Sapna Chaudhary : પ્રખ્યાત ડાન્સર સપના ચૌધરી વિરુદ્ધ ધરપકડ વોરંટ જાહેર, જાણો શું છે સમગ્ર મામલો

Sapna Chaudhary News : ACJM કોર્ટે સપના ચૌધરીની ધરપકડ કરીને તેને કોર્ટમાં રજૂ કરવાનો આદેશ આપ્યો છે.

Sapna Chaudhary

Lucknow : પ્રખ્યાત ડાન્સર સપના ચૌધરી વિરુદ્ધ ધરપકડ વોરંટ જાહેર કરવામાં આવ્યું છે. ACJM કોર્ટે સપના ચૌધરીની ધરપકડ કરીને તેને કોર્ટમાં રજૂ કરવાનો આદેશ આપ્યો છે.સપના પર ડાન્સ શોના નામે લાખો રૂપિયા ઉઘરાવી  અને બાદમાં  કાર્યક્રમ ન કરીને પૈસા પડાવી લેવાનો આરોપ છે. આ અંગે સપના પર 13 ઓક્ટોબર 2018ના રોજ આશિયાના પોલીસ સ્ટેશનમાં FIR દાખલ કરવામાં આવી હતી.આ કેસની આગામી સુનાવણી 30 ઓગસ્ટે થશે. સપના પર 13 ઓક્ટોબર 2018ના રોજ આશિયાના પોલીસ સ્ટેશનમાં FIR દાખલ કરવામાં આવી હતી.

જાણો શું છે સમગ્ર  મામલો
આ મામલો વર્ષ 2018નો છે. 13 ઓક્ટોબર 2018ના રોજ  એક પોલીસ અધિકારીએ સપના ચૌધરી પર આશિયાના પોલીસ સ્ટેશનમાં છેતરપિંડીનો આરોપ લગાવ્યો હતો. તેણે પોતાની ફરિયાદમાં આરોપ લગાવ્યો હતો કે તે જ દિવસે લખનૌના સ્મૃતિ ઉપવનમાં સપના ચૌધરીનો એક ડાન્સ પ્રોગ્રામ થવાનો હતો, જેની હજારો ટિકિટો પણ વેચાઈ હતી. સપના ચૌધરીને એડવાન્સ રકમ પણ આપવામાં આવી હતી પરંતુ સપના કાર્યક્રમમાં પહોંચી ન હતી, જેના કારણે કાર્યક્રમ રદ કરવો પડ્યો હતો. સપનાએ આ ઈવેન્ટ માટે જે પૈસા લીધા હતા તે પણ આયોજકોને પરત કરવામાં આવ્યા ન હતા.

અગાઉ કોર્ટે જામીન આપ્યા હતા
અગાઉ કોર્ટે તેમના વચગાળાના જામીન લંબાવ્યા હતા. કોર્ટે 20,000 રૂપિયાના બે જામીન અને એટલી જ રકમના વ્યક્તિગત બોન્ડ પર જામીન મંજૂર કર્યા હતા. સપના ચૌધરી વિરુદ્ધ લખનૌના આશિયાના પોલીસ સ્ટેશનમાં છેતરપિંડીનો કેસ નોંધવામાં આવ્યો હતો. તમને જણાવી દઈએ કે હાલના દિવસોમાં સપના ચૌધરીના એક પછી એક ગીતો રિલીઝ થઈ રહ્યા છે. સોશિયલ મીડિયા પર એક્ટિવ રહેતી સપના ચૌધરી ઈન્સ્ટાગ્રામ પર પોતાના ગીતો અને આવનારા પ્રોજેક્ટ્સને અપડેટ કરતી રહે છે.

ગયા વર્ષે નવેમ્બરમાં બિનજામીનપાત્ર વોરંટ જાહેર કરવામાં આવ્યું હતું
ગયા વર્ષે 17 નવેમ્બર, 2021 ના ​​રોજ સપના ચૌધરી સામે કોર્ટમાં હાજર ન થવા બદલ ધરપકડ વોરંટ જાહેર  કરવામાં આવ્યું હતું. જે બાદ 23 નવેમ્બર 2021ના રોજ સપના ચૌધરીએ ધરપકડ વોરંટ રદ કરવાની માંગ કરી હતી. જેને કોર્ટે ફગાવી દીધો હતો. ત્યારબાદ 21 ડિસેમ્બર 2021ના રોજ સપના ચૌધરીની આગોતરા જામીન અરજી પણ ફગાવી દેવામાં આવી હતી.