવારે 8.30 વાગ્યા સુધી મુંબઈ માટે ઓરેન્જ એલર્ટ (ભારેથી ભારે વરસાદનો સંકેત) જાહેર કર્યું હતું, તે પછી તેને ડાઉનગ્રેડ કરીને યલો એલર્ટ (દિવસ દરમિયાન ભારે વરસાદના સંકેત) કરવામાં આવ્યું હતું. અમે સ્થિતિ પર નજર રાખી રહ્યા છીએ.
Maharashtra | Thane District Council has declared a holiday for schools tomorrow in view of heavy rain warning by IMD pic.twitter.com/hd3r77vtYy
— ANI (@ANI) July 8, 2024
હવામાન વિભાગે કહ્યું હતું કે મંગળવારે સતારા અને પુણે જિલ્લાના ઘાટ વિસ્તારો સહિત મધ્ય મહારાષ્ટ્રમાં ભારેથી અતિ ભારે વરસાદની સંભાવના છે અને આ સ્થળો માટે 'ઓરેન્જ એલર્ટ' જાહેર કરવામાં આવ્યું છે. દક્ષિણ કોંકણ માટે પણ 'ઓરેન્જ એલર્ટ' જાહેર કરવામાં આવ્યું છે, જેમાં રત્નાગીરી અને સિંધુદુર્ગ જિલ્લાનો સમાવેશ થાય છે.
ટોપ સ્ટોરી
ટ્રેન્ડિંગ સમાચાર
