RS Polls: હરિયાણામાં ભાજપ અને અપક્ષ ઉમેદવારની જીત, કોગ્રેસના અજય માકન હાર્યા

દેશના 4 રાજ્યોમાં રાજ્યસભાની 16 બેઠકો પર શુક્રવારે યોજાયેલી ચૂંટણીમાં મતદાન થયું હતું. રાજસ્થાન અને કર્ણાટક બાદ હરિયાણાના પણ પરિણામ આવી ગયા છે.

હરિયાણાના મુખ્યમંત્રી

Haryana Rajya Sabha Election Result: દેશના 4 રાજ્યોમાં રાજ્યસભાની 16 બેઠકો પર શુક્રવારે યોજાયેલી ચૂંટણીમાં મતદાન થયું હતું. રાજસ્થાન અને કર્ણાટક બાદ હરિયાણાના પણ પરિણામ આવી ગયા છે. શુક્રવારે મોડી રાત્રે આવેલા પરિણામોમાં હરિયાણાની બેમાંથી એક સીટ પર બીજેપી અને બીજી સીટ પર અપક્ષ ઉમેદવાર કાર્તિકેય શર્માનો વિજય થયો હતો.

CM Khattar congratulates newly-elected Rajya Sabha MPs from Haryana, calls their success 'victory of democracy'

Read @ANI Story | https://t.co/ovzaDemulb#ManoharLalKhattar #Haryana #RajyaSabha #RajyaSabhaElection2022 #democracy pic.twitter.com/tEmMVha269

— ANI Digital (@ani_digital) June 10, 2022

મળતી માહિતી મુજબ, હરિયાણામાં ભાજપના કૃષ્ણ લાલ પંવાર અને અપક્ષ ઉમેદવાર કાર્તિકેય શર્મા રાજ્યસભામાં ચૂંટાયા છે. હાલમાં અધિકારીઓનું કહેવું છે કે કોંગ્રેસના અજય માકન હારી ગયા છે. હરિયાણામાં કોંગ્રેસના ધારાસભ્ય ભારત ભૂષણ બત્રાના કહેવા પ્રમાણે, અજય માકન બહુ ઓછા માર્જિનથી હારી ગયા છે.

My heartiest congratulations to the newly elected Rajya Sabha MPs from Haryana, Shri @KrishanLPanwar ji & Kartikeya Sharma ji.
The success of the candidates is a victory of democracy.
My best wishes to them for their new responsibilities in the development of our great nation!

— Manohar Lal (@mlkhattar) June 10, 2022

હરિયાણાના મુખ્યમંત્રી મનોહર લાલ ખટ્ટરે રાજ્યસભામાં બીજેપીની જીત પર કૃષ્ણ લાલ પંવાર અને અપક્ષ ઉમેદવાર કાર્તિકેય શર્માને અભિનંદન પાઠવ્યા છે. આ સાથે તેમણે ટ્વીટ કરીને લખ્યું કે, 'હરિયાણાના નવા ચૂંટાયેલા રાજ્યસભાના સાંસદોને મારા હાર્દિક અભિનંદન. કૃષ્ણલાલ પંવાર અને કાર્તિકેયની સફળતા લોકશાહીની જીત છે. આપણા મહાન રાષ્ટ્રના વિકાસમાં તેમની નવી જવાબદારીઓ માટે મારી તેમને શુભેચ્છાઓ.

Haryana CM Manohar Lal Khattar congratulates BJP candidate Krishan Lal Panwar and BJP-JJP backed independent candidate Kartikeya Sharma for their win in the #RajyaSabhaElection2022 pic.twitter.com/qxAcOt4b2d

— ANI (@ANI) June 10, 2022

બીજી તરફ રાજસ્થાનમાં કોંગ્રેસને 3 અને ભાજપને એક સીટ મળી છે. કર્ણાટકમાં ભાજપને 3 અને કોંગ્રેસને એક બેઠક મળી છે. નોંધનીય છે કે  કર્ણાટકમાં કેન્દ્રીય નાણા મંત્રી નિર્મલા સીતારમણ, અભિનેતા-રાજકારણી જગેશ અને લહર સિંહ સિરોયા ભાજપ તરફથી જીત્યા, જ્યારે કોંગ્રેસમાંથી પૂર્વ કેન્દ્રીય મંત્રી જયરામ રમેશ પણ જીતીને રાજ્યસભામાં પહોંચવામાં સફળ રહ્યા હતા.

ઉપરાંત રાજસ્થાનમાં ભાજપને એક સીટથી સંતોષ માનવો પડ્યો છે અને કોંગ્રેસને ત્રણ સીટ પર જીત મળી છે. રાજસ્થાનમાં કોંગ્રેસના રણદીપ સુરજેવાલા, મુકુલ વાસનિક અને પ્રમોદ તિવારીએ જીત મેળવી છે. અહીંથી ભાજપના એકમાત્ર ઉમેદવાર ઘનશ્યામ તિવારીને 43 મત મળ્યા છે. બીજી તરફ અપક્ષ ઉમેદવાર ડો.સુભાષ ચંદ્રાને હારનો સામનો કરવો પડ્યો હતો.