મોદી સરકારના આ મંત્રીએ માન્યુ દેશમાં ઓક્સીજનની અછત, કહ્યું- ડૉક્ટર-રાજનેતા સંવેદનશીલ થઈને કરે મદદ

કોરોના સંક્રમણના કારણે દેશમાં હાલ સંકટની પરિસ્થિતિ છે. દરરોજ દેશમાં કોરોનાના નોંધાઈ રહેલા ત્રણ લાખથી વધુ કેસના કારણે સ્વાસ્થ્ય સેવાઓ લાચાર બની છે. કોવિડ હોસ્પિટલોમાં બેડ ફુલ છે અને ખાલી હોય તો ત્યાં ઓક્સીજન નથી.

કોરોના સંક્રમણના કારણે દેશમાં હાલ સંકટની પરિસ્થિતિ છે. દરરોજ દેશમાં કોરોનાના નોંધાઈ રહેલા ત્રણ લાખથી વધુ કેસના કારણે સ્વાસ્થ્ય સેવાઓ લાચાર બની છે. કોવિડ હોસ્પિટલોમાં બેડ ફુલ છે અને ખાલી હોય તો ત્યાં ઓક્સીજન નથી. વેન્ટિલેટરનું પણ ગંભીર સંકટ છે. દેશમાં ઓક્સીજનની અછત છે તે ખુદ કેંદ્રીય મંત્રી નિતિન ગડકરીએ સ્વીકાર્યું છે. 

કેંદ્રીય મંત્રી નિતિન ગડકરીએ કહ્યું દેશમાં કોરોના વાયરસને લઈ હાલ સંકટ છે. એવામાં ડૉક્ટર્સ નર્સ, સામાજિક કાર્યકર્તાઓ અને રાજનેતાઓએ આ સમયે સંવેદનશીલ થઈને લોકોની મદદ કરવી જોઈએ. તેમણે કહ્યું ઓક્સીજનને વધારવાને લઈ સરકાર તરફથી દેશભરમાં વ્યવસ્થા કરવામાં આવી રહી છે. પરંતુ ક્યાંક ઓછો છે ક્યાંય વધારે છે. આ સ્થિતિમાં કોઈનો જીવ ન જવો જોઈએ.

નીતિન ગડકરીએ જણાવ્યું કે અમે મુશ્કેલ પરિસ્થિતિમાં કામ કરી રહ્યાં છીએ. તેથી થોડી તકલીફ તો રહેવાની પરંતુ લોકોના જીવ બચાવવા જરુરી છે અને અમે એ વ્યવસ્થા કરી રહ્યાં છીએ. અમારો પ્રયાસ લોકોના જીવ બચાવવાનો છે.

નીતિન ગડકરીનું આ નિવેદન કેન્દ્ર સરકારને મુશ્કેલીમા મૂકી શકે છે. કારણ કે હજુ એક દિવસ પહેલા કેન્દ્ર સરકાર જણાવી ચૂકી છે કે દેશમાં ઓક્સિજનની અછત નથી પરંતુ ટ્રાન્સપોર્ટેશન સમસ્યા છે.

એક દિવસ પહેલા કેન્દ્ર સરકારે કહ્યું હતું કે દેશમાં ઑક્સિજનની કોઈ અછત નથી, પરંતુ તેને પહોંચાડવાનું કામ સૌથી મોટી સમસ્યા છે. હાલમાં લોકોમાં બિનજરૂરી ગભરામણનો માહોલ થયો છે. ગભરાઈને અમુક લોકો હોસ્પિટલમાં દાખલ થાય છે, લોકો ડૉક્ટરની સલાહ આપે તો જ દાખલ થાઓ.

ભારતમાં ઓક્સિજન કન્સન્ટ્રેટર,વેન્ટિલેટરની અછત વર્તાઈ રહી છે. આ દરમિયાન બ્રિટનથી જીવન રક્ષક મદદ પેકેજનો પહેલો જથ્થો રવાના કરી દેવામાં આવ્યો હતો અને જે આજે નવી દિલ્હી પહોંચવાની આશા છે. જેમાં 495 ઓક્સિજન કન્સન્ટ્રેટર, 120 નોન ઈન્વેજિવ વેન્ટિલેટર અને 20 મેન્યૂઅલ વેન્ટિલેટર સામેલ છે. બ્રિટનના પ્રધાનમંત્રી બોરિસ જોનસને કહ્યુ કે મુશ્કેલિના સમયે બ્રિટન ભારતની સાથે ઉભુ છે.