યુવતીનો અશ્લીલ વિડીયો ઉતારી બ્લેક મેઈલ કરતા ક્રિકેટરની ગુજરાત પોલીસે ઘરપકડ કરતા ખળભળાટ

સુરત: સુરત સાયબર ક્રાઈમ પોલીસે રાજસ્થાનના રણજી પ્લેયરની ધરપકડ કરતા ચકચાર મચી જવા પામી છે. મળતી માહિતી પ્રમાણે રાજસ્થાનનો રણજી પ્લેયર સુરતની યુવતીનો અશ્લીલ વિડીયો ઉતારી બ્લેક મેઈલ કરતો હતો.

પ્રતિકાત્મક તસવીર

સુરત: સુરત સાયબર ક્રાઈમ પોલીસે રાજસ્થાનના રણજી પ્લેયરની ધરપકડ કરતા ચકચાર મચી જવા પામી છે. મળતી માહિતી પ્રમાણે રાજસ્થાનનો રણજી પ્લેયર સુરતની યુવતીનો અશ્લીલ વિડીયો ઉતારી બ્લેક મેઈલ કરતો હતો. આ વ્યક્તિનું નામ આશિષ જૈન છે અને તે પૂર્વ રણજી ક્રિકેટર છે. આશિષ જૈનએ ફોટો વાયરલ કરવાનું કહી યુવતીના પતિ અને પિતા પાસેથી નાણાં પડાવ્યા હતા. યુવતીના પરિવાર પાસેથી આશિષે 96 હજાર રૂ પડાવી લીધા હોવાની વાત સામે આવી છે. ફેસબૂકના માધ્યમથી આ યુવતીના ફોટો અને વિડીયો વાયરલ કરવાની આશિષ ધમકી આપતો હતો. ત્યાર બાદ કંટાળીને યુવતીએ સુરત સાઇબર ક્રાઇમમાં ફરિયાદ નોંધાવી હતી. ફરિયાદના આધારે સાઇબર ક્રાઇમે પૂર્વ ક્રિકેટરની ધરપકડ કરી હતી. વર્ષ 2013-14 માં આશીષ જૈન રાજસ્થાન વતી જુનિયર રણજી તરીકે રમ્યો હતો.

આમ આદમી પાર્ટીના નેતાઓને સીએમ ભુપેન્દ્ર પટેલે બતાવ્યો ઠેંગો

CM Bhupendra Patel Rajkot Visit: સીએમ ભુપેદ્ર પટેલે આજે રાજકોટમાં મનપામાં બેઠક યોજી હતી. આ દરમિયાન તેમણે કોંગ્રેસના નેતા સાથે પણ બેઠક યોજી હતી. જો કે પહેલા એવા સમાચાર આવ્યા હતા કે, સીએમ ભુપેદ્ર પટેલે આમ આદમી પાર્ટીના નેતાઓ સાથે પણ બેઠક કરી છે. પરંતુ બાદમાં સામે આવ્યું છે સીએમ ભુપેન્દ્ર પટેલે આમ આદમી પાર્ટીના નેતાઓ સાથે બેઠક કરી નથી. આમ આદમી પાર્ટીના નેતાઓને મુખ્યમંત્રી નથી મળ્યા. જો કે, આમ આદમી પાર્ટીના નેતાઓને પહેલા સમય આપવામાં આવ્યો હતો તેથી તેઓ રાહ જોઈ રહ્યા હતા. કલેકટર કચેરી સુધી પણ આમ આદમી પાર્ટીના નેતાઓ પહોંચ્યા પરંતુ મુખ્યમંત્રી તેમને મળ્યા ન હતા. જો કે સીએમ સીએમ પટેલે આપ નેતાઓ સાથે કેમ મુલાકાત ન કરી તે અંગે કોઈ માહિતી સામે આવી નથી. પરંતુ આ ઘટનાને લઈને રાજકારણ ગરમાયું છે.

રાજ્યના સીએમ ભુપેન્દ્ર પટેલ હાલમાં રાજકોટની મુલાકાતે છે. જ્યાં કોંગ્રેસનું પ્રતિનિધી મંડળ મુખ્યમંત્રીને મળવા પહોંચ્યું હતું. જિલ્લા કલેક્ટર કચેરી ખાતે પ્રતિનિધી મંડળ સાથે બેઠક કરી હતી. આ દરમિયાન પોલીસ વિભાગ, મહાનગરપાલિકા અને શિક્ષણ વિભાગના પ્રશ્નો રજૂ કરવામાં આવ્યા હતા. કાયમી પોલીસ કમિશનરની નિમણુક કરવાની માગ પણ કોંગ્રેસ દ્વારા કરવામાં આવી હતી. આ ઉપરાંત ઇ મેમો, નવા ભળેલા વિસ્તારોમાં પ્રાથમિક સુવિધાઓ ઉભી કરવા તથા પાણીની સમસ્યા હલ કરવાની માગ, શિક્ષણમાં ફી વધારો અને મોંઘવારી મુદ્દે પણ રજૂઆત કરવામાં આવી હતી. જે કોંગ્રેસ નેતાઓ સીએમ સાથે બેઠક કરવા પહોંચ્યા હતા તેમા હેમાંગ વસાવડા, ગાયત્રીબા વાઘેલા, શહેર પ્રમુખ પ્રદીપ ત્રિવેદી, મહેશ રાજપુત અને વિરોધ પક્ષના નેતા ભાનુબેન સોરાણીનો સમાવેશ થાય છે.

આ રાજકોટ મનપા ખાતે મુખ્યપ્રધાનની બેઠક પૂર્ણ થઈ છે. સીએમ ભુપેન્દ્ર પટેલે આ દરમિયાન કોર્પોરેટરોને પ્રજા વચ્ચે રહેવા સૂચના આપી છે. તમામ વિકાસ કાર્યો સમય મર્યાદામાં પૂર્ણ કરવા અધિકારીઓને સૂચના આપી છે. મનપાના ઈતિહાસમાં પ્રથમ વખત કોઈ મુખ્યપ્રધાને બેઠક યોજી છે. આ બેઠકમાં તમામ કોર્પોરેટર હાજર રહ્યા હતા.