Prophet Muhammad Protest: પશ્વિમ બંગાળના હાવડામાં ફરી ભડકી હિંસા, ટોળાએ પોલીસ પર કર્યો પથ્થરમારો, ઇન્ટરનેટ બંધ,

પશ્ચિમ બંગાળના હાવડામાં ગઈકાલની હિંસા બાદ કલમ 144 લાગુ કરવામાં આવી હતી

ઘટના સ્થળની તસવીર

Prophet Muhammad Protest: નુપુર શર્માના વિવાદાસ્પદ નિવેદનને લઈને દેશના અનેક શહેરોમાં હિંસક પ્રદર્શનો થઇ રહ્યા છે. પશ્ચિમ બંગાળના હાવડા સહિત ઘણા શહેરોમાં હિંસક દેખાવો જોવા મળ્યા હતા. પરંતુ હવે હાવડામાં ફરી એકવાર હિંસા ફાટી નીકળી છે. અહીં ટોળાએ પોલીસ પર પથ્થરમારો કર્યો, જે બાદ પોલીસે પણ જવાબી કાર્યવાહી કરી અને ટીયર ગેસના સેલ છોડ્યા હતા. સ્થિતિને જોતા ઈન્ટરનેટ સેવા પણ બંધ કરી દેવામાં આવી છે.

WB | Sec 144 CrPC imposed in & around the stretches of National Highways & Railway Stations under the jurisdiction of Uluberia-Sub Division, Howrah extended till 15th June

Violent protests broke out here yesterday over the controversial remark of suspended BJP spox Nupur Sharma pic.twitter.com/JkwoidjyL2

— ANI (@ANI) June 11, 2022

પશ્ચિમ બંગાળના હાવડામાં ગઈકાલની હિંસા બાદ કલમ 144 લાગુ કરવામાં આવી હતી, પરંતુ આજે સવારે ફરી એકવાર ભીડ એકઠી થઈ ગઈ અને જોરદાર પથ્થરમારો શરૂ કર્યો હતો. પોલીસે પરિસ્થિતિને કાબૂમાં લેવાનો પ્રયાસ કર્યો હતો. હાલ ભારે પોલીસ બંદોબસ્ત સ્થળ પર તૈનાત છે.

દેખાવકારોએ આગચંપી કરી

ઉલ્લેખનીય છે કે નુપુર શર્મા અને નવીન જિંદાલના વિવાદાસ્પદ નિવેદન વિરુદ્ધ લોકોએ પ્રદર્શન કર્યું હતું. આ દરમિયાન પ્રદર્શનકારીઓએ પોલીસ વાન અને પોલીસ બૂથને આગ ચાંપી દીધી હતી. સ્થળ પર ભારે પોલીસ ફોર્સ બોલાવવામાં આવી હતી. લોકોની માંગ છે કે નુપુર શર્માની તાત્કાલિક ધરપકડ થવી જોઈએ. ભાજપના સસ્પેન્ડેડ પ્રવક્તાએ એક ટીવી ડિબેટમાં પયગંબર મોહમ્મદ વિશે વાંધાજનક ટિપ્પણી કરી હતી. આ નિવેદન બાદ હોબાળો જોતા ભાજપે તેમને સસ્પેન્ડ કરી દીધા હતા.