Parliament Winter Session: આજથી સંસદનું શિયાળુ સત્ર શરૂ, વિપક્ષી પાર્ટીઓએ પોતાના મુદ્દાઓ ગણાવ્યા

સંસદનું શિયાળુ સત્ર બુધવાર (7 ડિસેમ્બર)થી શરૂ થવા જઈ રહ્યું છે. શિયાળુ સત્રના બીજા દિવસે દિલ્હીમાં MCD અને ગુજરાત અને હિમાચલ પ્રદેશ વિધાનસભાની ચૂંટણીના પરિણામો આવવાના છે.

ફાઇલ તસવીર

Parliament Winter Session: સંસદનું શિયાળુ સત્ર બુધવાર (7 ડિસેમ્બર)થી શરૂ થવા જઈ રહ્યું છે. શિયાળુ સત્રના બીજા દિવસે દિલ્હીમાં MCD અને ગુજરાત અને હિમાચલ પ્રદેશ વિધાનસભાની ચૂંટણીના પરિણામો આવવાના છે.

PM Modi is likely to interact with the media on the first day of the Winter session of Parliament tomorrow morning: Lok Sabha Secretariat

— ANI (@ANI) December 6, 2022

સંસદીય બાબતોના પ્રધાન પ્રહલાદ જોશીએ મંગળવારે (6 ડિસેમ્બર) સત્રની સુચારૂ કામગીરી સુનિશ્ચિત કરવા માટે સર્વપક્ષીય બેઠક બોલાવી હતી. બેઠકમાં તમામ વિપક્ષી દળોએ સરકારને સત્ર દરમિયાન ઉઠાવવામાં આવનાર મુદ્દાઓની મોટી યાદી સોંપી હતી. અલગ-અલગ મુદ્દાઓ ઉપરાંત કેટલાક એવા મુદ્દા છે જે મોટા ભાગના વિપક્ષી દળો સરકાર સમક્ષ મૂકે છે.

જેમાં ભારત-ચીન સીમા વિવાદ અને વિદેશ નીતિ, સરકાર અને ન્યાયતંત્ર વચ્ચે ટકરાવ, વિરોધ પક્ષો દ્વારા શાસિત રાજ્યો સાથે ખરાબ વલણ, અને સંઘીય માળખાને નુકસાન જેવા મુદ્દાઓ પર ચર્ચાની માંગ કરવામાં આવી છે. આ ઉપરાંત મોંઘવારી, બેરોજગારી, ખેડૂતોને MSP અને દેશની આર્થિક સ્થિતિ જેવા વિષયો પર પણ સંસદમાં ચર્ચાની માંગ કરવામાં આવી હતી.

સર્વપક્ષીય બેઠકમાં કોંગ્રેસે એઈમ્સ સર્વર પર સાયબર હુમલો અને આર્થિક રીતે પછાત વર્ગો માટે અનામત અંગે સુપ્રીમ કોર્ટના નિર્ણય પર ચર્ચા કરવાની પણ માંગ કરી હતી. તૃણમૂલ કોંગ્રેસે આસામ-મેઘાલય સરહદ વિવાદ અને બંગાળ સાથે કેન્દ્ર સરકારના વલણનો મુદ્દો પણ ઉઠાવ્યો હતો.

બેઠક દરમિયાન વિવાદ

સર્વપક્ષીય બેઠક દરમિયાન વિવાદ પણ સર્જાયો હતો. બેઠકમાં ક્રિસમસ દરમિયાન સંસદ સત્ર ચલાવવાનો મુદ્દો પણ ઉઠાવવામાં આવ્યો હતો. સૂત્રોના જણાવ્યા અનુસાર, બેઠકમાં હાજર પૂર્વોત્તર રાજ્યોના કેટલાક પક્ષોએ સૂચન કર્યું હતું કે ક્રિસમસને કારણે સત્ર 23 ડિસેમ્બરે જ સમાપ્ત કરવું જોઈએ અને બાકીનો ભાગ જાન્યુઆરીના પહેલા સપ્તાહમાં ચલાવવામાં આવે. તૃણમૂલ કોંગ્રેસ અને કોંગ્રેસે પણ આ સૂચનને સમર્થન આપ્યું હતું. કોંગ્રેસના નેતા અધીર રંજન ચૌધરીએ કહ્યું, "સરકારે નાતાલની તારીખોને ધ્યાનમાં રાખીને સત્રની તારીખ નક્કી કરવી જોઈતી હતી.

જોકે, વિપક્ષની આ માંગને વખોડીને સરકારે તેને સદંતર ફગાવી દીધી હતી. અધીર રંજન ચૌધરીને જવાબ આપતાં સંસદીય બાબતોના પ્રધાન પ્રહલાદ જોશીએ કહ્યું હતું કે, સરકાર પણ ધામધૂમથી નાતાલની ઉજવણી કરશે, પરંતુ તેના કારણે કોઈ કામ રોકી શકાશે નહીં.

22 બિલોની દરખાસ્ત કરવામાં આવી હતી

સરકાર દ્વારા 17 નવા બિલ સહિત કુલ 22 બિલ પાસ કરવાની દરખાસ્ત કરવામાં આવી છે. આ બિલોમાં મલ્ટી સ્ટેટ કોઓપરેટિવ સોસાયટીઝ બિલ, ફોરેસ્ટ કન્ઝર્વેશન એમેન્ડમેન્ટ બિલ અને કર્ણાટક સહિત અન્ય ત્રણ રાજ્યોમાં અનુસૂચિત જાતિ અને અનુસૂચિત જનજાતિની સૂચના સંબંધિત બિલનો સમાવેશ થાય છે.