Nagaland Oath Ceremony: નાગાલેન્ડની પ્રથમ મહિલા ધારાસભ્ય બની મંત્રી, PM મોદીએ આ રીતે આપ્યા અભિનંદન
Salhoutuonuo Kruse: નાગાલેન્ડ વિધાનસભામાં ચૂંટાયેલા પ્રથમ મહિલા ધારાસભ્ય સલ્હોતુઓનુઓ ક્રુસે મંગળવારે (7 માર્ચ)ના રોજ મંત્રી તરીકે શપથ લીધા હતા
Nagaland Swearing In Ceremony: નાગાલેન્ડ વિધાનસભામાં ચૂંટાયેલા પ્રથમ મહિલા ધારાસભ્ય સલ્હોતુઓનુઓ ક્રુસે મંગળવારે (7 માર્ચ)ના રોજ મંત્રી તરીકે શપથ લીધા હતા. નાગાલેન્ડમાં NDPPના નેફિયુ રિયોના નેતૃત્વમાં સર્વપક્ષીય સરકારે વડા પ્રધાન નરેન્દ્ર મોદીની હાજરીમાં શિલોંગમાં શપથ લીધા. આ સમારોહમાં કેન્દ્રીય ગૃહમંત્રી અમિત શાહ, ભાજપ અધ્યક્ષ જેપી નડ્ડા, આસામના મુખ્યમંત્રી હિમંતા બિસ્વા સરમા પણ હાજર હતા.
પદના શપથ ગ્રહણ કર્યા બાદ પીએમ મોદીએ સાલ્હોતુઓનુઓ ક્રુસને હાથ જોડીને અભિનંદન પાઠવ્યા હતા. આ દરમિયાન બંને હસતા જોવા મળ્યા હતા. પ્રથમ વખત નાગાલેન્ડ વિધાનસભામાં બે મહિલાઓ (સલ્હોતુઓનુઓ ક્રુસે અને હેકાની જાખાલુ) જીતી છે. નેશનલ ડેમોક્રેટિક પ્રોગ્રેસિવ પાર્ટી (NDPP)ના ઉમેદવાર સાલ્હોતુઓનુઓ ક્રુસે પશ્ચિમ અંગામી બેઠક પરથી અપક્ષ ઉમેદવારને સાત મતથી હરાવ્યા હતા. જ્યારે એનડીપીપીના ઉમેદવાર હેકાની જાખલુ દીમાપુર-3 બેઠક પરથી જીત્યા છે.
Nine MLAs including G Kaito Aye, Jacob Zhimomi, KG Kenye, P Paiwang Konyak, Metsubo Jamir, Temjen Imna Along, CL John, Salhoutuonuo Kruse and P Bashangmongba Chang take oath as ministers in the Nagaland cabinet pic.twitter.com/QyQnCsDBl2
— ANI (@ANI) March 7, 2023
નેફિયુ રિયો પાંચમી વખત મુખ્યમંત્રી બન્યા
નેફિયુ રિયોએ સતત પાંચમી વખત મુખ્યમંત્રી તરીકે શપથ લીધા છે. તેઓ રાજ્યમાં સર્વપક્ષીય સરકારનું નેતૃત્વ કરી રહ્યા છે જ્યાં કોઈ વિરોધ પક્ષ નહીં હોય. ટીઆર ઝેલિયાંગ, વાય પેટને નાગાલેન્ડના નાયબ મુખ્યમંત્રી તરીકે શપથ લીધા. ગવર્નર લા ગણેશને રિયો કેબિનેટના અન્ય સભ્યોને શપથ લેવડાવ્યા હતા.
NDPP leader Neiphiu Rio takes oath as Chief Minister of Nagaland for fifth time
— ANI Digital (@ani_digital) March 7, 2023
Read @ANI Story | https://t.co/NK4NJHcYTi#NeiphiuRio #Nagaland #ChiefMinister pic.twitter.com/OPKkz5fiVc
આ ધારાસભ્યોએ શપથ લીધા
G Kaito Aye, Jacob Zhimomi, KG Kenye, P Paiwang Konyak, Metsubo Jamir, Temjen Imna Along, CL John, Salhoutuonuo Kruse અને P Bashangmongba Chang સહિત 9 ધારાસભ્યોએ નાગાલેન્ડ કેબિનેટમાં મંત્રી તરીકે શપથ લીધા છે. એનડીપીપી-ભાજપ ગઠબંધને તાજેતરમાં પૂર્ણ થયેલી નાગાલેન્ડ ચૂંટણીમાં 60માંથી 37 બેઠકો જીતી છે.
ટોપ સ્ટોરી
ટ્રેન્ડિંગ સમાચાર
