વાઘોડિયાના દબંગ ધારાસભ્ય મધુ શ્રીવાસ્તવના પુત્ર દિપકનું ફોર્મ રદ્દ

વાઘોડિયાના દબંગ ધારાસભ્ય મધુ શ્રીવાસ્તના પુત્ર દિપક શ્રીવાસ્તવનું ફોર્મ રદ્દ થયું છે. દિપક શ્રીવાસ્તવને ભાજપે વડોદરા મહાપાલિકાના વૉર્ડ નં 15માંથી ટિકીટ ન આપતા અપક્ષ ઉમેદવારી નોંધાવી હતી.

વડોદરા: વાઘોડિયાના દબંગ ધારાસભ્ય મધુ શ્રીવાસ્તના પુત્ર દિપક શ્રીવાસ્તવનું ફોર્મ રદ્દ થયું છે. દિપક શ્રીવાસ્તવને ભાજપે વડોદરા મહાપાલિકાના વૉર્ડ નં 15માંથી ટિકીટ ન આપતા અપક્ષ ઉમેદવારી નોંધાવી હતી. ઉમેદવારી રદ્દ થતા હવે દિપક શ્રીવાસ્તવે સંકેત આપ્યા છે કે આડકતરી રીતે તે ભાજપ વિરોધી પ્રચારમાં જોડાશે. ભાજપના નેતાએ દિપક શ્રીવાસ્તવની ઉમેદવારી સામે વાંધો ઉઠાવતા ન માત્ર દિપક શ્રીવાસ્તવ પણ તેના સમર્થકો પણ દાદાગીરી પર ઉતરી આવ્યા હતા. દિપક શ્રીવાસ્તવના સમર્થકોએ ચૂંટણી અધિકારીની ઓફિસમાં કાચ પણ ફોડી નાંખ્યા હતા. હવે તેનું ફોર્મ રદ્દ થઈ ગયું છે.