Surat: ક્રિપ્ટૉના નામે સુરતમાં 7.88 લાખની ઠગાઇ, માફિયાઓએ ટાસ્ક આપીને ખાતામાંથી ઉઠાવી લીધા લાખો રૂપિયા.....
સુરત શહેરમાં પાલ વિસ્તારમાથી આજે વધુ એક ક્રિપ્ટૉ કરન્સીને લઇને છેતરપિંડીનો કિસ્સો સામે આવ્યો છે
Surat: રાજ્યમાં હવે ફરી એકવાર ક્રિપ્ટૉ કરન્સીને લઇને છેતરપિંડીના કેસો વધવા લાગ્યા છે. હાલમાં જ સુરતમાંથી વધુ એકવાર ક્રિપ્ટૉ ચીટિંગનો કેસ સામે આવ્યો છે, અહીં શહેરના પાલ વિસ્તારમાં રહેતા એક ટ્રાવેલ એજન્સી સંચાલકના ખાતામાંથી ટાસ્કના નામે 7.88 લાખ રૂપિયાની ઠગાઇ કરવામાં આવી છે, હાલ પોલીસે આ અંગે ફરિયાદ નોંધીને આગળની કાર્યવાહી શરૂ કરી છે.
મળતી માહિતી પ્રમાણે, સુરત શહેરમાં પાલ વિસ્તારમાથી આજે વધુ એક ક્રિપ્ટૉ કરન્સીને લઇને છેતરપિંડીનો કિસ્સો સામે આવ્યો છે. સુરતમાં કિરણ નામના શખ્સે પોતાના બનેવીના નામે એકાઉન્ટ બનાવીને સાયબર માફિયાઓને 50 હજારમાં વેચી દીધુ હતુ, આ પછી આ ખાતાના આધારે 7.88 લાખ રૂપિયાની ચીટિંગ થઇ હતી. શહેરના પાલ વિસ્તારમાં ટ્રાવેલ એજન્ટ સાથે આ છેતરપિંડીની ઘટના ઘટી છે. ક્રિપ્ટૉ માફિયાઓએ આ શખ્સને ટાસ્ક આપ્યો હતો, બાદમાં ટાસ્કના નામે 7.88 લાખ રૂપિયા ખાતામાંથી ઉપાડી લીધા હતા. બાદમાં આ મામલે સુરત સાયબર ક્રાઇમ પોલીસે આ અંગે ગુનો નોંધીને આગળની કાર્યવાહી શરૂ કરી હતી. ખાસ વાત છે કે જામ કંડોરણાની જેલમાં કિરણ મિયાત્રાનો ટ્રાન્સફર વૉરંટથી કબજો મેળવીને કાર્યવાહી કરી છે.
મહિલા સાથે 1.4 લાખની છેતરપિંડી, અવાજ દ્વારા થઈ રહી છે લૂંટ
તમે સોશિયલ મીડિયા અને ફોન કોલ દ્વારા કૌભાંડના ઘણા કિસ્સાઓ સાંભળ્યા હશે, પરંતુ તાજેતરમાં એક ચોંકાવનારો કિસ્સો પ્રકાશમાં આવ્યો છે, જેમાં સાયબર ફ્રોડ કરનારાઓએ આર્ટિફિશિયલ ઈન્ટેલિજન્સનો ઉપયોગ કર્યો છે અને તેના દ્વારા એક મહિલા સાથે છેતરપિંડી કરી છે. વાસ્તવમાં, એક મહિલાને તેના ભત્રીજાનો ફોન આવ્યો, જે આર્ટિફિશિયલ ઈન્ટેલિજન્સની મદદથી તૈયાર કરવામાં આવ્યો હતો. આ કૉલમાં, મહિલાનો ભત્રીજો પોતાને કેનેડામાં હોવાની ઓળખ આપે છે અને કહે છે કે તેનો અકસ્માત થયો છે. જેના કારણે તેણે દંડ ભરવો પડશે, તેના માટે તેને 1.4 લાખ રૂપિયાની જરૂર છે. મહિલા, આર્ટિફિશિયલ ઇન્ટેલિજન્સ વૉઇસ કૌભાંડને તેના ભત્રીજાનો અવાજ સમજીને, ઉક્ત ખાતામાં 1.4 લાખ રૂપિયા જમા કરાવે છે અને આ રીતે છેતરપિંડીનો શિકાર બને છે. જો તમે આ સ્કેમથી બચવા માંગતા હો, તો અહીં અમે તેનાથી બચવા માટેની ટિપ્સ આપી રહ્યા છીએ, જે તમારા માટે AI વૉઇસ સ્કેમથી બચવામાં મદદરૂપ થઈ શકે છે.
AI વોઈસ સ્કેમ શું છે?
AI ના આગમનથી, ઘણા કૌભાંડો બહાર આવ્યા છે, જેમાં ડીપફેકથી લઈને AI વૉઇસ સ્કેમ્સ સામેલ છે. આ કૌભાંડમાં, સ્કેમર્સ એઆઈનો ઉપયોગ કોઈપણ વ્યક્તિના અવાજનો ઑડિયો જનરેટ કરવા માટે કરે છે અને પછી તેમની પાસેથી પૈસા પડાવી લે છે. કારણ કે આ અવાજો AI જનરેટેડ છે, કોઈ પણ આ સ્કેમર્સને ઓળખવામાં સક્ષમ નથી. સ્કેમર્સ આ તકનીકનો ઉપયોગ લોકોને તેમની અંગત માહિતી આપવા અને પૈસા મોકલવા માટે છેતરવા માટે કરે છે.
AI વૉઇસ સ્કેમ્સ ટાળવાની રીતો
ફોન પર ક્યારેય વ્યક્તિગત માહિતી આપશો નહીં સિવાય કે તમે કોલ કરનારની ઓળખ વિશે ચોક્કસ ન હોવ.
જો કોઈ વ્યક્તિ પરિવાર કે સંબંધી તરીકે ઓળખાવે છે અને પૈસાની માંગણી કરે છે, તો તરત જ પૈસા મોકલવાનું ટાળો અને તેના/તેણીના નંબર પર પછીથી કૉલ કરો અથવા પરિસ્થિતિની ગંભીરતા તપાસવા માટે પરિવારના અન્ય કોઈ સભ્ય સાથે વાત કરો.
તાત્કાલિક પૈસા અથવા વ્યક્તિગત માહિતી માટે પૂછનારા કૉલર્સથી સાવચેત રહો.
જો તમને કોઈ કંપનીના નામ પર કૉલ કરવામાં આવે છે અને તમને કૉલર પર શંકા છે, તો કૉલ બંધ કરો અને કંપનીને સીધો જ કૉલ કરો.
લેટેસ્ટ AI વૉઇસ સ્કેમ તકનીકથી વાકેફ રહો.
સ્કેમર્સ સતત છેતરપિંડી કરવાના રસ્તાઓ શોધી રહ્યા છે, તેથી કોઈપણ જાળમાં પડવાનું ટાળો. કોઈપણ શંકાસ્પદ પ્રવૃત્તિની જાણ કરો.
જો તમને શંકા હોય કે તમને AI વૉઇસ સ્કેમ માટે નિશાન બનાવવામાં આવી રહ્યાં છે, તો તરત જ સાયબર પોલીસને તેની જાણ કરો.
ટોપ સ્ટોરી
ટ્રેન્ડિંગ સમાચાર
