Surat : અલગ અલગ બે અકસ્માતમાં બે મહિલાના મોત, સ્કૂલ બસ-કાર અકસ્માતમાં મહિલાનું મોત, ટ્રકની ટક્કરે યુવતીનું મોત
શહેરમાં આજે અલગ અલગ બે અકસ્માતમાં બે મહિલાના મોત નીપજ્યા છે. કામરેજના વલથાણ પાટિયા પાસે શાળાની વિદ્યાર્થી ભરેલી બસ અને આર્ટિગા કાર વચ્ચે અકસ્માત સર્જાયો હતો.
સુરતઃ શહેરમાં આજે અલગ અલગ બે અકસ્માતમાં બે મહિલાના મોત નીપજ્યા છે. કામરેજના વલથાણ પાટિયા પાસે શાળાની વિદ્યાર્થી ભરેલી બસ અને આર્ટિગા કાર વચ્ચે અકસ્માત સર્જાયો હતો. અકસ્માત થતા કાર પલટી ગઈ હતી અને કારમાં સવાર એક મહિલાનું ઘટના સ્થળે મોત થયું હતું. શાળાની બસમાં બેઠેલા વિદ્યાર્થીઓ સહી સલામત છે. 3 થી 4 વિદ્યાર્થીઓને સામાન્ય ઇજા થઇ હતી. ભક્તિ ઇન્ટરનેશનલ શાળાની બસ બાળકોને મુકવા જઇ રહી હતી.
અન્ય અકસ્માતની વાત કરીએ તો સુરત મોટા વરાછામાં હિટ & રનની ઘટના સામે આવી છે. કાળમુખી ટ્રકે યુવતીને અડફેટે લીધી હતી. આ અકસ્માતમાં યુવતીનું ઘટના સ્થળે કરુણ મોત નીપજ્યું હતું. અકસ્માત પછી ટ્રક ચાલક ફરાર થઈ ગયો છે. અકસ્માતને પગલે રોડ પર મોટી સંખ્યામાં એકઠા થઈ ગયા હતા. અમરોલી પોલીસે અકસ્માત નોંધ કરી તપાસ આરંભી છે.
Dahod: 35 મુસાફરો સાથે જતી ખાનગી બસ પર પડ્યો ચાલુ વીજપોલ, મચી ગઈ ભાગદોડ
દાહોદઃ Mgvclનો વીજપોલ ખાનગી બસ પર પડતા અકસ્માત સર્જાયો હતો. નગર પાલિકા સામે Mgvclની 11kvની મુખ્ય ચાલુ લાઇનનો પોલ બસ પર પડ્યો હતો. વિજપોલ નીચેથી સડી જતા બસ પર પડ્યો હતો. દાહોદથી ઇન્દોર જતી ચામુંડા ટ્રાવેલ્સ પર ચાલુ વીજ લાઈનો થાભલો પડ્યો હતો. બસમા સવાર 35 ઉપરાંત મુસાફરોનો બચાવ થયો છે.
ચાલુ લાઇનનો વિજપોલ બસ પર ધડાકે ભેર પડતા ભાગદોડ મચી ગઈ હતી. બસમા સવાર મુસાફરોને બહાર કાઢયા. ઘટનાને લઈ વિસ્તારનો વીજપુરવઠો ખોરવાયો. Mgvclના કર્મચારી ઘટના સ્થળે દોડી આવ્યા હતા.
ટોપ સ્ટોરી
ટ્રેન્ડિંગ સમાચાર
