પ્રજાસત્તાક દિવસઃ PM મોદીએ બાંધ્યો કેસરી કલરનો 'બાંધણી'નો સાફો, જાળવી રાખી પરંપરા

પ્રધાનમંત્રી નરેંદ્ર મોદીએ ગણતંત્ર દિવસ અને સ્વતંત્રતા દિવસ પર સાફો બાંધવાની પોતાની પરંપરાને જાળવી રાખતા આ વખતે ગણતંત્ર દિવસ પર કેસરી કલરનો બાંધણીનો સાફો બાંધ્યો હતો.

નવી દિલ્હી: પ્રધાનમંત્રી નરેંદ્ર મોદીએ ગણતંત્ર દિવસ અને સ્વતંત્રતા દિવસ પર સાફો બાંધવાની પોતાની પરંપરાને જાળવી રાખતા આ વખતે ગણતંત્ર દિવસ પર કેસરી કલરનો બાંધણીનો સાફો બાંધ્યો હતો. કુર્તા પજામા અને જેકેટ પહેરી પ્રધાનમંત્રીએ ઈન્ડિયા ગેટ પર સ્થિત અમર જવાન જ્યોતિના બદલે પીએમ મોદીએ નેશનલ વોર મેમોરિયલ સ્મારક પર પ્રથમ વખત શહીદ જવાનોને શ્રદ્ધાંજલી આપી.

From 2015 to 2020, a look at PM Modi's Republic Day turban tradition Read @ANI Story l https://t.co/eo49wDh40E pic.twitter.com/tsnt0udye0

— ANI Digital (@ani_digital) January 26, 2020

ગણતંત્ર દિવસ અને સ્વતંત્રતા દિવસ પર પ્રધાનમંત્રીના કપડામાં ખાસ કરીને તેમના સાફાની ખૂબ ચર્ચા થાય છે. ગત વર્ષે પ્રધાનમંત્રીએ લાલ કિલ્લા પરથી છઠ્ઠી વખત સ્વતંત્રતા દિવસનુ ભાષણ આપ્યું હતું અને આ દરમિયાન તેમણે અલગ-અલગ કલરનો સાફો પહેર્યો હતો.

જ્યારે 2014માં મોદીએ પ્રધાનમંત્રી તરીકે પ્રથમ વખત પોતાના ભાષણ દરમિયાન લાલ કલરની બાંધણીનો સાફો પહેર્યો હતો, જેની પાછળની પટ્ટીનો કલર લીલો હતો. બાદમાં 2016માં લાલ કિલ્લા પરથી ભાષણ દરમિયાન ગુલાબી અને પીળા કલરના સાફામાં જોવા મળ્યા હતા. જ્યારે 2017માં ચમકદાર લાલ અને પીળા કલરનો સાફો પહેર્યો હતો.