Surat : યુવકને મિત્રની પત્ની સાથે બંધાયા શારીરિક સંબંધ ને છૂટાછેડા લેવડાવી કરી લીધા લગ્ન ને પછી......

નિખિલે બારડોલીના જ કેતન નામના યુવક સાથે મિત્રતા કરી હતી. તેમજ તેના ઘરે અવર-જવર પણ કરતો હતો. જેને કારણે કેતનની પત્ની સાથે તેને આંખ મળી ગઈ હતી. આ પછી યુવતીએ પોતાના પતિ કેતન પાસેથી છૂટાછેડા માંગ્યા હતા.

પ્રતિકાત્મક તસવીર.

સુરતઃ ગઈકાલે બારડોલીના નંદીડા ખાતે ફાયરિંગની ઘટના બની હતી. ફાયરિંગમાં યુવકનું મોત થયું હતું. જિલ્લા પોલીસે ગણતરીના કલાકોમાં ગુનાનો ભેદ ઉકેલી નાંખ્યો છે. મૃતકના મિત્રે જ મોતની સોપારી આપી હતી. મૃતક નિખિલે મિત્ર કેતનની પત્ની સાથે લગ્ન કરતા ખૂની ખેલ ખેલાયો હતો. 

મૃતક નિખિલ તેમજ મિત્ર કેતન આજુબાજુ માં દુકાન ધરાવતા હતા. કેતનની પત્ની ને નિખિલ સાથે પ્રેમ થઈ જતા કેતન સાથે છૂટાછેડા લીધા હતા. કેતને બારડોલીના રીઢા ગુનેગારને મોતની સોપારી આપી હતી. હાલ પોલીસે કેતન સહિત અન્ય ત્રણ જણાની ધરપકડ કરી છે. ત્રણ વાગ્યે રેન્જ આઈજી પ્રેસ કોંફરન્સ કરશે.

ગઈ કાલે બારડોલી નાંદીડા ચોકડી પર ભરબપોરના વેપારી યુવક પર 3 અજાણ્યા યુવકો મોટરસાયકલ પર આવી યુવક પર ફાયરિંગ કરી ભાગી ગયા હતા. યુવકને તાત્કાલિક સારવાર માટે હોસ્પિટલમાં લઈ જવાયો હતો પણ તેનો જીવ બચી નહોતો શક્યો. છ મહિના પહેલા પણ આ જ યુવક પર હુમલો થયો હતો. 

બારડોલીના પાઠક ફળિયામાં રહેતા નિખિલ સુજીતભાઈ પ્રજાપતિની નાંદિડા ચોકડી પર ખાતે શ્રીરામ ગ્લાસ નામની દુકાન આવેલ છે. જે એલ્યુમિનિયમ સેક્શન સહિતનું કામ કરે છે. ગઈ કાલે ગુરુવારે બપોરના 3 વાગ્યે દુકાનથી પોતાની મોટરસાયકલ નંબર GJ 19 AR 5972 પર બેસી હજુ મુખ્ય રસ્તા પર આવ્યો હતો, તે સમયે અચાનક સામેથી 3 અજાણ્યા યુવકો મોટર સાયકલ પર આવી નિખિલ પ્રજાપતિ પર પિસ્તોલથી ફાયરીંગ કરી ભાગી ગયા હતા, છાતીમાં ગોળી મારી દીધી હતી. યુવકને તાત્કાલિક સારવાર માટે સરદાર હોસ્પિટલમાં લઈ જતા ડોક્ટરે મૃત જાહેર કર્યો હતો. 

મૃતક નિખિલે બારડોલીના જ કેતન નામના યુવક સાથે મિત્રતા કરી હતી. તેમજ તેના ઘરે અવર-જવર પણ કરતો હતો. જેને કારણે કેતનની પત્ની સાથે તેને આંખ મળી ગઈ હતી. પ્રેમસંબંધ આગળ વધતા યુવતીએ પોતાના પતિએ એવા કેતન પાસેથી છૂટાછેડા માંગ્યા હતા. તેમજ છૂટાછેડા પછી તેમણે નિખિલ પ્રજાપતિ સાથે મેરેજ કરી લીધા હતા.