Rahul Gandhi At Cambridge: 'મારા ફોનમાં પેગાસસ હતો, અધિકારીઓએ કહ્યુ હતું કે- સાવચેતીપૂર્વક વાત કરો...' રાહુલ ગાંધીનો કેમ્બ્રિજમાં દાવો

કોંગ્રેસના નેતા અને વાયનાડના સાંસદ રાહુલ ગાંધીએ કેમ્બ્રિજ યુનિવર્સિટીના એક કાર્યક્રમમાં ભાગ લીધો હતો

ફોટોઃ ટ્વિટર

Rahul Gandhi At Cambridge: કોંગ્રેસના નેતા અને વાયનાડના સાંસદ રાહુલ ગાંધી લંડન પહોંચ્યા હતા. ત્યાં તેમણે કેમ્બ્રિજ યુનિવર્સિટીના એક કાર્યક્રમમાં ભાગ લીધો હતો. આ કાર્યક્રમમાં તેમણે ભારતની મોદી સરકાર પર આકરા પ્રહારો કર્યા હતા. રાહુલ ગાંધીએ ભારતમાં સંસ્થાઓના નિયંત્રણમાં હોવાની વાત કરી હતી. આ સાથે તેણે પોતાના ફોનની જાસૂસી થયાનો આરોપ લગાવ્યો હતો.

A proud moment when @RahulGandhi delivered his lecture at @CambridgeJBS as a Visiting Fellow.

He spoke on ‘Learning To Listen In The 21st Century’. He has consistently given people a place to voice their opinion & with Bharat Jodo Yatra has ushered in a new paradigm in politics. pic.twitter.com/2MnqXIonAP

— Congress (@INCIndia) March 2, 2023

કેમ્બ્રિજમાં બિઝનેસ સ્કૂલના વિદ્યાર્થીઓને સંબોધતા રાહુલ ગાંધીએ કહ્યું હતું કે ભારતમાં મીડિયા અને ન્યાયતંત્ર નિયંત્રણમાં છે. મારા ફોનની જાસૂસી પેગાસસ દ્વારા કરવામાં આવી છે. ઈન્ટેલિજન્સ અધિકારીઓએ મને કહ્યું હતું કે તમારો ફોન રેકોર્ડ થઈ રહ્યો છે. મારી સામે ફોજદારી કેસ નોંધવામાં આવ્યા છે.

Here is the full Video of Rahul Gandhi’s Lecture at @CambridgeMBA @CambridgeJBS

“The art of listening” when done consistently and diligently is “very powerful,” - @RahulGandhi https://t.co/4ETVo0X45f#BharatJodoYatra#RahulGandhiinCambridge pic.twitter.com/tDI4ONieG0

— Sam Pitroda (@sampitroda) March 3, 2023

રાહુલ ગાંધીએ કહ્યું હતું કે ભારતમાં લોકશાહી ખતરામાં છે. તેમણે કહ્યું કે ભારતમાં નેતાઓના ફોનમાં પેગાસસ છે. મારા ફોનમાં પણ પેગાસસ હતું. રાહુલે દાવો કર્યો હતો કે અધિકારીઓએ ફોન પર વાત કરતી વખતે સાવચેત રહેવાની સલાહ આપી હતી. કારણ કે તમારો ફોન રેકોર્ડ થઈ રહ્યો છે.

કોંગ્રેસ નેતાએ કહ્યું કે ભારતમાં લોકશાહી ખતરામાં છે. અમે સતત દબાણ અનુભવીએ છીએ. વિપક્ષી નેતાઓ પર કેસ દાખલ કરવામાં આવી રહ્યા છે. મારી સામે ઘણા કેસ દાખલ કરવામાં આવ્યા હતા. એવા મામલાઓમાં કેસ દાખલ કરવામાં આવ્યા હતા, જે બનતા નહોતા.  અમે પોતાનો બચાવ કરવાનો પ્રયાસ કરી રહ્યા છીએ.

રાહુલ ગાંધીએ કહ્યું હતું કે આપણે એવી દુનિયાનું નિર્માણ થતું જોઈ શકતા નથી જે લોકતાંત્રિક મૂલ્યો સાથે જોડાયેલું નથી. દરમિયાન, તેમણે વિશ્વમાં લોકશાહી મૂલ્યોને પ્રોત્સાહન આપવા માટે નવી વિચારસરણીની જરૂરિયાત વિશે વાત કરી. સાથે જ કહ્યું કે તે કોઈના પર લાદવામાં ન આવે.

કોંગ્રેસ નેતાએ ભારત અને અમેરિકા જેવા લોકતાંત્રિક દેશોમાં નિર્માણ ક્ષેત્રમાં ઘટાડાનો પણ ઉલ્લેખ કર્યો. તેમણે કહ્યું, આ પરિવર્તને મોટા પાયે અસમાનતા અને નારાજગી બહાર લાવી છે, જેના પર તાત્કાલિક ધ્યાન અને સંવાદની જરૂર છે.

રાહુલ ગાંધીએ તેમની ભારત જોડો યાત્રા વિશે વિસ્તૃત ચર્ચા કરી હતી. કાશ્મીર વિશે વાત કરતા રાહુલે કહ્યું કે, કાશ્મીર ઘણા વર્ષોથી હિંસાથી ઘેરાયેલું છે. સુરક્ષા અધિકારીઓએ સુરક્ષાને લઈને ચેતવણી આપી હતી, પરંતુ જ્યારે અમે આગળ વધ્યા તો હજારો લોકો ત્રિરંગો લઈને આગળ આવ્યા. એક વ્યક્તિ નજીક આવ્યો તેણે કેટલાક છોકરાઓ તરફ ઈશારો કરીને કહ્યું કે તેઓ ઉગ્રવાદી છે. એ છોકરાઓ મારી સામે જોઈ રહ્યા પણ કંઈ કરી શક્યા નહિ. રાહુલ ગાંધીએ કહ્યું કે આ લોકોની વાત સાંભળવા અને અહિંસાની શક્તિ છે.