Davos Agenda 2022:  અમે 'મેક ઈન ઈન્ડિયા, મેક ફોર ધ વર્લ્ડ' ના વિચાર સાથે આગળ વધી રહ્યા છીએ- PM મોદી

વર્લ્ડ ઈકોનોમિક ફોરમ (WEF)ની ઓનલાઈન આયોજિત થવા જઈ રહેલી પાંચ દિવસીય દાવોસ એજન્ડા સમિટના પ્રથમ દિવસે વડાપ્રધાન નરેન્દ્ર મોદીએ 'વિશ્વની પરિસ્થિતિ' વિષય પર પોતાનું સંબોધન આપ્યું હતું.

World Economic Forum Davos 2022 PM Modi Speech LIVE: વર્લ્ડ ઈકોનોમિક ફોરમ (WEF)ની ઓનલાઈન આયોજિત થવા જઈ રહેલી પાંચ દિવસીય દાવોસ એજન્ડા સમિટના પ્રથમ દિવસે વડાપ્રધાન નરેન્દ્ર મોદીએ 'વિશ્વની પરિસ્થિતિ' વિષય પર પોતાનું સંબોધન આપ્યું હતું. 'દાવોસ એજન્ડા' સમિટનું આયોજન સતત બીજા વર્ષે ડિજિટલ રીતે કરવામાં આવી રહ્યું છે. આ દરમિયાન પીએમ મોદીએ કહ્યું કે 130 કરોડ ભારતીયો વતી હું વર્લ્ડ ઈકોનોમિક ફોરમમાં સામેલ દિગ્ગજોનું સ્વાગત કરું છું.

તેમણે કહ્યું કે ભારત આર્થિક ક્ષેત્રની સાથે-સાથે કોરોના સામેની લડાઈમાં પણ આશાવાદી દ્રષ્ટિ સાથે આગળ વધી રહ્યું છે. ભારત આજે માત્ર એક વર્ષમાં 160 કરોડ કોરોના રસીના ડોઝ આપવાના આત્મવિશ્વાસથી ભરેલું છે. પીએમ મોદીએ કહ્યું કે કોવિડની શરૂઆતથી, અમે 80 કરોડ લોકોને મફતમાં અનાજ આપી રહ્યા છીએ, જે કદાચ વિશ્વનો સૌથી મોટો ખાદ્ય કાર્યક્રમ છે.

વડાપ્રધાને કહ્યું કે અમે પણ યોગ્ય દિશામાં સુધારા પર ધ્યાન કેન્દ્રિત કર્યું છે. વૈશ્વિક આર્થિક નિષ્ણાતોએ ભારતના નિર્ણયોની પ્રશંસા કરી છે અને મને વિશ્વાસ છે કે અમે ભારત તરફથી વિશ્વની આકાંક્ષાઓને પૂર્ણ કરીશું. માત્ર 1 વર્ષમાં, ભારતે લગભગ 160 કરોડ કોવિડ રસીના ડોઝ આપ્યા છે. 

પીએમ મોદીએ કહ્યું કે કોવિડ દરમિયાન, અમે જોયું કે કેવી રીતે ભારતે 'વન અર્થ, વન હેલ્થ'ના વિઝનને પૂર્ણ કર્યું અને ઘણા દેશોને દવાઓ અને રસી આપી, જેણે ઘણા લોકોના જીવ બચાવ્યા. આજે ભારત વિશ્વ માટે ફાર્મસી બની ગયું છે. ત્રીજો સૌથી મોટો ઉત્પાદક. આજે ભારત વિશ્વમાં રેકોર્ડ સંખ્યામાં સોફ્ટવેર એન્જિનિયર મોકલી રહ્યું છે. ભારતમાં 50 લાખથી વધુ સોફ્ટવેર ડેવલપર્સ કામ કરે છે. ભારત હાલમાં વૈશ્વિક સ્તરે ત્રીજી સૌથી મોટી સંખ્યામાં યુનિકોર્ન ધરાવે છે.

ડિજિટલ ઈન્ફ્રાસ્ટ્રક્ચર અમારી તાકાત છે

પીએમ મોદીએ કહ્યું કે છેલ્લા કેટલાક વર્ષોમાં ભારત દ્વારા વિકસિત અને અનુકૂલિત કરવામાં આવેલ ડિજિટલ ઈન્ફ્રાસ્ટ્રક્ચર રાષ્ટ્ર માટે એક બળ બની ગયું છે. આરોગ્ય સેતુ એપ્લિકેશન અને કોવિન પોર્ટલ સક્રિય કેસોને ટ્રેક કરવામાં અને રસીકરણ સ્લોટ બુક કરવામાં મદદ કરી રહ્યાં છે. આજે ભારત પાસે વિશ્વનું સૌથી મોટું, સુરક્ષિત અને સફળ ડિજિટલ પેમેન્ટ પ્લેટફોર્મ છે. છેલ્લા મહિનામાં જ ભારતમાં યુનિફાઇડ પેમેન્ટ્સ ઇન્ટરફેસ દ્વારા 4.4 બિલિયન વ્યવહારો થયા છે.

પીએમ મોદીએ કહ્યું કે અમે 'મેક ઇન ઇન્ડિયા, મેક ફોર ધ વર્લ્ડ'ના વિચાર સાથે આગળ વધી રહ્યા છીએ. ટેલિકોમ, ઈન્સ્યોરન્સ, ડિફેન્સ અને એરોસ્પેસ ઉપરાંત હવે સેમિકન્ડક્ટરના ક્ષેત્રમાં પણ ભારત પાસે અપાર તકો છે.  વૈશ્વિક વ્યવસ્થામાં બદલાવને કારણે એક કુટુંબ તરીકે આપણે જે પડકારોનો સામનો કરીએ છીએ તે પણ વધી રહ્યા છે.