મોટા સમાચાર : રાષ્ટ્રપતિની ચૂંટણીમાં NDA ઉમેદવાર દ્રૌપદી મુર્મુની ભવ્ય જીત, યશવંત સિંહા હાર્યા

Draupadi Murmu won the presidential election 2022 : દ્રૌપદી મુર્મુને પ્રથમ રાઉન્ડમાં 540 મત મળ્યાં હતા. જેની વોટ વેલ્યુ 3,78,000 થાય છે.

Draupadi Murmu won the presidential election 2022

Draupadi Murmu won presidential election : રાષ્ટ્રપતિની ચૂંટણીમાં NDA ઉમેદવાર દ્રૌપદી મુર્મુની ભવ્ય જીત થઇ છે, તો તેમની સામે વિપક્ષના સંયુક્ત ઉમેદવાર યશવંત સિંહાની હાર થઇ છે. ત્રીજા રાઉન્ડના અંતે દ્રૌપદી મુર્મુએ જીતનો 50 ટકા મતનો સત્તાવાર આંકડો પ્રાપ્ત કરી લીધો. આ સાથે જ દ્રૌપદી મુર્મુ દેશના પ્રથમ આદિવાસી અને બીજા મહિલા રાષ્ટ્રપતિ બનશે. રાષ્ટ્રપતિ રામનાથ કોવિંદનો કાર્યકાળ 24 જુલાઈએ પૂર્ણ થઇ રહ્યો છે અને આ દિવસે જ દ્રૌપદી મુર્મુનો શપથગ્રહણ સમારોહ યોજાશે. 

राष्ट्रपति चुनाव में प्रभावी जीत दर्ज करने के लिए श्रीमती द्रौपदी मुर्मू जी को बधाई। वे गाँव, गरीब, वंचितों के साथ-साथ झुग्गी-झोपड़ियों में भी लोक कल्याण के लिए सक्रिय रहीं हैं।आज वे उनके बीच से निकल कर सर्वोच्च संवैधानिक पद तक पहुँची हैं।यह भारतीय लोकतंत्र की ताक़त का प्रमाण है।

— Rajnath Singh (@rajnathsingh) July 21, 2022

પહેલા રાઉન્ડમાં  દ્રૌપદી મુર્મુને 540, યશવંત સિંહાને 208 મત મળ્યાં
રાજ્યસભાના સેક્રેટરી પીસી મોડીએ પહેલા રાઉન્ડ વિષે જણાવ્યું હતું કે પહેલા રાઉન્ડમાં NDA ઉમેદવાર દ્રૌપદી મુર્મુને 540 મત મળ્યાં હતા જેની વોટ વેલ્યુ 3,78,000 થાય છે અને તેમની સામે યશવંત સિંહાને 208 મત મળ્યાં, જેની વોટ વેલ્યુ 1,45,600 થાય છે. આ સાથે 15 મત રદ્દ કરવામાં આવ્યા હતા. આ પહેલા રાઉન્ડમાં સાંસદોના મતની ગણતરી કરવામાં આવી હતી. 

બીજા રાઉન્ડના અંતે  દ્રૌપદી મુર્મુને 1349, યશવંત સિંહાને 537 મત મળ્યાં
બીજા રાઉન્ડની મતગણતરીમાં 10 રાજ્યોના મત ગણવામાં આવ્યા. આ બીજા રાઉન્ડમાં દ્રૌપદી મુર્મુને 809 મત મળ્યા અને યશવંત સિંહાને 329 મત મળ્યા. આમ પહેલા અને બીજા રાઉન્ડના અંતે  દ્રૌપદી મુર્મુને 1349, યશવંત સિંહાને 537 મત મળ્યાં. 

ત્રીજા રાઉન્ડમાં  દ્રૌપદી મુર્મુને 812, યશવંત સિંહાને 521 મત મળ્યાં
ત્રીજા રાઉન્ડમાં 10 રાજ્યોના મતની ગણતરીમાં  NDA ઉમેદવાર દ્રૌપદી મુર્મુને 812 મત મળ્યાં, જયારે સામે યશવંત સિંહાને 521 મત મળ્યા. આ સાથે ત્રીજા રાઉન્ડના અંતે   દ્રૌપદી મુર્મુને 2161 અને યશવંત સિંહાને 1058 મત મળ્યા છે. આમ ત્રીજા રાઉન્ડના અંતે  દ્રૌપદી મુર્મુ 50 ટકા લીડથી આગળ છે. 

I join my fellow citizens in congratulating Smt Droupadi Murmu on her victory in the Presidential Election 2022.

India hopes that as the 15th President of the Republic she functions as the Custodian of the Constitution without fear or favour. pic.twitter.com/0gG3pdvTor

— Yashwant Sinha (@YashwantSinha) July 21, 2022

યશવંત સિંહાએ આપી શુભકામનાઓ 
રાષ્ટ્રપતિની ચૂંટણીમાં NDA ઉમેદવાર દ્રૌપદી મુર્મુની ભવ્ય જીત થઇ, તો સામે વિપક્ષના ઉમેદવાર યશવંત સિંહાની હાર થઇ. યશવંત સિંહાએ પોતાની હાર સ્વીકાર કરતા ટ્વીટ કરીને દ્રૌપદી મુર્મુને શુભકામનાઓ આપી. ટ્વીટમાં તેમણે લખ્યું - 

“હું શ્રીમતી દ્રૌપદી મુર્મુને રાષ્ટ્રપતિની ચૂંટણી 2022 માં તેમની જીત બદલ અભિનંદન આપવા માટે મારા સાથી નાગરિકો સાથે જોડું છું. ભારતને આશા છે કે પ્રજાસત્તાકના 15મા રાષ્ટ્રપતિ તરીકે તેઓ ડર કે પક્ષપાત વિના બંધારણના રક્ષક તરીકે કામ કરશે.”