બાંગ્લાદેશ એરફોર્સનું F-7 વિમાન ક્રેશ, કૉલેજની ઈમારત પર અથડાયું, એકનું મોત અનેક ઈજાગ્રસ્ત
બાંગ્લાદેશ વાયુસેનાનું ટ્રેઈની વિમાન સોમવારે બપોરે લગભગ 1.30 વાગ્યે માઇલસ્ટોન કૉલેજની ઇમારત સાથે અથડાયું હતું.
બાંગ્લાદેશની રાજધાની ઢાકામાં એરફોર્સનું એક ટ્રેઈની વિમાન ક્રેશ થયું. પીટીઆઈના અહેવાલ મુજબ, બાંગ્લાદેશ વાયુસેનાનું ટ્રેઈની વિમાન સોમવારે બપોરે લગભગ 1.30 વાગ્યે માઇલસ્ટોન કૉલેજની ઇમારત સાથે અથડાયું હતું. આ અકસ્માતમાં ઓછામાં ઓછા એક વ્યક્તિનું મોત નીપજ્યું હતું અને અનેક ઘાયલ થયા હતા. આ ઘટનાના ઘણા વીડિયો સોશિયલ મીડિયા પર શેર કરવામાં આવ્યા છે. અકસ્માત પછી તરત જ કોલેજ કેમ્પસમાં અફરાતફરી મચી ગઈ હતી.
One person was killed as a Bangladesh air force training aircraft crashed in a college campus in the capital city of Dhaka today, a fire services official said: Reuters
— ANI (@ANI) July 21, 2025
રાહત અને બચાવ કામગીરી ચાલુ છે
એરફોર્સનું વિમાન ક્રેશ થયાની માહિતી મળ્યા બાદ ફાયર વિભાગની એક ટીમને ઘટનાસ્થળે મોકલવામાં આવી છે. બાંગ્લાદેશ આર્મીના સભ્યો અને ફાયર સર્વિસ અને સિવિલ ડિફેન્સના આઠ વાહનોને ઘટનાસ્થળે મોકલવામાં આવ્યા છે. હાલમાં, ઘટનાસ્થળે રાહત અને બચાવ કામગીરી શરૂ કરવામાં આવી છે. એક વિદ્યાર્થીએ જણાવ્યું કે વિમાન બપોરે 1:30 વાગ્યે ઉત્તરા 17 સ્થિત માઇલસ્ટોન કોલેજ કેમ્પસમાં ક્રેશ થયું હતું. અન્ય એક પ્રત્યક્ષદર્શીએ જણાવ્યું કે વિમાન શાળાના મકાન સાથે અથડાયું હતું, જેના પછી તેમાં આગ લાગી હતી. અકસ્માત બાદ, નજીકમાં હાજર લોકો પણ દોડી ગયા હતા અને ઘાયલોને હોસ્પિટલ લઈ ગયા હતા.
A Bangladesh Air Force training jet reportedly crashed into Milestone College in Dhaka — 1 dead, 4 critically injured, rescue ops underway pic.twitter.com/xoTzlo2SBq
— RT (@RT_com) July 21, 2025
સ્થાનિક મીડિયા રિપોર્ટ્સ અનુસાર, F-7 ટ્રેનર એરક્રાફ્ટ બપોરે 1:06 વાગ્યે ઉડાન ભરી હતી અને 24 મિનિટ પછી 1:30 વાગ્યે ક્રેશ થયું હતું. હઝરત શાહજલાલ આંતરરાષ્ટ્રીય એરપોર્ટના એક વરિષ્ઠ અધિકારીએ ઘટનાની પુષ્ટિ કરી હતી, પરંતુ અકસ્માતનું કારણ કે જાનહાનિ વિશે તાત્કાલિક માહિતી આપી ન હતી. પ્રાપ્ત માહિતી અનુસાર, F-7 ચીની વિમાન છે.
એપી રિપોર્ટ અનુસાર, સેના અને ફાયર અધિકારીઓએ જણાવ્યું હતું કે બાંગ્લાદેશ વાયુસેનાનું ટ્રેનર એરક્રાફ્ટ ઢાકાના ઉત્તરી ઉત્તરા વિસ્તારમાં એક સ્કૂલ કેમ્પસમાં ક્રેશ થયું હતું, જેમાં ઓછામાં ઓછા 1 વ્યક્તિનું મોત થયું હતું અને અન્ય ઘાયલ થયા હતા. ઘાયલોને સારવાર માટે નજીકની હોસ્પિટલમાં દાખલ કરવામાં આવ્યા છે.
ટોપ સ્ટોરી
ટ્રેન્ડિંગ સમાચાર
