સિક્કિમમાં વાદળ ફાટવાથી તિસ્તા નદીમાં પૂર, સેનાના 23 જવાન લાપતા

પૂર બાદ ચુંગથાંગ ડેમમાંથી પાણી છોડવાને કારણે ડાઉનસ્ટ્રીમ વિસ્તારોમાં પાણીનું સ્તર અચાનક 15-20 ફૂટની ઉંચાઈ સુધી વધી ગયું હતું.

સિક્કિમમાં વાદળ ફાટવાથી તિસ્તા નદીમાં પૂર

વાદળ ફાટવાથી સિક્કિમમાં પૂર આવ્યું. જણાવવામાં આવી રહ્યું છે કે ઉત્તર સિક્કિમના લોનાક તળાવ પર અચાનક વાદળ ફાટવાને કારણે તિસ્તા નદીનું જળસ્તર વધી ગયું અને ઘણા વિસ્તારોમાં પાણી ભરાઈ ગયા. જેના કારણે અનેક સૈન્ય સંસ્થાઓને પણ અસર થઈ છે. સેનાના 23 જવાનો પણ ગુમ થયાના સમાચાર છે. આ જવાનોની શોધમાં સર્ચ ઓપરેશન શરૂ કરવામાં આવ્યું છે.

વહેલી સવારે 23 જવાનો ગુમ થયાના સમાચાર હતા. હવે 23 સૈનિકો સહિત કુલ 30 લોકો ગુમ થયાના અહેવાલ છે. ગુવાહાટીમાં ડિફેન્સ પીઆરઓએ સવારે કહ્યું હતું કે, 'સિક્કિમના ઉત્તરમાં લોનાક તળાવ પર અચાનક પૂર આવ્યું હતું. 23 સૈનિકો ગુમ છે. ચુંગથાંગ ડેમમાંથી પાણી છોડવાને કારણે ડાઉનસ્ટ્રીમમાં પાણીની સપાટી અચાનક 15-20 ફૂટની ઉંચાઈએ પહોંચી ગઈ હતી. જેના કારણે સિંગતમ નજીકના બરડાંગ ખાતે પાર્ક કરાયેલા સેનાના વાહનોને અસર થઈ હતી. સેનાના 23 જવાનો ગુમ થયાના અને 41 વાહનો કાદવમાં ડૂબી જવાના સમાચાર છે.

બીજેપી નેતા ઉગેન ત્સેરિંગ ગ્યાત્સો ભુટિયાએ જણાવ્યું હતું કે, "સરકારી તંત્રને સ્થાને મૂકીને લોકોના જીવ બચાવવામાં આવી રહ્યા છે, જેનો રિપોર્ટ આવવાનો બાકી છે. કોઈ જાન-માલનું નુકસાન થયું નથી પરંતુ સિંગતમમાં જાહેર મિલકતોને નુકસાન થયું છે. કેટલાક લોકો ગુમ છે. એવી માહિતી છે કે તેમને શોધવાના પ્રયાસો ચાલુ છે."

23 army personnel have been reported missing due to a flash flood that occurred in Teesta River in Lachen Valley after a sudden cloud burst over Lhonak Lake in North Sikkim: Defence PRO, Guwahati https://t.co/zDabUMrCaI pic.twitter.com/uWVO1nsT2T

— ANI (@ANI) October 4, 2023

આ પહેલા 18 ઓગસ્ટના રોજ ઉત્તરાખંડના ચમોલીના થરાલી વિસ્તારમાં ભારે વરસાદ બાદ વાદળ ફાટવાની ઘટના સામે આવી હતી. વાદળ ફાટ્યા બાદ પ્રણમતી નદીનું જળસ્તર ખતરાના નિશાનથી ઉપર વહેવા લાગ્યું અને પિંડાર નદીમાં પણ ઉછાળો આવ્યો. નદીઓના પાણી લોકોના ઘર અને શિવ મંદિરમાં ઘૂસી ગયા હતા. જેના કારણે ભારે નુકશાન થયું હતું. અનેક મકાનોને નુકસાન થયું હતું.

આ પણ વાંચોઃ