PM Modi Diwali: PM મોદી દિવાળીની ઉજવણી સૈનિકો સાથે કરશે, જમ્મુ-કાશ્મીરમાં સૈનિકો સાથે તહેવારની ખુશી વહેંચશે

વડાપ્રધાન નરેન્દ્ર મોદી દર વર્ષે સૈનિકો સાથે દિવાળીના તહેવારની ઉજવણી કરવા દેશની કેટલીક સરહદોની મુલાકાત લેતા હોય છે.

પીએમ મોદી

PM Modi Diwali: વડાપ્રધાન નરેન્દ્ર મોદી જમ્મુ-કાશ્મીરમાં દર વખતની જેમ સૈનિકો સાથે દિવાળી ઉજવશે. પીએમ મોદી રાજૌરી જિલ્લાના નૌશેરામાં જવાનો સાથે દિવાળીની ખુશીઓ શેર કરી શકે છે. જોકે, વડાપ્રધાનના જવાનો સાથે દિવાળી મનાવવાનું સ્થાન પણ છેલ્લી ઘડીએ બદલી શકાય છે. ગયા વર્ષે કલમ 370 નાબૂદ કર્યા પછી પ્રથમ વખત જમ્મુ અને કાશ્મીર પહોંચેલા વડા પ્રધાને દિવાળીના અવસર પર રાજૌરી જિલ્લામાં તૈનાત સૈનિકો વચ્ચે દિવાળીની ઉજવણી કરી હતી.

અગાઉ પણ સૈનિકો સાથે દિવાળીની ઉજવણી કરવામાં આવી છે

વડાપ્રધાન નરેન્દ્ર મોદી દર વર્ષે સૈનિકો સાથે દિવાળીના તહેવારની ઉજવણી કરવા દેશની કેટલીક સરહદોની મુલાકાત લેતા હોય છે. આવા પ્રસંગોએ સૈનિકોને મળીને પીએમ મોદી તેમની સાથે સમય વિતાવે છે અને મીઠાઈ વહેંચે છે. પીએમ મોદીએ અગાઉ જમ્મુ-કાશ્મીર, ઉત્તરાખંડ અને અન્ય સ્થળોએ સૈનિકો વચ્ચે દિવાળીની ઉજવણી કરી હતી.

2016 માં વડા પ્રધાને ઉત્તરાખંડના ચમોલી જિલ્લામાં ભારત-ચીન સરહદ પર માના ખાતે તૈનાત ભારતીય તિબેટિયન બોર્ડર પોલીસ (ITBP) ના જવાનો સાથે દિવાળીની ઉજવણી કરી હતી. 2017માં વડાપ્રધાન નરેન્દ્ર મોદીએ જમ્મુ અને કાશ્મીરના ગુરેઝ સેક્ટરમાં તૈનાત સૈનિકો સાથે ખુશીનો તહેવાર ઉજવ્યો હતો. એ જ રીતે, 2018માં પણ પીએમ મોદીએ ઉત્તરાખંડમાં ચીની સરહદ પર તૈનાત આર્મી જવાનો અને ITBPના જવાનો સાથે દિવાળીની ઉજવણી કરી હતી.

#WATCH | BSF personnel & locals dance to the tune of patriotic songs at a #Diwali celebration event organised near the international border in RS Pura of Jammu & Kashmir pic.twitter.com/7raYb5VrCx

— ANI (@ANI) November 2, 2021

આ દરમિયાન પીએમ મોદી આર્મી ડ્રેસમાં જોવા મળ્યા હતા. પીએમ મોદીએ જવાનોને મીઠાઈ વહેંચી. જ્યારે 2018 માં પીએમ મોદીએ ઉત્તરાખંડના ઉત્તરકાશીમાં આર્મી અને ITBPના જવાનો વચ્ચે દિવાળીની ઉજવણી કરી હતી.