Rajkot Rain: રાજકોટના વાતાવરણમાં પલટો, કાળા ડિબાંગ વાદળો વચ્ચે વરસાદ શરુ
રાજકોટ શહેરમાં વરસાદની ધમાકેદાર એન્ટ્રી થઈ ગઈ છે. અસહ્ય ઉકળાટ અને બફારા બાદ રાજકોટ શહેરમાં મેઘરાજાએ પધરામણી કરી છે.
- રાજકોટ શહેરમાં ઉકળાટ બાદ વરસાદનું આગમન થયું.
- જેતપુર-ધોરાજીમાં વરસાદથી ખેડૂતો ખુશ, વાતાવરણમાં ઠંડક પ્રસરી.
- દક્ષિણ ગુજરાતમાં ભારે વરસાદની આગાહી; ચોમાસું સક્રિય બનશે.
Rajkot Rains: રાજકોટ શહેરમાં વરસાદની ધમાકેદાર એન્ટ્રી થઈ ગઈ છે. અસહ્ય ઉકળાટ અને બફારા બાદ રાજકોટ શહેરમાં મેઘરાજાએ પધરામણી કરી છે. રાજકોટ શહેરના અનેક વિસ્તારોમાં વાતાવરણમાં અચાનક પલટો આવ્યો હતો. શહેરના અનેક વિસ્તારોમાં વરસાદ શરુ થયો છે.
બપોર બાદ આકાશમાં કાળા ડિબાંગ વાદળો વચ્ચે વરસાદની શરુઆત થઈ હતી. શહેરના કાલાવડ રોડ, રેસકોર્ષ, યાજ્ઞિક રોડ, 150 ફૂટ રિંગ રોડ સહિતના વિસ્તારોમાં વરસાદી ઝાપટા પડ્યા હતા. ધીમી ધારે વરસાદના કારણે કેટલીક જગ્યાએ રસ્તો પર પાણી ફરી વળ્યા હતા. વરસાદના કારણે લોકોને અસહ્ય ગરમી અને ઉકળાટથી રાહત મળી છે. વરસાદના કારણે વાતાવરણમાં ઠંડક પ્રસરી ગઈ છે.
જેતપુર અને ધોરાજી પંથકમાં વરસાદ
રાજકોટ શહેર સિવાય જિલ્લામાં પણ વરસાદી માહોલ જામ્યો છે. રાજકોટના જેતપુર અને ધોરાજી પંથકમાં પણ વરસાદ વરસ્યો છે. રાજકોટ જિલ્લાના ધોરાજી પંથકમાં વાતાવરણમાં પલટો આવ્યો હતો. બપોર બાદ ધોરાજીમા લાંબા સમયની રાહ બાદ મેઘરાજાનું આગમન થયું હતું. ધોરાજીના ગેલેક્સી ચોક, અવેડા ચોક, સ્ટેશન રોડ, જેતપુર રોડ, સરદાર ચોક, જમનાવડ રોડ, પોસ્ટઓફિસ ચોક સહિતના વિસ્તારમા વરસાદ વરસ્યો હતો.
આ પણ વાંચો- સતત બીજા દિવસે વલસાડ જિલ્લામાં વરસાદ, ખેડૂતો થયા ખુશખુશાલ
ધોરાજી પંથકમા વરસાદની એન્ટ્રી
ધોરાજી શહેરમા મેઘરાજાનું આગમન થતા ધરતીપુત્રો ખુશ ખુશાલ થયા છે. ધોરાજી પંથકમા વરસાદની એન્ટ્રી થતા જે ખેડૂતોએ આગોતરા કરવામાં આવેલા વાવેતરને ફાયદો થશે. ધોરાજીમાં વરસાદ શરૂ થતા રોડ ઉપર પાણી વહેતા થયા હતા. વરસાદને લઈ વાતાવરણમા ઠંડક પ્રસરી હતી અને લોકોને ગરમીથી રાહત મળી છે.
દક્ષિણ ગુજરાતમાં અતિભારે વરસાદની આગાહી
હવામાન વિભાગે કરેલી આગાહી મુજબ 1થી 5 જુલાઈ દરમિયાન દક્ષિણ ગુજરાત વિસ્તારમાં અલગ-અલગ સ્થળોએ ભારે વરસાદની આગાહી કરવામાં આવી છે. આગામી 5થી 6 દિવસ દરમિયાન ચોમાસું વધારે સક્રિય રહેશે અને વરસાદની તીવ્રતામાં વધારો થવાની સંભાવના છે. ગુજરાતમાં ચોમાસું છેલ્લા એક અઠવાડિયાથી ધીમી ગતિએ આગળ વધી રહ્યું હતું તેમાં હવે ગતિમાં વધારો જોવા મળી રહ્યો છે.
ગુજરાતમાં ચોમાસું બરાબર જામ્યું છે. છેલ્લા 24 કલાકમાં રાજ્યના 76 તાલુકાઓમાં સાર્વત્રિક વરસાદ નોંધાયો છે, જેમાં દક્ષિણ ગુજરાત અને સૌરાષ્ટ્રમાં મેઘરાજા ધમાકેદાર બેટિંગ કરી રહ્યા છે. નવસારીમાં સૌથી વધુ 4.53 ઈંચ વરસાદ ખાબક્યો છે.
Before You Go
Kutch Scrap Godown Blast: નખત્રાણાના ભંગાર ગોડાઉનમાં ભયાનક બ્લાસ્ટ! એક જ પરિવારના 4 લોકોના મોત
ટોપ સ્ટોરી
ટ્રેન્ડિંગ સમાચાર
