6 વર્ષની બાળકીનું અપહરણ કરીને દુષ્કર્મનો પ્રયાસ કરનાર આરોપી પર વાનર તૂટી પડ્યાં, દેવદૂત બની બચાવ્યો જીવ

ઉત્તર પ્રદેશના બાગપતમાં વાંદરાઓએ આરોપી પર હુમલો કરીને 6 વર્ષની બાળકીને બચાવી લીધી. આરોપી બાળકી પર દુષ્કર્મ ગુજરવાનો પ્રયાસ કરી રહ્યો હતો.

વાનર બન્યા દેવદૂત

Source : freepik

ઉત્તર પ્રદેશના બાગપતમાં વાંદરાઓના જૂથે 6 વર્ષની બાળકીનો જીવ બચાવ્યો. આરોપી વર તેને એક નિર્જન ઘરમાં લઈ ગયો હતો. તે બાળકી પર દુષ્કર્મ ગુજારવાની ફિરાકમાં  હતો ત્યારે વાંદરાઓએ તેના પર હુમલો કર્યો. બાળકીના પિતાએ કહ્યું કે જો દેવદૂતોની જેમ આવેલા વાંદરાઓએ હુમલો ન કર્યો હોત તો આજે તેની પુત્રી જીવિત ન હોત.

પીડિત યુવતી યુકેજીની વિદ્યાર્થીની છે. પોલીસે રવિવારે જણાવ્યું હતું કે, બાળકીના  માતા-પિતાની ફરિયાદ બાદ પોક્સો એક્ટ હેઠળ અજાણ્યા આરોપી વિરુદ્ધ કેસ નોંધવામાં આવ્યો છે. તેની શોધખોળ ચાલુ છે. પોલીસને આપેલી ફરિયાદમાં બાળકીની  માતા-પિતાએ જણાવ્યું હતું કે, આરોપીએ શનિવારે બાળકીને ફોસલાવીને  એક અવાવરા  ઘરમાં લઈ ગયો હતો. એ ઘરમાં કોઈ રહેતું ન હતું.

વાંદરાઓએ આરોપી પર હુમલો કરીને બાળકીને બચાવી લીધી

આરોપીએ બાળકીના  કપડા ઉતારી દીધા હતા. જ્યારે કેટલાક વાંદરાઓ આવ્યા ત્યારે તે દુષ્કર્મ  કરવાનો પ્રયાસ કરી રહ્યો હતો. વાંદરાઓએ તેના પર હુમલો કર્યો. વાંદરાના ડરથી આરોપીએ બાળકીને છોડીને ભાગી જવું પડ્યું હતું. આ પછી બાળકી ઘરે પહોંચી. તે ઊંડા આઘાતમાં હતી. તેણે તેના પરિવારને જણાવ્યું કે વાંદરાઓએ તેને કેવી રીતે બચાવી.

બાળકીના  પિતાએ કહ્યું- જો વાંદરાઓ ન આવ્યા હોત તો મારી દીકરી મરી ગઈ હોત.

બાળકીના  પિતાએ કહ્યું, સીસીટીવીમાં જોઇ શકાય છે કે,  "પુત્રી ઘરની બહાર રમી રહી હતી ત્યારે તે આરોપી તેને ઉપાડી ગયો અને  તે મારી પુત્રી સાથે સાંકડી ગલીમાં ચાલતો જોઈ શકાય છે. હજુ સુધી તેની ઓળખ થઈ નથી.  પરંતુ જો આરોપી પર  વાંદરાઓએ હુમલો ન કર્યો હોત તો મારી પુત્રી અત્યાર સુધીમાં મરી ગઈ હોત.                                                                           

 

સ્થાનિક પોલીસ અધિકારી હરીશ ભદૌરિયાએ કહ્યું છે કે, મામલાની તપાસ કરવામાં આવી રહી છે. “માતા-પિતાની ફરિયાદને પગલે, BNS કલમ 74 76 અને POCSO એક્ટ હેઠળ ગુનો નોંધવામાં આવ્યો છે. આરોપીઓની ઓળખ અને ધરપકડના પ્રયાસો ચાલુ છે”