Gujarat Election 2022: ચૂંટણી પહેલા કોંગ્રેસને લાગ્યો વધુ એક મોટો ફટકો, 300 કાર્યકરો ભાજપમાં થયા સામેલ

Gujarat Election 2022: ડભોઇ તાલુકાના છત્રાલ,ખાણપુરા, સેજપુરાના માજી સરપંચ અને પૂર્વ તાલુકા પંચાયત કારોબારી સભ્ય ભાજપમાં જોડાયા છે.

કોંગ્રેસના કાર્યકર્તાઓ ભાજપમાં સામેલ થયા

Gujarat Election 2022:  ગુજરાત વિધાનસભાની ચૂંટણી નજીક આવી રહી છે. બે તબક્કામાં યોજાનાર ચૂંટણીમાં પ્રથમ તબક્કામાં પહેલી ડિસેમ્બરે તો બીજા તબક્કામાં પાંચમી ડિસેમ્બરે ચૂંટણી યોજાશે. ચૂંટણીના પ્રથમ તબક્કાના મતદાનને આડે હવે ગણતરીના દિવસો બાકી રહ્યાં છે. હાલ રાજ્યમાં બરાબરનો ચૂંટણીનો માહોલ જામ્યો છે અને તમામ રાજકીય પક્ષો મતદારોને આકર્ષવા માટે તનતોડ મહેનત કરી રહ્યા છે.  આ દરમિયાન વડોદરામાં કોંગ્રેસને ફરી એક વખત ઝટકો લાગ્યો છે.

ડભોઇ તાલુકાના છત્રાલ,ખાણપુરા, સેજપુરાના માજી સરપંચ અને પૂર્વ તાલુકા પંચાયત કારોબારી સભ્ય ભાજપમાં જોડાયા છે. 300 જેટલા કાર્યકરોએ કોંગ્રેસ સાથે છેડો ફાડી કેસરીયો ધારણ કર્યો છે. ડભોઇ વિધાનસભામાં ભાજપના ઉમેદવાર શૈલેષ મહેતા કોંગ્રેસને એક પછી એક ઝટકો આપી રહ્યા છે. ખાણપુરાના રાજીભાઈ મહંત, છત્રાલના માજી સરપંચ કમલેશભાઈ વાળંદ અને સેજપુરા સરપંચ જીગ્નેશ વસાવા અને માજી સરપંચ જ્યંતીભાઈ વસાવા કાર્યકરો સાથે ભાજપમાં  સામેલ થયા. કોંગ્રેસમા વારંવાર ભંગાણ સર્જાતા રાજકારણમાં ગરમાવો આવ્યો છે.

જયનારાયણ વ્યાસ કોંગ્રેસમાં થયા સામેલ

ભાજપને મોટો ફટકો લાગ્યો છે. ભાજપના પૂર્વ નેતા જયનારાયણ વ્યાસ કોંગ્રેસમાં સામેલ થયા છે. કોંગ્રેસના અધ્યક્ષ મલ્લિકાર્જુન ખડગેએ તેમને ખેસ પહેરાવી-શાલ ઓઢાડી પાર્ટીમાં સામેલ કર્યા હતા. ભાજપમાં સામેલ થયા બાદ જય નારાયણ વ્યાસે કહ્યું, ૩૨ વર્ષથી જે ઘરમાં રહ્યા તે છોડતા ઘણું દુઃખ થાય છે. રાહુલની યાત્રા શરૂ થઇ ત્યારે મે જોયું કઈક નવી વાત શરૂ થાય છે, મેં ઘણા દિવસ જોયું કેટલા લોકો છે, પરિવર્તન જોઈને મને થયું બેસવાથી શું થશે. મને લાગ્યું કે આ પાર્ટી એવી વાત કરે છે જ્યાં ચૂટણી થાય પછી પ્રેસિડેન્ટ બને માત્ર એક જ નામ નથી રહેતું, સમજી વિચારી ને હું જોડાયો છું. મારી ક્ષમતા રાષ્ટ્ર હિતમાં સમર્પિત છે.

ગોપાલ ઇટાલિયા ભારે માર્જિનથી જીતશે, ગુજરાતમાં બનશે AAPની સરકારઃ કેજરીવાલ

આજે અરવિંદ કજરીવાલે સુરતમાં પ્રેસ કોન્ફરન્સ કરી. જેમાં તેમણે કહ્યું આમ આદમી પાર્ટી સરકાર બનાવે છે, 92થી વધુ બેઠક જીતે છે. ગોપાલ ઇટાલિયા ભારે માર્જિનથી જીતે છે. કેજરીવાલે કહ્યું,  Bjp વેપારીઓને ડરાવે છે, એક એક વેપારી આપને વોટ આપવાના છે, નાનો કાર્યકર્તા ધમકી આપે છે, આપ પાર્ટી આવશે એટલે વેપારીઓને કમાવવાની તક આપશે. ગુજરાતની મહિલા અને યુવાઓને અપીલ કરતાં કહ્યું, તમે વોટ આપો છો પણ તમારા તમામ પરિવારને આપને વોટ આપવા અપીલ કરો. મોંઘવારીનો માર મહિલાઓને સહન કરવા પડે છે, વીજળીના બિલ માફને લઈ મહિલાઓનું સમર્થન છે. મહિલાઓના 1 હજાર આપવામાં આવશે. દિલ્લીમાં 7 વર્ષ થી સ્કૂલ ફી વધારવા દીધી નથી,
પેપર ફૂટે છે એનાથી મુક્તિ આપવામાં આવશે, 12 કેસમાં કાર્યવાહી કરાશે.