Vadodra: વડોદરામાં 30 વર્ષીય યુવકની ગોળી મારી હત્યા, બે શખ્સો ફાયરિંગ કરી ફરાર

વડોદરામાં યુવકની ગોળી મારી હત્યા કરી દેવામાં આવતા ચકચાર મચી ગયો છે.  વડોદરામાં એક યુવકની ગોળી મારી હત્યા કરી દેવામાં આવી છે. આ ઘટના સાવલી-મંજૂસર રોડ પર બની હતી.

યુવકની ગોળી મારી હત્યા

વડોદરા: વડોદરામાં યુવકની ગોળી મારી હત્યા કરી દેવામાં આવતા ચકચાર મચી ગયો છે.  વડોદરામાં એક યુવકની ગોળી મારી હત્યા કરી દેવામાં આવી છે. આ ઘટના સાવલી-મંજૂસર રોડ પર બની હતી.  મૂળ દિલ્હીનો અને હાલ ગોરવા વિસ્તારમાં રહેતો વિશ્વજીત નામનો 30 વર્ષીય યુવક રસ્તા પરથી પસાર થઈ રહ્યો હતો.  આ સમયે બાઈક પર આવેલા બે શખ્શો તેના પર ધડાધડ ફાયરિંગ કરી ફરાર થઈ ગયા હતા. 

યુવક પર ફાયરિંગ કરવામાં આવતા તેને ગોળી વાગતા જ વિશ્વજીતનું ઘટનાસ્થળે મોત થયું હતું. આ બનાવની જાણ થતાં જ પોલીસકાફલો ઘટનાસ્થળે દોડી આવ્યો હતો. આ હત્યા કોણે કરી અને ક્યાં કારણોસર કરી તેને લઈ હજુ સુધી કંઈ સ્પષ્ટ થયું નથી.  પોલીસે ફાયરિંગ કરનારા બે શખ્શોની શોધખોળ શરૂ કરી છે. આ સમગ્ર ફાયરિંગના પ્રકરણમાં પોલીસે વધુ તપાસ હાથ ધરી છે. 

Ahmedabad : રાજ્યના ઈતિહાસના સૌથી મોટા ક્રિકેટ સટ્ટાનો અમદાવાદ ક્રાઈમ બ્રાંચે કર્યો પર્દાફાશ, રાજકોટના રાકેશ રાજદેવ સામે લૂકઆઉટ નોટિસ

અમદાવાદઃ ગુજરાતના ઇતિહાસનો સૌથી મોટા ક્રિકેટ સટ્ટાનો પર્દાફાશ અમદાવાદ ક્રાઈમ બ્રાન્ચે કર્યો હતો. અમદાવાદ ક્રાઇમ બ્રાન્ચે 1400 કરોડના સટ્ટા રેકેટનો પર્દાફાશ કર્યો હતો. રાજકોટ અને ઉંઝા સર્કિટના બે સટોડિયાઓને પોલીસે ખુલાસો કર્યો હતો. ઉંઝાનો ટોમી પટેલ અને રાજકોટનો રાકેશ રાજદેવ પોલીસના રડાર પર છે. રાકેશ રાજદેવ સહિત બે સામે લૂક આઉટ નોટિસ જાહેર કરવામાં આવી છે. દુબઇમાં ડમી બેન્ક એકાઉન્ટની પણ પોલીસને વિગતો મળી હતી.

મોબાઇલ પર ખાસ એપ્લિકેશન બનાવી મેચના ભાવ જાહેર કરાય છે. મેચની હાર-જીત અને સેશનના સ્કોર પર સટ્ટો લગાવતો હતો. સટ્ટાકાંડમાં એક વ્યક્તિની પોલીસે ધરપકડ કરી હતી. એક-એક મેચ પર 100થી 500 કરોડના સોદા થતા હતા. બંન્ને સટોડિયા દુબઇના આકાની મારફતે ભાવ બહાર પાડતા હતા. સટ્ટાના હિસાબો ટ્રાન્સફર થતા હોવાનો પણ ખુલાસો થયો છે.ક્રિકેટના મેદાનમાંથી જ બોલતી બોબડી લાઇનથી સટ્ટો રમાતો હતો.

ટી-20, વન-ડે અને લીગ મેચ પર સટ્ટો લગાવવામાં આવતો હતો. કેટલાક અધિકારી સાથે પણ લેવડ-દેવડ થયાની આશંકા પણ છે. રાજકીય નેતાઓ સાથે પણ રાકેશ રાજદેવ સંબંધ ધરાવતો હોવાની આશંકા છે. ગુજરાતના બુકીઓ જાતે જ સોદા બુક કરતા હોવાનો પણ ખુલાસો થયો હતો. સટ્ટાકાંડની રકમ સાત હજાર કરોડ રૂપિયા સુધી પહોંચે તેવી સંભાવના છે.

રાકેશ રાજદેવ વિરુદ્ધ પણ લુકઆઉટ નોટિસ જાહેર કરાઇ છે. હોંગકોંગ અને નેધરલેન્ડની સ્થાનિક મેચો પર પણ સટ્ટો રમાડાતો હતો. રાકેશ રાજદેવ દુબઇમાં સામ્રાજ્ય જમાવી બેઠો છે.