ભુજથી પીએમ મોદી પાકિસ્તાન પર ગર્જ્યાઃ 'શાંતિથી રહો, રોટલી ખાઓ... નહીંતર મારી પાસે.....'
વડાપ્રધાન મોદીએ પાકિસ્તાનના લોકોને આતંકવાદ છોડી વિકાસ કરવા હાકલ કરી, 'ઓપરેશન સિંદૂર' ની વિગતો વર્ણવી.
PM Modi Gujarat visit: વડાપ્રધાન નરેન્દ્ર મોદીએ ગુજરાતના ભુજમાં એક સભાને સંબોધતા પાકિસ્તાન પર આકરા પ્રહારો કર્યા હતા. તેમણે પાકિસ્તાનના લોકોને સ્પષ્ટ સંદેશ આપ્યો કે, "શાંતિથી રહો, રોટલી ખાઓ... નહીંતર મારી ગોળી મારી છે." પીએમ મોદીએ પાકિસ્તાનને આતંકવાદથી મુક્ત થવા અને પોતાના ભવિષ્ય વિશે વિચારવા જણાવ્યું હતું.
ગુજરાતના પ્રવાસ દરમિયાન વડાપ્રધાન નરેન્દ્ર મોદીએ ભુજ ખાતે એક સભામાં પાકિસ્તાન પર સીધો અને મક્કમ પ્રહાર કર્યો. તેમણે પાકિસ્તાનના લોકોને સંબોધતા કહ્યું કે, પાકિસ્તાનના લોકોએ જ તેને આતંકવાદથી મુક્ત કરી શકે છે. પીએમ મોદીએ ભારતની આર્થિક પ્રગતિનો ઉલ્લેખ કરતા કહ્યું કે, "આજે ભારત વિશ્વની ચોથી સૌથી મોટી અર્થવ્યવસ્થા બની ગયું છે, તમે લોકો ક્યાં છો?"
'ઓપરેશન સિંદૂર' અને પાકિસ્તાનની સ્થિતિ
પીએમ મોદીએ તાજેતરમાં થયેલા 'ઓપરેશન સિંદૂર' નો પણ ઉલ્લેખ કર્યો હતો, જેમાં ભારતીય સેનાએ પાકિસ્તાનમાં આતંકવાદી ઠેકાણાઓ પર હુમલો કર્યો હતો. તેમણે કહ્યું, "જ્યારે તેમના ડ્રોન આવ્યા, ત્યારે તેઓ આંખના પલકારામાં એક પછી એક પડવા લાગ્યા. ભારતે પાકિસ્તાનના એરબેઝ, લશ્કરી છાવણીનો નાશ કર્યો. દુનિયા ચોંકી ગઈ. પાકિસ્તાન ધ્રૂજી રહ્યું હતું. અમે પાકિસ્તાનના હુમલાનો એટલી તાકાતથી જવાબ આપ્યો કે તેમની બધી એરસ્પેસ નાશ પામી."
વડાપ્રધાને વધુમાં જણાવ્યું કે, "પાકિસ્તાનને લાગ્યું કે તેઓ ટકી શકશે નહીં કારણ કે ભારતે તેનું ઉગ્ર સ્વરૂપ બતાવ્યું છે. પાકિસ્તાને થોડા કલાકોમાં સફેદ ઝંડા બતાવવાનું શરૂ કરી દીધું જેથી તેના પર ફરીથી હુમલો ન થાય."
પાકિસ્તાનના લોકોને સીધો સંદેશ
પીએમ મોદીએ પાકિસ્તાનના લોકોને સીધો સંદેશ આપતા કહ્યું, "ભારતની લડાઈ સરહદ પારના આતંકવાદીઓ સામે છે અને અમે તેમને ટેકો આપનારાઓના દુશ્મન છીએ. હું પાકિસ્તાનના લોકોને પૂછવા માંગુ છું કે, તમે શું પ્રાપ્ત કર્યું? ભારત ચોથી અર્થવ્યવસ્થા બનવા જઈ રહ્યું છે અને તમારી હાલત શું છે? શું તમારા માલિકે આ કર્યું? મોદીને ધ્યાનથી સાંભળો, તમારી સેના અને સરકાર આતંકવાદીઓને ટેકો આપી રહી છે. પાકિસ્તાનના લોકોએ નક્કી કરવું પડશે કે શું આ રસ્તો તેમના માટે યોગ્ય છે, શું તેનાથી તેમને ફાયદો થશે?"
આગળ તેમણે ઉમેર્યું, "હું પાકિસ્તાનના લોકોને કહેવા માંગુ છું કે, તમારી સરકાર તમારા ભવિષ્યનો નાશ કરી રહી છે. પાકિસ્તાનના લોકોએ આગળ આવવું પડશે, ખુશ જીવન જીવવું પડશે, રોટલી ખાવી પડશે, નહીં તો મારી ગોળી ત્યાં જ છે."
'ધૂળમાં બદલી નાખીશ'નો સંકલ્પ
પીએમ મોદીએ ભારતના મક્કમ વલણને પુનરોચ્ચાર કરતા કહ્યું, "ભારત પર આંખ ઉંચી કરનારાઓને કોઈપણ કિંમતે છોડવામાં આવશે નહીં. ઓપરેશન સિંદૂર એ માનવતાના રક્ષણ અને આતંકવાદનો અંત લાવવાનું ઓપરેશન છે." તેમણે બિહારમાં આપેલા નિવેદનને યાદ કરતા કહ્યું, "મેં બિહારમાં ગર્વથી જાહેરાત કરી હતી કે હું આતંકવાદનો નાશ કરીશ. મેં ૧૫ દિવસ સુધી પાકિસ્તાન આતંકવાદ સામે કાર્યવાહી કરે તેની રાહ જોઈ, પરંતુ તેમણે કંઈ કર્યું નહીં, તેથી મેં સેનાને સ્વતંત્રતા આપી. અમે દુનિયાને બતાવ્યું કે અમે અહીં બેઠેલા આતંકવાદીઓને ખતમ કરી શકીએ છીએ."
ટોપ સ્ટોરી
ટ્રેન્ડિંગ સમાચાર
