‘તોફાન પહેલાની શાંતિ...’ ડોનાલ્ડ ટ્રમ્પની સોશિયલ મીડિયા પોસ્ટે મચાવ્યો હડકંપ, ઈરાન પર ફરી હુમલો?

America attack Iran: અમેરિકા અને ઈરાન વચ્ચે વાટાઘાટો લગભગ નિષ્ફળ, ઈરાનની 5 કડક શરતોએ વધાર્યું ટેન્શન; ફરી એકવાર ભડકી શકે છે યુદ્ધની આગ.

america to attack iran donald trump post calm before the storm

Source : Twitter

Show Quick Read

Key points generated by AI, verified by newsroom

• ઈરાનની પાંચ કડક શરતો સમજૂતીમાં અવરોધ બની રહી છે.
• ડોનાલ્ડ ટ્રમ્પે યુદ્ધ જહાજ પરથી 'તોફાન પહેલાની શાંતિ' પોસ્ટ કરી.
• ઈરાન સંપૂર્ણ યુદ્ધવિરામ, પ્રતિબંધો હટાવવાની માંગ કરી રહ્યું છે.
• ઈરાન જમીન, ફંડ, નુકસાન ભરપાઈ અને હોર્મુઝ સ્ટ્રેટ પર અધિકાર માંગે છે.

America attack Iran: અમેરિકા અને ઈરાન વચ્ચે ચાલી રહેલા યુદ્ધવિરામ બાદ એવી આશા સેવાઈ રહી હતી કે બંને દેશો વચ્ચે કોઈ સમજૂતી થશે અને યુદ્ધનો કાયમી અંત આવશે. પરંતુ હવે એવું લાગી રહ્યું છે કે સમય હાથમાંથી સરકી રહ્યો છે. અમેરિકા અને ઈરાન વચ્ચે સમાધાનના દરવાજા લગભગ બંધ થઈ ગયા છે અને શાંતિની આશા ધૂંધળી બની રહી છે. આ દરમિયાન અમેરિકન મીડિયાનો દાવો છે કે જો બંને દેશો વચ્ચેની વાટાઘાટો સંપૂર્ણપણે નિષ્ફળ જશે, તો આગામી દિવસોમાં ફરી એકવાર બંને દેશો વચ્ચે ભીષણ યુદ્ધ ફાટી શકે છે. અમેરિકી રાષ્ટ્રપતિ ડોનાલ્ડ ટ્રમ્પની એક લેટેસ્ટ સોશિયલ મીડિયા પોસ્ટે આ ડરને વધુ સાચો સાબિત કર્યો છે, જેનાથી આખી દુનિયામાં હડકંપ મચી ગયો છે. ઈરાનની 5 કડક શરતોને કારણે બંને દેશો વચ્ચેનો મામલો અટવાઈ પડ્યો છે.

ડોનાલ્ડ ટ્રમ્પે સોશિયલ મીડિયા પર શું પોસ્ટ કર્યું?

અમેરિકી રાષ્ટ્રપતિ ડોનાલ્ડ ટ્રમ્પે પોતાના સોશિયલ મીડિયા એકાઉન્ટ પર એક તસવીર પોસ્ટ કરીને યુદ્ધની સીધી ચેતવણી આપી છે.

આ એક AI-જનરેટેડ ફોટો છે, જેમાં ટ્રમ્પ લાલ રંગની પ્રખ્યાત "મેક અમેરિકા ગ્રેટ અગેઇન" (MAGA) ટોપી પહેરીને અમેરિકન નેવીના અધિકારી સાથે ઊભા છે.

આ તસવીરમાં બંને જણા એક યુદ્ધ જહાજ પર ઊભા છે અને પાછળ દરિયામાં મોટા મોજાં ઉછળતા દેખાય છે. બેકગ્રાઉન્ડમાં એક ઈરાની જહાજ પણ જોવા મળી રહ્યું છે.

આ તસવીરની સાથે ટ્રમ્પે લખ્યું છે, "તોફાન પહેલાની શાંતિ".

ટ્રમ્પની આ લાઈને ગ્લોબલ લેવલે મોટી ચર્ચા જગાવી છે કે શું અમેરિકા ખરેખર ઈરાન પર કોઈ મોટો હુમલો કરવા જઈ રહ્યું છે? ટ્રમ્પ અગાઉ પણ ઈરાનને વારંવાર ચેતવણી આપતા રહ્યા છે કે જો ઈરાન જલ્દીથી સમજૂતી માટે તૈયાર નહીં થાય, તો તેણે ભારે કિંમત ચૂકવવી પડશે.

આ પણ વાંચોઃ મોસ્કો પર યુક્રેનનો ભયંકર ડ્રોન હુમલો: 1 ભારતીયનું મોત અને 3 ઘાયલ, એમ્બેસી દોડતી થઈ

કઈ 5 શરતો પર અટવાયો છે મામલો?

અમેરિકા અને ઈરાન વચ્ચે વાટાઘાટો ચાલી રહી હોવા છતાં બંને વચ્ચે અવિશ્વાસની મોટી ખાઈ છે. ઈરાને અમેરિકા સામે એવી માંગણીઓ મૂકી છે જે સમજૂતીમાં સૌથી મોટો રોડો બની રહી છે:

સંપૂર્ણ યુદ્ધવિરામ: લેબનોન સહિત તમામ મોરચે ચાલી રહેલા લશ્કરી હુમલા અને સંઘર્ષને તાત્કાલિક અને કાયમી ધોરણે રોકવામાં આવે.

પ્રતિબંધો હટાવવા: અમેરિકા સાથે આગળની વાતચીત શરૂ થાય તે પહેલા ઈરાન પર લાદવામાં આવેલા તમામ આર્થિક અને વેપારી પ્રતિબંધો સંપૂર્ણપણે દૂર કરવામાં આવે.

ફ્રીઝ થયેલું ફંડ મુક્ત કરવું: વિદેશમાં ઈરાનની જેટલી પણ સંપત્તિ અને ભંડોળ ફ્રીઝ કરવામાં આવ્યું છે, તેને કોઈપણ વિલંબ વિના તાત્કાલિક રિલીઝ કરવામાં આવે.

નુકસાનનું વળતર: આ યુદ્ધ દરમિયાન ઈરાનને જે પણ આર્થિક અને માળખાકીય નુકસાન થયું છે, તેનું પૂરતું વળતર આપવામાં આવે.

હોર્મુઝ સ્ટ્રેટ પર અધિકાર: ઈરાન માંગ કરે છે કે મહત્વપૂર્ણ દરિયાઈ માર્ગ 'હોર્મુઝ સ્ટ્રેટ' પર તેની સંપૂર્ણ સાર્વભૌમત્વ (માલિકી) ને સત્તાવાર રીતે માન્યતા આપવામાં આવે.

આ પણ વાંચોઃ મુશ્કેલ સમયમાં આ દેશે ભારતને મદદની આપી ખાતરી, કહ્યું - કોઈ પણ સંજોગોમાં ઇંધણ અને ઊર્જાની અછત નહીં થવા...