રશિયાના મિલિટ્રી વિસ્તારમાં ઘૂસ્યા 3 હુમલાખોરો, અંધાધૂંધ ગોળીબારમાં 13નાં મોત, 15થી વધુ ઘાયલ

Firing in Russia: રશિયન અધિકારીઓનું કહેવું છે કે, પશ્ચિમ રશિયામાં એક સૈન્ય તાલીમ સ્થળ પર બે બંદૂકધારીઓએ ગોળીબાર કરતા 13નાં મોત થયા છે.

પ્રતીકાત્મક

Shooting At Military Site in Russia: રશિયન અધિકારીઓનું કહેવું છે કે, પશ્ચિમ રશિયામાં એક સૈન્ય તાલીમ સ્થળ પર બે બંદૂકધારીઓએ ગોળીબાર કરતા 13નાં મોત થયા છે.

રશિયાના સૈન્ય વિસ્તારમાં શનિવારે (15 ઓક્ટોબર) રાત્રે ગોળીબારની ઘટના સામે આવી છે. ફાયરિંગની ઘટનામાં ઓછામાં ઓછા 13 લોકોના મોત થયા હોવાના અહેવાલ છે. મળતી માહિતી મુજબ, બે હુમલાખોરો રશિયાના સૈન્ય વિસ્તારમાં ઘૂસી ગયા અને પછી અચાનક ફાયરિંગ શરૂ કરી દીધું. આ ઘટના પશ્ચિમ રશિયામાં મિલિટરી સાઇટ પાસે બની હતી. ફાયરિંગની આ ઘટનામાં 15 લોકો ઘાયલ થયા હોવાનું પણ કહેવાય છે. જેમાં ઓછામાં ઓછા 13 લોકો માર્યા ગયા છે

  રશિયાના સૈન્ય વિસ્તારમાં ફાયરિંગ

 મીડિયા અહેવાલો અનુસાર, બંદૂકધારીઓએ યુક્રેનમાં લડવા માટે તૈયાર રહેલા સેવા સભ્યોને નિશાન બનાવ્યા હતા. આ ઘટના શનિવારે રાત્રે બની હતી. બેલ્ગોરોડથી લગભગ 105 કિલોમીટર પૂર્વમાં, યુક્રેનિયન સરહદ નજીક, સોલોટીમાં એક તાલીમ સ્થળ પર ફાયરિંગના સમાચાર મળ્યાં હતા. રશિયાના સંરક્ષણ મંત્રાલયે કહ્યું કે, બે આતંકવાદીઓએ  ગોળીબાર કર્યો. રશિયાએ જણાવ્યું હતું કે, ભૂતપૂર્વ સોવિયેત રાજ્યના બે બંદૂકધારીઓએ લશ્કરી તાલીમ મેદાન પર હુમલો કર્યો હતો.

બંને હુમલાખોરો પણ માર્યા ગયા હતા

રશિયાના સંરક્ષણ મંત્રાલયે કહ્યું છે કે હુમલાખોરોએ એવા લોકોને નિશાન બનાવ્યા હતા જેઓ યુક્રેનમાં સ્વૈચ્છિક રીતે લડવા આવ્યા હતા. પરિણામે ઓછામાં ઓછા 13 લોકોના મોત થયા અને 15 લોકો ઘાયલ થયા. ઘાયલોને હોસ્પિટલમાં દાખલ કરવામાં આવ્યા છે. બંને હુમલાખોરો પણ માર્યા ગયા હતા. રશિયન સંરક્ષણ મંત્રાલયે કહ્યું કે તે સીઆઈએસ દેશનો નાગરિક છે. સીઆઈએસ દેશોમાં રશિયા, તાજિકિસ્તાન, કઝાકિસ્તાન, બેલારુસ અને અન્ય ઘણા લોકોનો સમાવેશ થાય છે. તમને જણાવી દઈએ કે રશિયા અને યુક્રેન વચ્ચે લગભગ 8 મહિનાથી યુદ્ધ ચાલી રહ્યું છે.

