ઓડિશાનો 80 હજાર પગારદાર એન્જિનિયર નીકળ્યો કરપ્શન કિંગ: 2 કરોડ રોકડા અને 13 પ્લોટ મળ્યા

Odisha Vigilance Raid 2026: માત્ર 6 હજારના પગારથી નોકરી શરૂ કરનાર અધિકારીની કમાણી જોઈ વિજિલન્સ ચોંકી ગયું; 9 સ્થળોએ પાડેલા દરોડામાં 5 આલીશાન ઇમારતો અને પત્નીના બેંક લોકરમાંથી રોકડ જપ્ત.

odisha engineer raid baikunth nath behera corruption cash plots space

Source : ai

Show Quick Read

Key points generated by AI, verified by newsroom

• ઓડિશા વિજિલન્સ દરોડામાં ₹2 કરોડ રોકડ, કરોડોની સંપત્તિ મળી.
• એન્જિનિયર બૈકુંઠ બેહેરા, ₹80 હજાર પગાર; ભ્રષ્ટાચારનો કિંગ.
• પત્નીના લોકરમાંથી રોકડ, પાંચ બિલ્ડિંગ, ૧૩ પ્લોટ જપ્ત.
• ૧૯૯૯માં ₹૬ હજાર પગાર શરૂ કરી કરોડોની સંપત્તિ બનાવી.

Odisha Vigilance Raid 2026: ઓડિશામાં ભ્રષ્ટાચારનો એક મોટો કિસ્સો સામે આવ્યો છે, જ્યાં 80 હજાર રૂપિયાનો માસિક પગાર ધરાવતો એક સરકારી એન્જિનિયર 'કરપ્શન કિંગ' નીકળ્યો છે. આ અધિકારી પાસે આવક કરતા વધુ સંપત્તિ હોવાની ફરિયાદ મળ્યા બાદ વિજિલન્સ વિભાગે સપાટો બોલાવ્યો હતો અને તેના અલગ-અલગ 9 સ્થળો પર દરોડા પાડ્યા હતા. આ મેગા ઓપરેશન દરમિયાન એન્જિનિયરના બેંક લોકરમાંથી 2 કરોડ રૂપિયાની કડકડતી રોકડ, 5 બહુમાળી ઇમારતો અને 13 પ્લોટ સહિત કરોડો રૂપિયાની બેનામી સંપત્તિ મળી આવી છે. પગારની સરખામણીમાં આટલી અઢળક સંપત્તિ જોઈને તપાસ એજન્સી પણ આશ્ચર્યમાં મુકાઈ ગઈ છે.

કોણ છે આ અધિકારી અને કેવી રીતે થઈ કાર્યવાહી?

આ કરપ્શન કિંગનું નામ બૈકુંઠ નાથ બેહેરા છે, જે ઓડિશાના બલિગુડા સ્થિત એકીકૃત આદિજાતિ વિકાસ એજન્સી (ITDA) માં આસિસ્ટન્ટ એક્ઝિક્યુટિવ એન્જિનિયર તરીકે ફરજ બજાવે છે. ઓડિશા વિજિલન્સને તેમની વિરુદ્ધ ભ્રષ્ટાચારની ચોક્કસ બાતમી મળી હતી. જેના આધારે ભુવનેશ્વરના સ્પેશિયલ જજ (વિજિલન્સ) પાસેથી સર્ચ વોરંટ મેળવીને શુક્રવારે ભુવનેશ્વર, જાજપુર, બારીપદા અને કંધમાલ જિલ્લાના 9 સ્થળો પર એકસાથે દરોડા પાડવામાં આવ્યા હતા. આ કાર્યવાહીને પાર પાડવા માટે 2 એડિશનલ SP, 5 DSP, 6 ઇન્સ્પેક્ટર સહિત મોટી સંખ્યામાં અધિકારીઓની ફોજ કામે લગાડવામાં આવી હતી.

પત્નીના નામે લોકર અને અઢળક સંપત્તિ

તમને જાણીને નવાઈ લાગશે કે તપાસ દરમિયાન એન્જિનિયરની પત્નીના નામે ભુવનેશ્વરના ચંદ્રશેખરપુર વિસ્તારમાં આવેલી એક્સિસ બેંક અને યુનિયન બેંક ઓફ ઇન્ડિયામાં બે લોકર મળી આવ્યા હતા. વિજિલન્સે જ્યારે આ લોકરો ખોલ્યા ત્યારે તેમાંથી જ 2 કરોડ રૂપિયા રોકડા મળી આવ્યા હતા. આ સિવાય 5 બહુમાળી આલીશાન ઇમારતો, 13 પ્લોટ અને મોટા પ્રમાણમાં સોનાના દાગીના પણ જપ્ત કરાયા છે. અધિકારીઓના જણાવ્યા અનુસાર, છેલ્લાં કેટલાંક વર્ષોમાં આવક કરતા વધુ સંપત્તિ પકડાઈ હોય તેવી આ સૌથી મોટી કાર્યવાહી પૈકીની એક છે.

આ પણ વાંચોઃ ભારતમાં ભ્રષ્ટાચાર ઘટ્યો, અમેરિકા-UK માં વધ્યો! 180 દેશોની યાદીમાં ભારતનો નવો રેન્ક જાહેર, જાણો વિગતો

6 હજારથી શરૂ થયેલી સફર કરોડો સુધી પહોંચી

એન્જિનિયર બૈકુંઠ નાથ બેહરાની કારકિર્દી પર નજર કરીએ તો તેમણે 16 ઓગસ્ટ 1999 ના રોજ જુનિયર એન્જિનિયર તરીકે સરકારી નોકરીની શરૂઆત કરી હતી. તે વખતે તેમનો પ્રારંભિક પગાર માત્ર 6,000 રૂપિયા હતો. ધીમે ધીમે 31 ઓક્ટોબર 2016 ના રોજ તેમને આસિસ્ટન્ટ એન્જિનિયર તરીકે પ્રમોશન મળ્યું હતું. હજુ થોડા સમય પહેલા જ એટલે કે ફેબ્રુઆરી 2026 માં તેમને આસિસ્ટન્ટ એક્ઝિક્યુટિવ એન્જિનિયર બનાવીને બલિગુડામાં પોસ્ટિંગ અપાયું હતું. હાલમાં તેમનો પગાર મહિને 80 હજાર રૂપિયા આસપાસ હતો, પરંતુ તેમની 6 હજારથી શરૂ થયેલી સફરમાં ભેગી કરાયેલી કરોડોની સંપત્તિ હવે તેમને ભારે પડી છે.

આ પણ વાંચોઃ ₹21 કરોડ પાણીમાં! સુરતમાં લોકાર્પણ પહેલા જ ટાંકી ભોંયભેગી, ભ્રષ્ટાચારનો કાટમાળ જોઈને ચોંકી જશો, જુઓ Video