Tomato Price Hike: ટામેટાની કિંમતે તોડ્યા તમામ રેકોર્ડ, આ રાજ્યમાં 200થી 250 રૂપિયા પ્રતિ કિલો પહોંચ્યો ભાવ

ટામેટાના ભાવમાં દિવસેને દિવસે વધારો થઈ રહ્યો છે, જ્યારે અન્ય શાકભાજીના ભાવ પણ ઓછા નથી

( Image Source : PTI )

Tomato Price Hike: લગભગ દરેક શાકભાજીનો સ્વાદ વધારતા ટામેટાંએ આજકાલ લોકોના ભોજનનો સ્વાદ બગાડ્યો છે. ટામેટાના ભાવમાં દિવસેને દિવસે વધારો થઈ રહ્યો છે, જ્યારે અન્ય શાકભાજીના ભાવ પણ ઓછા નથી. આ દિવસોમાં ટામેટાં સહિતની ઘણી શાકભાજી 100 રૂપિયા પ્રતિ કિલો સુધી વેચાઈ રહી છે, જ્યારે ઉત્તરકાશીમાં ટામેટાંના ભાવે તમામ રેકોર્ડ તોડી નાખ્યા છે. આ દિવસોમાં ઉત્તરકાશીમાં ટામેટાં 200 થી 250 રૂપિયા પ્રતિ કિલોના ભાવે વેચાઈ રહ્યા છે.

Uttarakhand: Tomato prices soar up in Uttarkashi due to rainfall

Tomato prices are increasing day by day and they are being sold at Rs 200 to 250 per kg, says Rakesh, a vegetable seller pic.twitter.com/0THX3oaqEF

— ANI UP/Uttarakhand (@ANINewsUP) July 7, 2023

આ દિવસોમાં દેશના ઘણા ભાગોમાં ભારે વરસાદ પડી રહ્યો છે. જેના કારણે પાકને ઘણું નુકસાન થયું છે જેની સીધી અસર લોકોના રસોડા પર થઇ રહી છે. સ્થિતિ એવી છે કે આજે અનેક શાકભાજીના ભાવ આસમાને પહોંચી ગયા છે. જેના કારણે સામાન્ય લોકોની હાલત કફોડી બની છે. શાકભાજીના ભાવ વધારાએ પહેલેથી જ મોંઘવારીથી પરેશાન લોકોને બેવડી હાલાકીનો સામનો કરવો પડી રહ્યો છે. સામાન્ય લોકો પરેશાન છે, જ્યારે ઉત્તરકાશીમાં ટામેટાએ બેવડી સદી ફટકારી છે.

વરસાદના કારણે શાકભાજીના ભાવમાં વધારો થયો

ઉત્તરકાશીના એક શાકભાજી વિક્રેતા રાકેશે જણાવ્યું હતું કે વરસાદને કારણે ટામેટાની ખેતીને ઘણું નુકસાન થયું છે, જેના કારણે ટામેટાંના ભાવમાં જબરદસ્ત વધારો જોવા મળી રહ્યો છે. તેમણે કહ્યું કે, વરસાદને કારણે ટામેટાંના ભાવ દિવસેને દિવસે વધી રહ્યા છે. જેના કારણે અહીં ટામેટાં 200 થી 250 રૂપિયા પ્રતિ કિલોના ભાવે વેચાઈ રહ્યા છે.

ઉત્તરકાશીની સાથે દેહરાદૂન, હરિદ્વાર સહિત દેશના ઘણા રાજ્યોમાં શાકભાજીની આ હાલત છે. ટામેટા, ધાણા, આદુ સામાન્ય લોકોની પહોંચની બહાર થઈ રહ્યા છે, નિષ્ણાતોનું માનીએ તો ચોમાસામાં શાકભાજીના ભાવમાં કોઈ રાહત નથી. આવી સ્થિતિમાં તેઓ ઈચ્છે કે ન ઈચ્છે સામાન્ય લોકોને મોંઘવારીનો માર સહન કરવો પડશે.

ખેતરમાંથી ચોરી ગયા ટામેટા

દેશમાં ટામેટાના ભાવે રેકોર્ડ તોડી નાખ્યા છે. દેશભરમાં ટામેટાના ભાવ 100-150 રૂપિયા પ્રતિ કિલોને પાર પહોંચી ગયા છે. સામાન્ય નાગરિકો માટે ટામેટાં ખાવા મુશ્કેલ બની રહ્યા છે. એવામાં ટામેટાના વધતા ભાવ વચ્ચે કર્ણાટકના હાસન જિલ્લામાં એક ખેડૂતના ખેતરમાંથી ચોર લાખો રૂપિયાના ટામેટાં લઈને ફરાર થઈ ગયા હતા.

Join Our Official Telegram Channel:

https://t.me/abpasmitaofficial