Asif Ali Zardari: ઈમરાન ખાનને લાગ્યો વધુ એક ઝટકો, આસિફ અલી ઝરદારી બીજી વખત બન્યા પાકિસ્તાનના રાષ્ટ્રપતિ

Asif Ali Zardari: પાકિસ્તાનમાં રાષ્ટ્રપતિની ચૂંટણીના પરિણામો જાહેર થઈ ગયા છે. રાષ્ટ્રપતિની ચૂંટણી માટે શનિવારે જ મતદાન થયું હતું, ત્યારબાદ મતગણતરી કરવામાં આવી હતી.

( Image Source : Social Media )

Asif Ali Zardari: પાકિસ્તાનમાં રાષ્ટ્રપતિની ચૂંટણીના પરિણામો જાહેર થઈ ગયા છે. રાષ્ટ્રપતિની ચૂંટણી માટે શનિવારે જ મતદાન થયું હતું, ત્યારબાદ મતગણતરી કરવામાં આવી હતી. મતગણતરી બાદ પાકિસ્તાન પીપલ્સ પાર્ટીના નેતા આસિફ અલી ઝરદારીને 411 મતોથી વિજેતા જાહેર કરવામાં આવ્યા છે, જ્યારે તેમના હરીફ મહમૂદ અચકઝાઈને માત્ર 181 વોટ મળ્યા છે. નવા રાષ્ટ્રપતિ આસિફ ઝરદારી વર્તમાન રાષ્ટ્રપતિ ડૉ. આરિફ અલ્વીનું સ્થાન લેશે, જેમનો પાંચ વર્ષનો કાર્યકાળ ગયા વર્ષે પૂર્ણ થયો હતો. આસિફ અલી ઝરદારી લગભગ 11 વર્ષ બાદ ફરીથી પાકિસ્તાનના સર્વોચ્ચ બંધારણીય પદ પર પહોંચ્યા છે. આસિફ ઝરદારી સપ્ટેમ્બર 2008 થી 2013 સુધી પાકિસ્તાનના રાષ્ટ્રપતિ હતા. હવે બીજી વખત તેઓ પાકિસ્તાનના રાષ્ટ્રપતિ બન્યા છે.

 

411 PPP
181 SIC

Congratulations President elect Zardari @AAliZardari

Ab Sadar Banega Zardari pic.twitter.com/peJwjjCyYF

— BilawalBhuttoZardari (@BBhuttoZardari) March 9, 2024

આસિફ ઝરદારીને નેશનલ એસેમ્બલીમાં કુલ 255 વોટ મળ્યા છે. બીજા ક્રમે આવેલા મહેમૂદ અચકઝાઈને 119 વોટ મળ્યા હતા. આસિફ ઝરદારીને નેશનલ એસેમ્બલી અને ચાર પ્રાંતોમાં કુલ 411 ઈલેક્ટોરલ વોટ મળ્યા, જ્યારે અચકઝાઈને કુલ 181 વોટ મળ્યા. પાકિસ્તાની અખબાર ડૉન અનુસાર, ઈમરાન ખાનની પાર્ટી પીટીઆઈના સમર્થનથી પાકિસ્તાનની રાષ્ટ્રપતિની ચૂંટણીમાં આસિફ અલી ઝરદારી સામે ચૂંટણી લડનારા મહમૂદ ખાન અચકઝાઈએ કેટલાક વિસ્તારોમાં ખાસ કરીને પંજાબમાં મજબૂત મત મેળવ્યા હતા, પરંતુ તેમ છતાં તેઓ ચૂંટણી જીતવાથી દૂર રહ્યા.  તેમણે ચૂંટણીમાં ધાંધલીનો આરોપ લગાવીને દરમિયાનગીરી માટે કોર્ટને પણ અપીલ કરી હતી, પરંતુ કોર્ટે હસ્તક્ષેપ કરવાનો ઇનકાર કર્યો હતો.

ઝરદારી પાકિસ્તાનના મોટા રાજકીય પરિવારમાંથી આવે છે
આસિફ અલી ઝરદારી પાકિસ્તાનના ખૂબ જ પ્રતિષ્ઠિત રાજકીય પરિવાર સાથે સંબંધ ધરાવે છે. તેઓ પૂર્વ વડાપ્રધાન સ્વર્ગસ્થ બેનઝીર ભુટ્ટોના પતિ અને ઝુલ્ફીકાર ભુટ્ટોના જમાઈ છે. ભુટ્ટો 70ના દાયકામાં પાકિસ્તાનના રાષ્ટ્રપતિ અને પીએમ પણ હતા. ઝરદારીના પુત્ર બિલાવલ ભુટ્ટો પણ પાકિસ્તાનના વિદેશ મંત્રી રહી ચૂક્યા છે અને અત્યારે પણ તેમની પાર્ટી પીપીપી સરકારમાં ભાગીદાર છે.

પાકિસ્તાનમાં 8 ફેબ્રુઆરીએ સામાન્ય ચૂંટણીઓ યોજાઈ હતી. PMLN ના શાહબાઝ શરીફ PPP અને અન્ય પક્ષોની મદદથી PM બન્યા જ્યારે ચૂંટણીમાં કોઈ એક પક્ષને બહુમતી ન મળી. રાષ્ટ્રપતિની ચૂંટણીમાં પીપીપીના નેતા આસિફ ઝરદારીને પીએમએલએન અને સરકારના સહયોગીઓનું સમર્થન મળ્યું છે. જેના કારણે ઝરદારીને રાષ્ટ્રપતિની ચૂંટણીમાં આસાનીથી જીત મળી હતી.