Queen Elizabeth II Funeral: બ્રિટનના મહારાણી Elizabeth II ના અંતિમ સંસ્કારમાં સામેલ થશે રાષ્ટ્રપતિ દ્રૌપદી મુર્મૂ

રાષ્ટ્રપતિ દ્રૌપદી મુર્મૂ રાણી Elizabeth IIના રાજ્ય અંતિમ સંસ્કારમાં હાજરી આપવા માટે યુનાઇટેડ કિંગડમ જશે

ફાઇલ તસવીર

Queen Elizabeth-II Funeral: રાષ્ટ્રપતિ દ્રૌપદી મુર્મૂ રાણી Elizabeth IIના રાજ્ય અંતિમ સંસ્કારમાં હાજરી આપવા માટે યુનાઇટેડ કિંગડમ જશે. રાષ્ટ્રપતિ દ્રૌપદી મુર્મુ ભારત સરકાર વતી શોક વ્યક્ત કરવા 17-19 સપ્ટેમ્બર 2022ના રોજ લંડનની મુલાકાત લેશે. રાણીના અંતિમ સંસ્કાર 19 સપ્ટેમ્બરના રોજ વેસ્ટમિંસ્ટર એબી ખાતે કરવામાં આવશે.

President Droupadi Murmu will be visiting London, United Kingdom on 17-19 September 2022 to attend the State Funeral of Queen Elizabeth II & offer condolences on behalf of the Government of India.

(File photos) pic.twitter.com/Nir194MBHg

— ANI (@ANI) September 14, 2022

રાણી Elizabeth II ના અંતિમ સંસ્કારમાં સેંકડો રાજ્યના વડાઓ હાજરી આપે તેવી અપેક્ષા છે. આ દિવસને બ્રિટનમાં જાહેર રજા જાહેર કરવામાં આવી છે. અમેરિકાના રાષ્ટ્રપતિ જો બાઇડન પણ મહારાણીના અંતિમ સંસ્કારમાં હાજરી આપશે. આ સિવાય ફ્રાંસના રાષ્ટ્રપતિ ઈમેન્યુઅલ મેક્રોન અને કેનેડાના વડાપ્રધાન જસ્ટિન ટ્રુડો પણ લંડન જશે.

In the demise of Her Majesty Queen Elizabeth II of UK, the world has lost a great personality. An era has passed since she steered her country and people for over 7 decades. I share the grief of people of UK and convey my heartfelt condolence to the family.

— President of India (@rashtrapatibhvn) September 8, 2022

રાણીનો પાર્થિવ દેહ લંડન પહોંચ્યો

બ્રિટનની સ્વર્ગસ્થ મહારાણી એલિઝાબેથનો પાર્થિવ દેહ મંગળવારે સાંજે સ્કોટલેન્ડથી લંડન પહોંચ્યો હતો. તેમનું તાબૂત  (શબપેટી) છેલ્લી રાત સુધી બકિંગહામ પેલેસમાં રાખવામાં આવશે. રાણીના તાબૂત બુધવારથી ચાર દિવસ માટે વેસ્ટમિન્સ્ટર હોલમાં રાખવામાં આવશે અને સોમવારે તેના અંતિમ સંસ્કાર કરવામાં આવશે.

96 વર્ષની વયે અવસાન થયું

રાણીનું ગયા ગુરુવારે બાલ્મોરલ કેસલમાં 96 વર્ષની વયે નિધન થયું હતું. તે 70 વર્ષ સુધી બ્રિટન પર રાજ કરતા હતા. જ્યારે રાણીના તાબૂતને એડિનબર્ગ એરપોર્ટ પરથી લંડન માટે મોકલવામાં આવી ત્યારે ત્યાં રાષ્ટ્રગીત વગાડવામાં આવ્યું. રાણીની પુત્રી પ્રિન્સેસ રોયલ એર ફોર્સ (RAF) ના વિમાનમાં એડિનબર્ગથી લંડન આવી હતી. જે વિમાનમાંથી રાણીના તાબૂતને  લાવવામાં આવી હતી તેનો ઉપયોગ ભૂતકાળમાં માનવીય સહાય માટે કરવામાં આવ્યો છે.

પશ્ચિમ લંડનમાં આરએએફના નોર્થહાલ્ટ એરબેઝ પર પ્લેન લેન્ડ થતાંની સાથે જ રાણીના તાબૂતને બકિંગહામ પેલેસમાં રસ્તા દ્વારા લઈ જવામાં આવી હતી. કિંગ ચાર્લ્સ III, જેઓ મંગળવારે ઉત્તરી આયર્લેન્ડની મુલાકાતે હતા, તેઓ તેમની પત્ની કેમિલા સાથે શાહી નિવાસસ્થાને પહોંચ્યા હતા.