Pakistan: જો બાઇડેને પાકિસ્તાનને લગાવી ફટકાર, ગણાવ્યો વિશ્વનો સૌથી ખતરનાક દેશ

Joe Biden on Pakistan: અમેરિકી રાષ્ટ્રપતિ જો બાઇડેને પાકિસ્તાનને ઠપકો આપ્યો છે. તેણે પાકિસ્તાનને દુનિયાનો સૌથી ખતરનાક દેશ ગણાવ્યો છે. અમેરિકી પ્રમુખ જો બાઇડેને ડેમોક્રેટિક કોંગ્રેસનલ કેમ્પેઈન કમિટીના સ્વાગત સમારોહમાં કહ્યું કે, "મને લાગે છે કે પાકિસ્તાન કદાચ વિશ્વના સૌથી ખતરનાક દેશોમાંથી એક છે." તેમણે એમ પણ કહ્યું કે પાકિસ્તાન પાસે પરમાણુ હથિયારો છે, પરંતુ અપૂરતા છે.

'બંને દેશો ભાગીદાર છે'

આ પહેલા અમેરિકાએ ભારત અને પાકિસ્તાનને લઈને મોટું નિવેદન આપ્યું હતું. વ્હાઇટ હાઉસના અધિકારીઓએ કહ્યું હતું કે અમેરિકા ભારત અને પાકિસ્તાન બંને દેશો સાથેના સંબંધોને એક જ દૃષ્ટિકોણથી નથી જોતું, બંને અલગ-અલગ રીતે અમેરિકાના ભાગીદાર છે.

F-16 એરક્રાફ્ટ માટે આપવામાં આવેલા પેકેજ પર સવાલ ઉઠાવવામાં આવ્યા હતા

બાઇડેન પ્રશાસનનું આ નિવેદન એવા સમયે આવ્યું છે જ્યારે ભારતના વિદેશ મંત્રી એસ. જયશંકરે પાકિસ્તાનને નવીનતમ અમેરિકન F-16 સુરક્ષા સહાય આપવાના અમેરિકાના નિર્ણય પર સવાલ ઉઠાવ્યા હતા. વિદેશ મંત્રીએ અમેરિકાની એ દલીલ પર સવાલ ઉઠાવ્યા હતા કે પાકિસ્તાનને F-16 ફાઈટર જેટની જાળવણી સંબંધિત પેકેજ આતંકવાદ સામે લડવા માટે છે.

આવું કહીને તમે કોઈને મૂર્ખ નથી બનાવી શકતા

જયશંકરે કહ્યું હતું કે, બધા જાણે છે કે F-16 ફાઈટર જેટનો ઉપયોગ ક્યાં અને કોની વિરુદ્ધ થાય છે. ભારતીય-અમેરિકનો સાથે વાતચીત દરમિયાન એક પ્રશ્નના જવાબમાં તેમણે કહ્યું કે, 'તમે આવી વાતો કરીને કોઈને મૂર્ખ નથી બનાવી રહ્યા.'

કાશ્મીર મુદ્દે ભારતે પાકિસ્તાન પર આકરા પ્રહારો કર્યા હતા

તાજેતરમાં જ સંયુક્ત રાષ્ટ્ર મહાસભામાં વિશેષ સત્ર દરમિયાન પાકિસ્તાને ફરી એકવાર કાશ્મીર રાગ આલાપ્યો હતો.. રશિયા-યુક્રેન સંઘર્ષ અંગે યુએન જનરલ એસેમ્બલીમાં ચર્ચા દરમિયાન કાશ્મીરનો મુદ્દો ઉઠાવવા બદલ ભારતે બુધવારે (12 ઓક્ટોબર) પાકિસ્તાન પર આકરા પ્રહારો કર્યા હતા. ભારતે પાકિસ્તાનની ટીકા કરતા કહ્યું કે ઈસ્લામાબાદના આવા નિવેદનો આંતરરાષ્ટ્રીય સમુદાયના "સામૂહિક તિરસ્કાર" ને પાત્ર છે.